Rkaa̱ 24:27 - Xo̱jo̱n eén Néná

²⁷ Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Rkaa̱ 24:27 ပူးပေါင်းရင်းမြစ်များ

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xki̱ 21:14

Kjo̱a̱a̱ kui nii̱, ki̱a̱ xo̱jo̱n xi kjitꞌa nga askjan Néná kjitꞌa ngo én xí bi̱ tsó: «Tsangínjne̱ xtji̱e̱e̱n Baee̱b, ki̱a̱ nangii̱ Sufaa̱, ko̱jo xtji̱e̱e̱n xo̱ngàndántꞌié Arnoo̱n.

Markoo̱ 4:34

Jmí ni̱xtjin nga énkjínjín katsꞌénkjién nga tsíchji̱a̱jo, ta̱nga xota̱ tsi̱ꞌe̱ katsóyàtꞌaxín cha̱n cha̱a̱n ngayeje nii̱.

Rkaa̱ 24:25

Kó Kjisoo̱, bi̱ katsoó kui jaá: –¡Mí xí ta̱ chi̱ninijnú ko̱jo mí xí ta̱ chjiya ini̱ma̱jnú nga kisꞌijinjínjnú ngayeje ni xi katsó já chji̱ni̱e̱ꞌe̱én Néná!

Rkaa̱ 24:44

Sꞌe̱ bi̱ katsoó kui jaá: –Kuí eén xi tsíchji̱a̱ an, kjiꞌanga ta̱kó tikónjo̱jnúꞌun: nga chjiéngá kjo̱tjosón ngayeje ni xi kjitꞌa kjo̱a̱a̱ an ngi̱ya kjo̱a̱kitii̱ Moisee̱, xo̱jo̱n xi katsꞌénꞌindó já chji̱ni̱e̱ꞌe̱én Néná ko̱jo xo̱jo̱n Salmoo̱.

Juaa̱ 1:45

Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 12:41

Kui nii̱ xi katsó Isayaa̱ ngatꞌa̱ kamábe kjo̱a̱jee̱ Kjisoo̱, kó tsíchji̱a̱ kjo̱a̱a̱ kui.

Juaa̱ 5:37

Ko̱jo Na̱ꞌmina xi katsangiyana xí kjima chistiko̱ kjo̱a̱a̱ an, ndatsi kji̱e̱ ndaꞌyájínjnú nda̱a̱, ko̱jo kji̱e̱ yàjínjnú kókjiꞌi a̱sie̱én,

Juaa̱ 5:39

Chjátꞌayájnú ni xi tsó xo̱jo̱n eén Néná, ngatꞌa̱ bo̱a̱ tsꞌén nga ki̱a̱ sa̱kójnú kjo̱a̱mindyion ngatsjéni̱xtjii̱n, kó kuí boá kui én chistiko̱ xi chji̱a̱ kjo̱a̱a̱ an,

Ni xi kamá 10:43

Ngayeje já chji̱ni̱e̱ꞌe̱én Néná ja̱bo̱a̱ jè tsíchji̱a̱ kjo̱a̱a̱ Kjisoo̱, kó bo̱a̱ tsꞌén tsíchji̱a̱ nga ngayeje xota̱ xi sꞌijii̱n kui, sa̱ko̱ó kjo̱a̱jetakoón jeé.

Ni xi kamá 3:18

Ta̱nga Néná, bi̱ tsꞌén katsꞌénkjatjosón ni xi katsóyàtjón nínga katsꞌénkíchji̱a̱ ngayeje já chji̱ni̱e̱ꞌe̱én nga Kristoo̱ chjiéngá tsie kjo̱a̱ni̱ma̱ kjo̱a̱ꞌatio.

Ni xi kamá 3:22

Ngatꞌa̱ Moisee̱ bi̱ katsoó xota̱ xi xcháná: “Kuí Néná xi Ndi̱a̱ná xi kjo̱a̱ꞌájin ngi̱jii̱n ntsꞌiejnú ngo nda̱ chji̱ni̱e̱ꞌe̱én Néná xikoó án, kuí boá xi ndaꞌyájnúu̱ ngayeje ni xi ku̱i̱chji̱a̱.

Ni xi kamá 3:24

Kó ngayeje já chji̱ni̱e̱ꞌe̱én Néná ndeskande xi yaꞌanii̱ Samuee̱ nga tsíchji̱a̱, kó katsóyà ni xi kjima kui ni̱xtjin xi̱ꞌbi̱.

Ni xi kamá 7:37

Kó ti̱kuíní kui Moisee̱, xi bo̱a̱ katsoó xota̱ Israee̱l: “Néná kui xi Ndi̱a̱ná sa̱ꞌínkjastjíe̱n ngi̱jii̱n ntsꞌiejnú ngo chji̱ni̱e̱ꞌe̱én xikoó an.”

Ni xi kamá 8:35

Kósꞌe̱ Ngiripee̱ iskjíbénií nínga tjítsꞌényà xo̱jo̱n eén Néná nga tsíchji̱a̱jo kjo̱a̱a̱ éntjatsi̱e̱ tsi̱ꞌe̱ Kjisoo̱.

Ndeuteronomio̱ 1:45

Sꞌe̱ jaskan ngije kjindibá nginíjnú, kichaꞌájnú, kó kandokjo̱a̱jnúu̱ Néná, ta̱nga kui ngiti̱ katsꞌénsénjínjnuú,

Ndeuteronomio̱ 18:15

»Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.