Rkaa̱ 21:36 - Xo̱jo̱n eén Néná

³⁶ Ti̱ndyionda síkijíjnú, kó ndókjo̱a̱jnúu̱ Néná, tsi̱ꞌe̱ nga kjo̱tjoꞌajnú yojojnú kjo̱a̱a̱ ngayeje ni xi sꞌe̱ ka̱maa̱, ko̱jo tsi̱ꞌe̱ nga ki̱a̱ kjóchójnú ngindyi̱ko̱n ndií nda̱ xi̱ꞌii̱n.

Rkaa̱ 21:36 ပူးပေါင်းရင်းမြစ်များ

Joo̱b 27:10

A kꞌuiérií kjo̱a̱tsja nga ki̱a̱ kꞌuijñátꞌaa̱ xi tsi̱ꞌe̱ ngayeje ngaꞌniuú. A ngatsjéni̱xtjin nga ku̱i̱chji̱a̱a̱ Néná.

Xo̱jo̱n Salmoo̱ 1:5

Kuíni nga ni̱xtjin nga ka̱majeé, ngiti̱ kjo̱stjíe̱njín xota̱ xi ndajiín, ¡kó xota̱jeé ki̱a̱jín nijan ka̱matikó nínga síndo xota̱ xi kixi̱i̱!

Matioo̱ 24:42

Ngata̱ tsjayojoféjínjnú tsobo̱a̱, ngatꞌa̱ yàjínjnú mí chi̱bo̱a̱a̱ nga kjo̱e̱ꞌe Ndi̱a̱jnú.

Matioo̱ 24:43

Ta̱nga ngatamakjínjnú kui nii̱: Tsi nda̱ xi tsi̱ꞌe̱ ndiꞌaa̱ sku̱i̱e̱ mí chi̱bo̱a̱ nga kjo̱chó chejeé ndiꞌaa̱, nde kjóféjín, kó nde tsja̱ndièjínraa̱ nga kꞌo̱sꞌien chejeé tsobo̱a̱.

Matioo̱ 24:44

Kó kuíni nga, ti̱ndyiondajnú ndatsa jún nga, ngatꞌa̱ nde xcha̱jínjnú, mí chi̱bo̱a̱ nga kjo̱e̱ꞌe ndií nda̱ xi̱ꞌii̱n.

Matioo̱ 25:13

Kósꞌe̱ bi̱ katsó Kjisoo̱: –Kuíni, ngata̱ tsjayojoféjínjnú, ngatꞌa̱ yàjínjnú ni̱xtjin ko̱jo chi̱bo̱a̱ nga kjo̱e̱ꞌe ndií nda̱ xi̱ꞌii̱n.

Matioo̱ 26:41

Ngata̱ tsjayojoféjínjnú, ta̱sá Néná ndókjo̱a̱jnúu̱, tsi̱ꞌe̱ nga chjátꞌayákónjínjnú, ja̱koxi̱ nga a̱si̱énni̱xtjinjnú ꞌniú tikón, ta̱nga inda tikón yojojnú.

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Markoo̱ 13:33

Kó kuíni nga ti̱ndyiondajnú, ngata̱ tsjayojoféjínjnú, kó ndókjo̱a̱jnúu̱ Néná, ngatꞌa̱ yàjínjnú nga kjo̱chó kui ni̱xtjii̱n.

Markoo̱ 13:37

Kó kui ni xi tꞌíxiánjnúꞌun jún, ngayeje xotaa̱ boá xi bo̱a̱ tꞌíxiaán: ¡Ngata̱ tsjayojoféjínjnú!

Rkaa̱ 1:19

Sꞌe̱ bi̱ katsó ndítsjiee̱: —Án xí ꞌmína Ngabrie̱, kó ngatsjéni̱xtjin nga ngindyi̱ko̱n Néná tikòn an, kó án xí kanangiyana tsi̱ꞌe̱ nga kꞌuini̱jmiì jí kui éntjatsi̱e̱e̱.

Rkaa̱ 18:1

Kjisoo̱ íni̱jmi̱ì kui énkjiín xotaa̱, kjo̱a̱a̱ nga chjiéngá ku̱i̱chji̱a̱a̱ Néná ngatsjéni̱xtjin, kó nga ko̱yayàjín,

Rkaa̱ 20:35

ta̱nga xota̱ xi sa̱ko̱ó nga kꞌuíndo kui nga̱sondie xi̱ꞌba̱, kó nga kjo̱a̱ꞌáꞌyaá xota̱ xi je jesoón, ti̱nde ngiti̱ ku̱i̱xánjín, kó ti̱nde ngiti̱ sa̱ꞌínkixanjín xkjín,

Rkaa̱ 21:35

ngatꞌa̱ bo̱a̱ ka̱ma xikó maá ngo chja̱ya̱ xi kꞌuijñaá ngayeje xota̱ xi síndo tꞌanangii̱.

