Rkaa̱ 23:4 - Xo̱jo̱n eén Néná

⁴ Kósꞌe̱ Pilatoo̱, bi̱ katsoó já ngito̱ko̱o̱ chináꞌmii̱ ko̱jo xotaa̱: –Sa̱kójínna míkjo̱a̱a̱ nga si̱ꞌanjénií kui nda̱a̱.

Rkaa̱ 23:4 ပူးပေါင်းရင်းမြစ်များ

Matioo̱ 27:19

Kó tji̱e̱nga tikón Pilatoo̱ ngi̱ndie nínga niꞌánjeé, chjo̱ón katsangiyaa̱ ngo én xi bi̱ tsó: «Ngata̱ jijín chingajin nii̱ kui xota̱ kixi̱i̱, ngatꞌa̱ achichí kjo̱a̱ni̱ma̱ jaꞌatio an ngi̱jin ńjñána ngoye ta̱ngatꞌanii̱ kui.»

Markoo̱ 15:14

Ta̱nga Pilatoo̱, bi̱ katsoó: –Ja̱ mí ni xi ndajín xi katsꞌén. Ta̱nga ta̱sá má ꞌniú ngase askjandáyà xotaa̱, nga bi̱ katsó: –¡Tjatꞌe ji kro!

Rkaa̱ 23:22

Ta̱nga Pilatoo̱ xi ma ján ndi̱yà tsíchji̱a̱jo xota̱ na̱xi̱ńdaá, kó bi̱ katsoó: –Ja̱, mí ni xi ndajín xi katsꞌén. Nde ngojín ni xi katsꞌén xi ka̱ma si̱ꞌankꞌienni, ngije kjoaá, ku̱i̱ntjoen an.

Juaa̱ 18:38

Sꞌe̱ bi̱ katsó Pilatoo̱: –Kó mí ni bo̱a̱ ni xi ja̱koxi̱i̱. Kó ngije bo̱a̱ katsó Pilatoo̱, kijíkón nginií xota̱ jundíoo̱ kó bi̱ katsoó: –Jmí kjo̱a̱jín nga si̱ꞌanjeé kui nda̱a̱.

Ni xi kamá 25:25

Ta̱nga bejiínko̱n an nga ngo jé xí ꞌniú katsꞌén nga si̱ꞌankꞌien má, ta̱nga nga ti̱ kuii̱ tsꞌénmíꞌá nga kui nda̱ xtitjón xi tikón Roma̱ ngatsꞌénjeé, kuíni nga ki̱a̱ tsꞌén tsangiyakonñaa̱.

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

1 Xo̱jo̱o̱n Peé 1:19

Ta̱sá jiín Kristoo̱ xi kiniꞌánchjién kuí xí ꞌniú chjí ngasenii̱. Kristoo̱, kuí boá xi xikoó ngo cho̱tsa̱nga̱ xi nda ko̱jo xi onjiín.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.