Rkaa̱ 24:44 - Xo̱jo̱n eén Néná

⁴⁴ Sꞌe̱ bi̱ katsoó kui jaá: –Kuí eén xi tsíchji̱a̱ an, kjiꞌanga ta̱kó tikónjo̱jnúꞌun: nga chjiéngá kjo̱tjosón ngayeje ni xi kjitꞌa kjo̱a̱a̱ an ngi̱ya kjo̱a̱kitii̱ Moisee̱, xo̱jo̱n xi katsꞌénꞌindó já chji̱ni̱e̱ꞌe̱én Néná ko̱jo xo̱jo̱n Salmoo̱.

Rkaa̱ 24:44 ပူးပေါင်းရင်းမြစ်များ

Jenesii̱s 14:18

Kui ngi̱ndiee̱ Melkisendee̱k ree̱ nangi Salee̱n ko̱jo chináꞌmii̱ Néná xi tikón nkꞌa jàn tsꞌaxié pan ko̱jo bino̱ xi yaꞌa, kó katsjaá Abra̱n,

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xo̱jo̱n Salmoo̱ 118:22

Ndi̱jo̱ xi katsꞌénchꞌó já chji̱ni̱e̱xo̱ó xí katsꞌénda na̱ngo̱xi̱i̱, kuí boá xi kamá ndi̱jo̱ ngaꞌniuú.

Xki̱ 21:8

kó Néná bi̱ katsoó Moisee̱: «Ngo ye̱ xi ki̱cha̱ bronse̱ ti̱ꞌinde ji, kó ngo yá ndojó tꞌítakí ji. Kó tsi tjín xota̱ xi ye̱ skji̱ni̱e̱e̱, bo̱a̱ tꞌíi̱n nga ki̱a̱ nga kotsijee̱n kui ye̱ xi ki̱cha̱ bronsee̱, kó ka̱mandaya ngijee̱».

Xki̱ 35:25

Xota̱ na̱xi̱ńdaá chjiéngá skoón kui xota̱ xi jmí tsi xá katsꞌénkꞌiénni ngo xota̱, kó ngata̱ tsja̱ndièjín nga xkjín kuí xi kiniꞌánkꞌieén sa̱ꞌíngojo nga sa̱ꞌínkꞌién. Kuíni nga xota̱ na̱xi̱ńdaá ko̱e̱je̱jo kui nda̱ xi jmí tsi xá katsꞌénkꞌiénnii̱, ki̱a̱ kui na̱xi̱ńdáꞌniú xi xá tikónnii̱. Tji̱e̱nga ki̱a̱ tikón kui xotaa̱ ki̱a̱ kui na̱xi̱ńdáꞌniuú, jmí ni ka̱májiín, kó jmíjín xi ni sa̱ꞌínjo̱. Ta̱nga ka̱májín kjo̱tjoni kui na̱xi̱ńdáꞌniuú, tji̱e̱nga tikón ngase ngito̱ko̱o̱ kui chináꞌmii̱. Ngije kꞌien ngito̱ko̱o̱ chináꞌmii̱, ka̱ma ko̱e̱je̱ nginí ndiꞌaa̱ kui nda̱a̱, kó jmíjín xi ni sa̱ꞌínjo̱. Ta̱nga tsi kui nda̱a̱ kjo̱tjoni kui na̱xi̱ńdáꞌniuú ngindiee̱ nga ko̱yà kuí ngito̱ko̱o̱ chináꞌmii̱, kó tsi ki̱a̱ sa̱ko̱ó xkjín kuí xota̱ xi kiniꞌánkꞌieén, kui xkjín xí kiniꞌánkꞌieén ka̱má sa̱ꞌínkꞌién kui xi bo̱a̱ katsꞌeén, kó jmí jé kꞌuiéjiín.

