Rkaa̱ 24:47 - Xo̱jo̱n eén Néná

⁴⁷ ko̱jo nga chjiéngá jaꞌeén Kjisoo̱ kꞌuini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, ko̱jo tsi̱ꞌe̱ nga si̱ꞌanjetakoón jeé ngayeje xota̱ na̱xi̱ńdaá, kó nga na̱xi̱ńdáꞌniú Jerusale̱n ku̱i̱ꞌítsꞌi̱yani kui nii̱.

Rkaa̱ 24:47 ပူးပေါင်းရင်းမြစ်များ

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Xo̱jo̱n Salmoo̱ 22:27

Ngayeje xota̱ xí tjín nga̱sondiee̱ kjo̱a̱ꞌátsjiee̱n Néná, kó kui ko̱e̱je̱kon nginií, kó ngayeje xtín xota̱ xi tjín na̱xi̱ńdaá, sa̱ꞌíndikoón nga ko̱siéntikoó.

Xo̱jo̱n Salmoo̱ 67:7

¡Néná ngatsꞌénchíkonñéná, kó ngatamayandikón ngaskande nínga fetꞌanii̱ tꞌanangii̱!

Xo̱jo̱n Salmoo̱ 86:9

Ji Ne, ngayeje xota̱ na̱xi̱ńdá xí jí kiniꞌínde ji, kji̱ndi̱bá, kó ji kjo̱e̱ꞌétsꞌendíkoón, ko̱jo tsja̱á kjo̱a̱tsja jaꞌée̱n.

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Rkaa̱ 13:34

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Ni xi kamá 10:43

Ngayeje já chji̱ni̱e̱ꞌe̱én Néná ja̱bo̱a̱ jè tsíchji̱a̱ kjo̱a̱a̱ Kjisoo̱, kó bo̱a̱ tsꞌén tsíchji̱a̱ nga ngayeje xota̱ xi sꞌijii̱n kui, sa̱ko̱ó kjo̱a̱jetakoón jeé.

Ni xi kamá 11:18

Kó ngije tsintꞌié kuí nii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, xioó kisꞌińdo, kó katsjaá kjo̱a̱je Néná nga bi̱ katsó: –¡Ko̱jo kui xota̱ xi Israee̱ljín katsjaá Néná nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn tsi̱ꞌe̱ nga kꞌuieé kjo̱a̱mindyion!

Ni xi kamá 13:46

Kósꞌe̱ Pabloo̱ ko̱jo Bernabee̱ ta̱kó tsíchji̱a̱ nga katsakjónjín, nga bi̱ katsoó: –Tjínjne̱ ngo kjo̱a̱ꞌniú nga ja̱koxi̱ nga jún tjón ko̱ndókjo̱a̱jojne̱ eén Néná, jún xi xota̱ jundío̱ jún, ta̱nga nga ti̱ juún ndyi̱ꞌmìjnú, ko̱jo nga sꞌijinjínjnú nga sa̱kójnú kjo̱a̱mindyion ngatsjéni̱xtjii̱n, ta̱sá kuí xota̱ xi jundío̱jiín kongínchonjne̱.

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Ni xi kamá 20:21

kó xota̱ xi jundío̱ ko̱jo xota̱ xi jundío̱jín tsꞌénxiyàa̱ nga sa̱ꞌínkꞌoyà yojoo̱, kó sku̱i̱e̱ Néná kó nga sꞌijii̱n Ndi̱a̱ná Jesukristoo̱.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

Ni xi kamá 26:20

kó kuíni nga tjón má xota̱ xi chji̱a̱ni na̱xi̱ńdáꞌniú Ndamasko̱ katsóyàa̱ eén Néná, sꞌe̱ jaskan xota̱ xi chji̱a̱ni na̱xi̱ńdáꞌniú Jerusale̱n, ko̱jo ngayeje xota̱ xi chji̱a̱ni nangi Jundea̱, kó ti̱ katsóyàa̱ xota̱ xi jundío̱jín nga, katsóyàa̱ tsi̱ꞌe̱ nga sa̱ꞌínkꞌoyà yojoo̱ jé xí ndyi̱tsꞌèn, kó nga ta̱sá Néná ko̱ngase ko̱jo nga sa̱ꞌín ni xi ndakjiꞌi, kósꞌe̱ bo̱a̱ tsꞌén ko̱kó yojoo̱ nga ja̱koxi̱ nga je ndi̱ya̱à Néná tjimá.

Ni xi kamá 28:28

Jún ngatamayajnú nga ngotꞌe̱ ꞌne̱, Néná tsꞌéntsjaá kjo̱a̱ꞌnaxiéꞌaá xota̱ xi jundío̱jín, kó ta̱sá kuí xi ku̱i̱ntꞌiè kuí eén.

Ni xi kamá 3:19

Kuíni nga, ti̱ꞌankꞌoyàjnú yojojnú, kó Néná ti̱ꞌansénjnúu̱, tsi̱ꞌe̱ nga kui sa̱ꞌínkjié jéjnú, kó kji̱ndi̱báchonjnú Ndi̱a̱a̱ nga ni̱xtjin xi nda,

Ni xi kamá 4:12

Kó jmíjín ingo ngase xi ka̱maa̱ kꞌo̱xiéꞌá xotaa̱, ngatꞌa̱ Néná katsangiyajín kje̱ꞌe ngase kui nga̱sondiee̱ xi ka̱maa̱ kꞌo̱xiéꞌáná.

Ni xi kamá 5:31

Kui Kjisoo̱ xi Néná iskjininkꞌa, kó katsjaá ngo ngi̱ndie nga kisꞌijñatꞌaa̱ tsja fojnií, kó katsjaá xá nga kui xi kꞌo̱xiéꞌá xotaa̱, tsi̱ꞌe̱ nga xota̱ xi chji̱a̱ni Israee̱l sa̱ꞌínkꞌoyà yojoo̱, kó Néná sa̱ꞌínjetakoón jé xí ndyi̱tsꞌèn.

Xota̱ Roma̱ 5:20

Ta̱nga kjo̱a̱kitii̱ jeꞌe tsi̱ꞌe̱ nga jeé ka̱makjín ngase, ta̱nga ngije kamákjín jeé, ti̱ kamátsié ngase kjo̱a̱ndaa̱ Néná.

Xota̱ Éfeso̱ 1:6

Kuíni nga, nganiꞌántsjaá Néná kjo̱a̱a̱ kui kjo̱a̱nda je xi akó xi ta̱ katsjáná, xi kasakojinná ngi̱jii̱n kui ndí xí tjoó kui.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

Xota̱ Kolosa̱ 1:27

Néná kamámejeén akoó kui xotaa̱, kókjiꞌi kjo̱a̱cho̱o̱n kjo̱a̱jee̱ ni xi tjiꞌmaá ngi̱jii̱n xota̱ xi tjín ngayeje nga̱sondiee̱, kó kui ni xi tjiꞌmá xi tjisꞌíjñátsijen ngotꞌe̱ kuí boá Kristo̱ xi tikónjinjnú, kó ta̱ngatꞌaa̱ kuí boá nga ndyi̱chiyájnú nga sa̱kójnú kjo̱a̱je.

1 Xo̱jo̱o̱n Juaa̱ 2:12

Jún ndí ndí tsa̱ꞌa̱n, tjítsꞌenꞌindójnúꞌun kui xo̱jo̱o̱n jún, ngatꞌa̱ ta̱ngatꞌanii̱ ni xi katsꞌén Jesukristoo̱ nga je kiniꞌánjetakoón jéjnú.