Ni xi kamá 10:2

kui nda̱a̱ ko̱jo xota̱ ndiꞌaa̱ kamábendikón ton ton Néná, kó tsie to̱nchji̱e̱ katsjá nga asíko̱jo xota̱ na̱xi̱ńdaá, kó ngatsjéni̱xtjin tsíchji̱a̱a̱ Néná.

1 Xota̱ Korinto̱ 16:13

Ti̱ndyiondajnú, kó ꞌniú ti̱ndyiàjnú kjo̱a̱a̱ kjo̱a̱sꞌijinjnú, ngata̱ ndakonjínmájnú, kó te̱ꞌéngaꞌniújnúu̱ yojojnú.

2 Xota̱ Korinto̱ 4:14

Ngatꞌa̱ jè ya ñá nga Néná boá xi katsꞌénkjaꞌáꞌyaá Ndi̱a̱ná Kjisoo̱, kó ti̱ bo̱a̱ ti̱ tsꞌén sa̱ꞌínkjaꞌáꞌyáná ñá nga, kó nijan kjo̱joná ngindyi̱ko̱n kui.

Xota̱ Kolosa̱ 4:2

Ngatsjéni̱xtjin ndókjo̱a̱jnúu̱ Néná. Ti̱ndyiondajnú, kó te̱ꞌéjnúu̱ ndokꞌóchjì Néná.

1 Xota̱ Tesalónika̱ 5:17

Ngatsjéni̱xtjin ndókjo̱a̱jnúu̱ Néná.

2 Timoo̱ 4:5

Ta̱nga ji, ta̱jmì niní xi si̱ꞌin ji, nda tsꞌén tꞌíjñí ji kjo̱a̱kjíntakóo̱n, ko̱jo ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí, ko̱jo tꞌíni̱jmì ji éntjatsi̱e̱e̱ Néná, kó nda ti̱ꞌinkjatjosén ji xáa̱.

1 Xo̱jo̱o̱n Peé 4:7

Jè kjimatiñaa̱ nga kju̱i̱e̱ ngayeje ni xi tjiín, kuíni nga nda tsꞌén ti̱ꞌankjójnú nga ndókjo̱a̱jnúu̱ Néná, kó nda chónjnúu̱ nga si̱ꞌánjnú kui nii̱.

1 Xo̱jo̱o̱n Peé 5:8

Nda ti̱ꞌankjójnú ni xi si̱ꞌánjnú, kó ti̱ndyiondajnú, ngatꞌa̱ kondra̱jnú kui xi xindajín ndiabloo̱, tsoꞌbá xikó maá ngo xandi̱je̱ xi tamá, nga tsꞌénmongase ꞌyání xi sa̱ꞌínkꞌién nga skji̱ni̱e̱.

1 Xo̱jo̱o̱n Juaa̱ 2:28

Kó ngotꞌe̱ ꞌne̱ ndí ndí tsa̱ꞌa̱n, tindyionjinjnúu̱ Jesukristoo̱, tsi̱ꞌe̱ nga kjiꞌanga ko̱kó yojoo̱, tji̱e̱nda̱jín ka̱máná nga kongínchóo̱n ngindyi̱ko̱n, kó kjinjín si̱ꞌáa̱n yojoná nga soboá ka̱máná nga kjo̱e̱ꞌe kuí.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Ni xi akakoo̱ 11:4

Nga jó kui chistikoo̱ kuí boá nga jó yáꞌoliboo̱, ko̱jo nga jó ni xi ꞌbítíyá ndiꞌí xí tsꞌentsíjee̱n, kui xi síndo kje̱n nínga tikón kui Néná xí tsi̱ꞌe̱ tꞌanangii̱.

Ni xi akakoo̱ 6:17

ngatꞌa̱ jè jachó kui ni̱xtjin je nga ka̱majeé, kó ꞌyá xi kjo̱chíkjo̱a̱a̱ kui nii̱.

Ni xi akakoo̱ 7:9

Ngije kamá kui nii̱, askotsijen an kó kamábe an achichí ꞌniú kjín xota̱ xi ngaskande nde ta̱ꞌyajín xi kamaá íxki̱, xota̱ xi chji̱a̱ni ngayeje na̱xi̱ńdá, ko̱jo ngayeje xtín xota̱, ko̱jo ngayeje to̱ko̱ya én, ko̱jo ngayeje nangi, ndyi̱a̱kixi̱ kui xotaa̱ kje̱n nínga tikón xi botixómaá, ko̱jo kje̱n cho̱tsa̱nga̱a̱, nga ndyi̱yajá ńjño tiboa, kó xka̱jèn ndyi̱yaꞌa ngi̱ya tsja.

Ni xi akakoo̱ 8:2

Kó kamábe an nga yito ndítsjie xi ndyi̱a̱kixi̱ kje̱n Néná, kó kuí katseꞌeé yito tjio.