Matioo̱ 1:22

Ngayeje kui nii̱ kamá tsi̱ꞌe̱ nga kjo̱tjosón ni xi katsó Néná nga katsóyaà nda̱ chji̱ni̱e̱ꞌe̱én Néná, kjiꞌanga bi̱ katsó:

Matioo̱ 16:21

Ndeskande koó kjiꞌa ítsꞌi̱yanii̱ Kjisoo̱ nga katsóyaà xota̱ tsi̱ꞌe̱, nga chjiéngá ko̱e̱je̱ na̱xi̱ńdáꞌniú Jerusale̱n, kó nga chjiéngá tsie kjo̱a̱ni̱ma̱ kjo̱a̱ꞌatio ngi̱ya tsja já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Matioo̱ 26:54

Ta̱nga tsi bo̱a̱ sa̱ꞌin an, ja̱ kótsꞌèn kjo̱tjosón ni xi kjitꞌa xo̱jo̱n eén Néná, nga bo̱a̱ tsó nga chjiéngá bo̱a̱ tsꞌén ka̱ma kui nii̱.

Matioo̱ 26:56

Ta̱nga ngayeje kui nii̱ kjimá tsi̱ꞌe̱ nga kjo̱tjosón ni xi kjitꞌa xo̱jo̱n eén Néná xí katsꞌénda já chji̱ni̱e̱ꞌe̱én Néná. Kósꞌe̱ ngayeje xota̱ tsi̱ꞌe̱ Kjisoo̱ íjñámasien, sꞌe̱ tsanga.

Markoo̱ 9:31

ngatꞌa̱ xota̱ tsi̱ꞌe̱ akóyaá, kó bi̱ katsoó: Ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien, kó sa̱ꞌínkꞌién, kó ngije kiniꞌánkꞌién, xi ma jaán ni̱xtjin kjo̱a̱ꞌáꞌyaá.

Rkaa̱ 21:22

Ngatꞌa̱ ni̱xtjin nga ka̱mangojo boá kui ni̱xtjii̱n, tsi̱ꞌe̱ nga kjo̱tjosón ngayeje ni xi je kjitꞌa xo̱jo̱o̱n.

Rkaa̱ 22:37

Ngatꞌa̱ xiyàjnúꞌun nga chjiéngá kjo̱tjosón ngayeje ni xi je kjitꞌa xo̱jo̱n eén Néná kjo̱a̱a̱ an, nínga bi̱ tsoó: “Kó ngi̱jii̱n xota̱ xi ndajiín kamáxki̱”, ngatꞌa̱ kjo̱a̱a̱ ni xi kjitꞌa kjo̱a̱a̱ an jè tikoón kótsꞌèn kju̱i̱e̱tꞌa.

Rkaa̱ 24:46

kó bi̱ katsoó: –Bo̱a̱ tsꞌén je kjitꞌa xo̱jo̱o̱n nga chjiéngá tsie kjo̱a̱ni̱ma̱ kjo̱a̱ꞌatio Kristoo̱, ko̱jo nga xi ma ján ni̱xtjin kjo̱a̱ꞌáꞌyaá ngi̱jii̱n xota̱ xi je jesoón,

Rkaa̱ 9:22

Kó bi̱ katsoó: –Ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱. Kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Rkaa̱ 9:44

–Nda má tasiénijónjnúu̱ kui nii̱, kó nga niꞌánchíyájínjnú, ngatꞌa̱ ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien.

Juaa̱ 3:14

Kó xikótsꞌèn iskjininkꞌa Moisee̱ ye̱e̱ ki̱a̱ nangi kixií, ti̱ bo̱a̱ ti̱ tsꞌén chjanínkꞌá ndií nda̱ xi̱ꞌii̱n nga,

Juaa̱ 5:39

Chjátꞌayájnú ni xi tsó xo̱jo̱n eén Néná, ngatꞌa̱ bo̱a̱ tsꞌén nga ki̱a̱ sa̱kójnú kjo̱a̱mindyion ngatsjéni̱xtjii̱n, kó kuí boá kui én chistiko̱ xi chji̱a̱ kjo̱a̱a̱ an,

Juaa̱ 5:46

Ngatꞌa̱ tsi kiniꞌánsꞌijinjínjnúu̱ Moisee̱, ti̱ kiniꞌánsꞌijinjínjnú án tsobo̱a̱, ngatꞌa̱ kuí Moisee̱ xi katsꞌénꞌindó xo̱jo̱n kjo̱a̱a̱ an.

