Rkaa̱ 3:16 - Xo̱jo̱n eén Néná

¹⁶ ta̱nga Juaa̱, bi̱ katsoó ngayeje kui xotaa̱: –An, nga ja̱koxi̱ ndáfoa xí botindá án, ta̱nga sꞌe̱ ndibá ngo xi tjín ngasee̱ ngaꞌniú ta̱bo̱a̱jiín án, kui xi ngaskande tsoboájínna nga an skjíndóo̱ ńꞌniuú tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xi ko̱tíndánijnú.

Rkaa̱ 3:16 ပူးပေါင်းရင်းမြစ်များ

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Matioo̱ 3:12

Jè tsꞌényaꞌa ngi̱ya tsja ni xi sa̱ꞌíntsjie to ndso̱ko̱a̱n ṉño̱paa̱n nga xín sa̱ꞌínkjaꞌa xtjieé. Kó kjo̱a̱ꞌátjó to ndso̱ko̱a̱n ṉño̱paa̱n ngi̱ndie nínga xi̱ndyiá, kó ku̱i̱ꞌítí xtjieé ngo ngi̱jii̱n ndiꞌí xi jmíni̱xtjin kꞌo̱.

Juaa̱ 1:26

Sꞌe̱ bi̱ katsó Juaa̱ nga tsíchji̱a̱: –An ndáfoa xí botindání an, ta̱nga kꞌi̱e̱ tikónjinná ngo xi yàjínjnú,

Juaa̱ 1:27

kuí xi̱ꞌbi̱ xi jaskan an ndibá, kui xi ngaskande tsoboájínna an nga skjíndóo̱ ńꞌniuú tji̱xíndieé.

Juaa̱ 1:33

Kó nde bejín an ꞌyání kui, ta̱nga kui xi katsangiyana nga ndáfoa tsꞌénbotindá án, bi̱ katsóna: “Kui xi xchi̱e̱ ji nga kjo̱tjajennié A̱si̱énni̱xtjii̱n kó nga ki̱a̱ kꞌuijñájíi̱n, kuí xi̱ꞌba̱ xi A̱si̱énni̱xtjii̱n Néná xí ko̱tíndání.”

Juaa̱ 7:38

Xi sꞌijii̱n an, xikó tsó xo̱jo̱n eén Néná, ngi̱jin ini̱ma̱a̱ ko̱ngajii̱n ndáfoaa̱ ndejèꞌ xi tikón.

Ni xi kamá 1:5

Ngatꞌa̱ ja̱koxi̱ boá nga Juaa̱ ndáfoa atíndání xotaa̱, ta̱nga ngi chiboa ni̱xtjin, kó jún sa̱tíndánijnú A̱si̱énni̱xtjii̱n Néná.

Ni xi kamá 10:44

Ta̱kó tsꞌénchji̱a̱ ngase Peé, nga A̱si̱énni̱xtjii̱n Néná kjindibánié ngayeje xota̱ xi ndyi̱bosiennijón kui eén.

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

1 Xota̱ Korinto̱ 12:13

Ngatꞌa̱ ta̱ ngo tsí A̱si̱énni̱xtjii̱n Néná xi kastindá ngayeje ñá, kó ngayeje ñá nga katseꞌéná nga kiꞌyó ti̱ kui A̱si̱énni̱xtjii̱n, kó bo̱a̱ tsꞌén nga ta̱ ngo yojo kamá, tsi xota̱ jundío̱, ko̱jo tsi xota̱ xi jundío̱jín, tsi moso̱ xi kastiñá, ko̱jo tsi xota̱ xi tjimándé.