Rkaa̱ 24:19 - Xo̱jo̱n eén Néná

¹⁹ Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Rkaa̱ 24:19 ပူးပေါင်းရင်းမြစ်များ

Matioo̱ 21:11

Kó xota̱ kjiín, bi̱ katsó: –¡Kjisoo̱, nda̱ chji̱ni̱e̱ꞌe̱én Néná boá, nda̱ xi chji̱a̱ni na̱xi̱ńdáꞌniú Nasaree̱t, nangii̱ Ngalilea̱!

Markoo̱ 1:24

Mí xí tjiín kjo̱a̱a̱ ji̱n, Kjiso̱ xi chji̱a̱ni Nasaree̱t. A jè kjoéꞌe̱ niꞌínkjiéjne̱. Jè be an ꞌyání jí, kó jè be an nga ji xi xota̱ tsjiee̱ Néná.

Rkaa̱ 24:18

Sꞌe̱ bi̱ katsó nda̱ xi ꞌmí Kleofaa̱: –A ta̱ jí tsí nda̱ xi ki̱a̱jín ndokjo̱e̱ni na̱xi̱ńdáꞌniú Jerusale̱n xi bejín ngayeje ni xi kamá kui ni̱xtjii̱n.

Rkaa̱ 7:16

Kó ngayeje xotaa̱ katsakjónní, sꞌe̱ katsjaá kjo̱a̱je Néná, nga bi̱ katsó: –Ngo nda̱ chji̱ni̱e̱ꞌe̱én Néná xí ꞌniú nkꞌa xaá jatjojinná. Kó tjín xi bi̱ katsó: –Néná jè kjoeꞌekoón xota̱ na̱xi̱ńdá xí tsi̱ꞌe̱.

Juaa̱ 3:2

kui nda̱a̱ kijíkatsijee̱n Kjisoo̱ nga jñoó, kó bi̱ katsoó: –Mostro̱, jè yàjne̱ nga Néná katsangiyaa ji nga mostro̱ ji, ngatꞌa̱ jmíjín xi sa̱ꞌín kui chi̱bo̱a̱ ndikón xí niꞌín ji tsi Nénájín tikónjo̱.

Juaa̱ 4:19

Sꞌe̱ bi̱ katsó kui xota̱chjo̱on: –Ndi̱a̱, bee̱ko̱n an nga xota̱ chji̱ni̱e̱ꞌe̱én Nénárá ji.

Juaa̱ 6:14

Kósꞌe̱ nga kamábe kui jaá kui chi̱bo̱a̱ xi katsꞌén Kjisoo̱, bi̱ katsó: –Ja̱koxi̱ boá nga kui nda̱a̱ xi nda̱ chji̱ni̱e̱ꞌe̱én Néná kui xi kjo̱e̱ꞌe kuí nga̱sondiee̱.

Juaa̱ 7:52

Sꞌe̱ bi̱ katsoó já fariseoo̱: –A nangi Ngalilea̱ ndókjo̱e̱ni ji nga. Ti̱ꞌinye ji xo̱jo̱n eén Néná, kó xchi̱e̱ ji nga nde kji̱e̱ ngo nda̱ chji̱ni̱e̱ꞌe̱én Néná xí ndibání nangi Ngalilea̱.

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Ni xi kamá 2:22

Jún bo̱a̱ já xí chji̱a̱ni Israee̱l, ndaꞌyájnú kui én xí xian an: Kjisoo̱ nda̱ xi chji̱a̱ni na̱xi̱ńdáꞌniú Nasaree̱t, ngo nda̱ xi Néná akójnú nga kisꞌiee̱ ngaꞌniú, ko̱jo nga tsie kjo̱a̱ndikón xí katsꞌén ngi̱ya tsja nga kisꞌijñajo̱jnú, xikótsꞌèn ti̱ juún je yàjnú,

Ni xi kamá 7:22

Kó bo̱a̱ tsꞌén Moisee̱ akakoyaá ngayeje kjo̱a̱kjínkón xi máa xota̱ xi chji̱a̱ni Ejipto̱, kó ngo nda̱ xi ꞌniú chji̱ni̱e̱ kamá, ngatꞌa̱ kisꞌiee̱ ngaꞌniú én xí tsíchji̱a̱ ko̱jo ni xi katsꞌén.

Ndeuteronomio̱ 18:15

»Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.