Ni xi kamá 13:33

kui xi Néná je katsꞌénkjatjosoón ndií kui xotaa̱, ko̱jo ñá, nga katsꞌénkjaꞌáꞌyaá Kjisoo̱, xikótsꞌèn kjitꞌa xo̱jo̱n eén Néná ki̱a̱ Salmo̱ xki̱ xi ma jó, nínga bi̱ tsó: “Jí xí ndína ji, kó án xí Na̱ꞌmíi̱ an, ngotꞌe̱.”

Ni xi kamá 13:40

ꞌNiú nda chónjnú yojojnú, tsi̱ꞌe̱ nga júnjín kꞌo̱kaniéjnú ni xi katsꞌénꞌindó já chji̱ni̱e̱ꞌe̱én Néná, xi bi̱ tsoó:

Ni xi kamá 2:27

Ngatꞌa̱ kꞌuijñímasinjínní ki̱a̱ ngi̱ndiee̱ kjo̱a̱bo̱yaa̱, ti̱nde ko̱e̱ꞌéndièjín ji nga kjo̱tsòn yojoo̱ nda̱ xi tsjie ngindyikin ji.

Ni xi kamá 3:18

Ta̱nga Néná, bi̱ tsꞌén katsꞌénkjatjosón ni xi katsóyàtjón nínga katsꞌénkíchji̱a̱ ngayeje já chji̱ni̱e̱ꞌe̱én nga Kristoo̱ chjiéngá tsie kjo̱a̱ni̱ma̱ kjo̱a̱ꞌatio.

Ni xi kamá 7:37

Kó ti̱kuíní kui Moisee̱, xi bo̱a̱ katsoó xota̱ Israee̱l: “Néná kui xi Ndi̱a̱ná sa̱ꞌínkjastjíe̱n ngi̱jii̱n ntsꞌiejnú ngo chji̱ni̱e̱ꞌe̱én xikoó an.”

Xota̱ Ebreo̱ 10:1

Kjo̱a̱kitii̱ Moisee̱ ta̱ ya nga ta̱ katsjá tsí ngo chi̱bo̱a̱a̱ ni nda xi jaskan kꞌuié, ta̱nga jmí tsi kui nii̱ xi ja̱koxi̱ nga kuí má bo̱a̱. Kjo̱a̱kitii̱ kamájiín katsꞌén xotaa̱ xikótsꞌèn mejeén Néná nga ka̱ma, kui xota̱ xi tsꞌéntsjaà Néná, kó xi xki̱ nó tsꞌenkꞌásꞌieén ti̱ kuii̱ kjo̱a̱tjoó.

Xota̱ Ebreo̱ 3:5

Kó Moisee̱ nga ja̱koxi̱, ngo moso̱ xi kixi̱ katsꞌén xaá kamá ngi̱jii̱n xotaa̱ Néná, kó akó ni xi jaskan ka̱tso̱yà Néná,

Xota̱ Ebreo̱ 7:1

Melkisendee̱k nda̱ ree̱ nangi Salee̱n, ko̱jo chináꞌmii̱ kui Néná xi tikón ndiꞌakꞌajmi jàn, kuí boá xi kijíkjaꞌáyíndi̱yà Abraa̱n ngije kjindibáni ngi̱jii̱n kjo̱a̱xchán nínga ja̱bo̱a̱ je katsꞌeén já ree̱, kó Melkisendee̱k tsíꞌá tsi̱ꞌe̱ nga Néná sa̱ꞌínchikonñé,

Xota̱ Ebreo̱ 9:8

kó bo̱a̱ tsꞌén nga A̱si̱énni̱xtjii̱n Néná tsꞌénkjiín takón nga tji̱e̱nga kisꞌijña ndiꞌańjño xi tjoón, kji̱e̱ bokójín ndi̱yà xí fochó nínga tikón ngi̱ndie xi ꞌniú ndikoón.

1 Xo̱jo̱o̱n Peé 1:11

Kamámejeén kamábe ꞌyá xota̱ ko̱jo mí ni̱xtjin xi íjñá tsijen A̱si̱énni̱xtjii̱n Kristoo̱ xi tikónjii̱n kui já chji̱ni̱e̱ꞌe̱én, kui A̱si̱énni̱xtjii̱n xi katsóyà nga tsie kjo̱a̱ni̱ma̱ kjo̱a̱ꞌatio Kristoo̱, ko̱jo kui kjo̱a̱je xi jaskan kji̱ndi̱baá.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.