Rkaa̱ 22:29 - Xo̱jo̱n eén Néná

²⁹ Kó kuíni nga an, tsjajnúꞌun nga ko̱ti̱xomájnú, xikótsꞌèn katsjána Na̱ꞌmina,

Rkaa̱ 22:29 ပူးပေါင်းရင်းမြစ်များ

Matioo̱ 24:47

Ja̱koxi̱ ni xi xiánjnúꞌun nga kui mosoo̱, kuí xí si̱ꞌankonda ngayeje ni xi tjiín ndi̱a̱a̱.

Matioo̱ 25:21

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Matioo̱ 5:10

Achichíra̱tsjaa̱ xota̱ xi tjimíyotji̱ngii̱ ta̱ngatꞌanii̱ nga ni xi kixi̱ ndyi̱tsꞌèn, ngatꞌa̱ kuí xí tsi̱ꞌe̱ nínga botíxomaa̱ Néná.

Matioo̱ 5:3

–Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Rkaa̱ 19:17

Kó bi̱ katsó nda̱ ree̱: “Nda kiniꞌín ji, moso̱ nda, kjo̱a̱a̱ nga chiboa to̱n xi kamáꞌniátakón ji nga kichíi̱n, tie na̱xi̱ńdá ko̱ti̱xomée̱.”

1 Xota̱ Korinto̱ 9:25

Ngayeje xota̱ xi stsáton ngo kjo̱a̱ńton, ꞌbíꞌniuú yojoo̱ ni xi ndajín sa̱ꞌiín, kó ja̱koxi̱ nga tsꞌén kuí nii̱ tsi̱ꞌe̱ nga sa̱ko̱ó ngo chjí xí fotson, ta̱nga ñá ndyi̱niꞌán ngo kjo̱a̱ꞌniú tsi̱ꞌe̱ nga sa̱kóná ngo chjí xí kjo̱tsònjín.

2 Xota̱ Korinto̱ 1:7

ꞌNiátakónjne̱ jún ngatꞌa̱ yàjne̱ nga tsi nijan ku̱i̱tja̱tió kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan sa̱kó ngaꞌniúná nga.

2 Timoo̱ 2:12

Tsi si̱ꞌanchíkjo̱a̱ kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan ko̱ti̱xomajo̱. Tsi si̱ꞌankie jàn yojoná nga ki̱a̱ timatji̱ngìi̱, ti̱ bo̱a̱ ti̱ tsꞌén kuí sa̱ꞌínkiejín yojoo̱ nga bená ñá.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.

Ni xi akakoo̱ 21:14

Kó xoó kui na̱xi̱ńdáꞌniuú tiejó ndi̱jo̱ kisꞌijña ngindiee̱, kó ki̱a̱ kisitꞌa jaꞌeén nga tiejó já apostroo̱ cho̱tsa̱nga̱a̱.