Rkaa̱ 20:16 - Xo̱jo̱n eén Néná

¹⁶ Ja̱ kji̱ndi̱bá, kó sa̱ꞌínkjié ngayeje já xí ndyi̱tsꞌènxájin kui ngi̱ndiee̱, kósꞌe̱ kje̱ꞌe xí tsja̱á kui ngi̱ndiee̱. Nga tsintꞌié kuí nii̱ kui xotaa̱, bi̱ katsó: –¡Néná xín ngatsꞌénkjáꞌáná kui nii̱!

Rkaa̱ 20:16 ပူးပေါင်းရင်းမြစ်များ

Matioo̱ 21:34

Kó nga jachó ni̱xtjin nga je kamáxchaá kui too̱, nda̱ xi tsi̱ꞌe̱ kui ngi̱ndiee̱ katsangiya mosoo̱, tsi̱ꞌe̱ nga kui já xí ndyi̱tsꞌènxá kuí ngi̱ndiee̱ ku̱i̱ꞌíchjií ni xi índajo̱.

Matioo̱ 21:41

Sꞌe̱ bi̱ katsó kui xotaa̱: –Sa̱ꞌínkjié ngayeje kui jaá, kó ni̱ma̱jín ka̱maa̱, sꞌe̱ kje̱ꞌe xota̱ tsja̱á chjínangí kui ngi̱ndiee̱, xi ku̱i̱ꞌíchjií nga kjo̱chó ni̱xtjin xikó kjiꞌi ni xi tsoboaá.

Matioo̱ 22:7

Kósꞌe̱ nda̱ ree̱ nga tsintꞌié kuí nii̱, achichí katsꞌénxchán, sꞌe̱ katsangiya jájún xi katsꞌénkjiesón já xí katsꞌénkꞌién mosoo̱ ree̱, sꞌe̱ ítí ngayeje na̱xi̱ńdaá kui jaá.

Markoo̱ 12:9

Kósꞌe̱ bi̱ tsꞌén asíyá Kjisoo̱: –Kó mí xí sa̱ꞌín ndi̱a̱ xi tsi̱ꞌe̱ kui jno̱ tostsi̱je̱è. Ja̱ kji̱ndi̱bá, kó sa̱ꞌínkjié ngayeje já xí ndyi̱tsꞌènxájin kui ngi̱ndiee̱, kósꞌe̱ kje̱ꞌe xí tsja̱á kui ngi̱ndiee̱.

Rkaa̱ 19:27

Kó kui xota̱ xi kondra̱na xi kamámejénjiín nga re ka̱ma an, ndibájo̱jnúꞌun kꞌi̱e̱e̱, kó ngindyikón án ti̱chásénjnú nga si̱ꞌankꞌiénjnú.”

Rkaa̱ 20:15

Kó katsꞌénkꞌién ndií ndi̱a̱ xi tsi̱ꞌe̱ kui ngi̱ndiee̱, sꞌe̱ tsꞌaxié nínga tjitjíe̱ tostsi̱je̱è. Kósꞌe̱ Kjisoo̱ asíyá: –Kó mí xí sa̱ꞌín ndi̱a̱ xi tsi̱ꞌe̱ kui jno̱ tostsi̱je̱è.

Ni xi kamá 13:46

Kósꞌe̱ Pabloo̱ ko̱jo Bernabee̱ ta̱kó tsíchji̱a̱ nga katsakjónjín, nga bi̱ katsoó: –Tjínjne̱ ngo kjo̱a̱ꞌniú nga ja̱koxi̱ nga jún tjón ko̱ndókjo̱a̱jojne̱ eén Néná, jún xi xota̱ jundío̱ jún, ta̱nga nga ti̱ juún ndyi̱ꞌmìjnú, ko̱jo nga sꞌijinjínjnú nga sa̱kójnú kjo̱a̱mindyion ngatsjéni̱xtjii̱n, ta̱sá kuí xota̱ xi jundío̱jiín kongínchonjne̱.

Xota̱ Roma̱ 11:1

Jún ntsꞌie, bi̱ xian an: A katsꞌénchꞌó Néná xota̱ na̱xi̱ńdaá. ¡Jmí! Ngatꞌa̱ an ti̱ xota̱ Israee̱l án, tji̱e̱e̱ Abraa̱n, xtín xota̱ xi chji̱a̱ni Benjaa̱.

Xota̱ Roma̱ 11:11

Kuíni nga bi̱ xian an: A kastingí xota̱ Israee̱l nga ixó tsi̱ꞌe̱ nga ngiti̱ kjo̱stjíe̱njín. ¡Jmí! Ta̱nga kuí ni xi ndajínkjiꞌi xi katsꞌén, nga xota̱ xi jundío̱jiín jachótꞌaa̱ nga kasakoo̱ kjo̱a̱ꞌnaxiéꞌaá, tsi̱ꞌe̱ nga ka̱maꞌonkon xota̱ Israee̱l.

Xota̱ Roma̱ 3:31

Kósꞌe̱, a ta̱ngatꞌanií kjo̱a̱sꞌijii̱n nga si̱ꞌanchjíjáa̱n kjo̱a̱kitii̱. ¡Jmí! Ta̱sá ndyi̱niꞌánchjí ngasée̱ kjo̱a̱kitii̱.

Xota̱ Roma̱ 3:4

¡Jmí!, Néná ngatsjéni̱xtjin nga ja̱koxi̱ boá ni xi tsó, kó ngayeje xotaa̱ nga ndiso, xikótsꞌèn kjitꞌa xo̱jo̱n eén Néná: Kixi̱ ka̱ma ji kjo̱a̱a̱ ni xi sé jí, kó ji si̱ꞌin ji, kjiꞌanga xchítꞌaa̱ tsi nda ko̱jo tsi ndajín ni xi kiniꞌín ji.

Xota̱ Roma̱ 3:6

¡Jmí! Tsi kixi̱jín Néná, kótsꞌèn ka̱maa̱ Néná nga ko̱tíjeé xotaa̱.

Xota̱ Roma̱ 6:15

Ja̱ kósꞌe̱, nga je ngiti̱ ngi̱yaa̱ kjo̱a̱kitii̱jín tindyión, nga ta̱sá ngi̱yaa̱ kjo̱a̱ndaa̱ Néná tindyión, a si̱ꞌanjé ñá. ¡Jmí, nga bo̱a̱jín ka̱ma!

Xota̱ Roma̱ 6:2

¡Jmí! Ngatꞌa̱ tsi je ikꞌíjñámasien jeé, kótsꞌèn nga ta̱kó ku̱i̱ndyión nga si̱ꞌanjé.

Xota̱ Roma̱ 7:13

Kuíni nga, a ni xi ndaa̱ xí katsjána kjo̱a̱bo̱ya. ¡Jmí! Ta̱sá jeé katsꞌénkjién ngo ni xi nda, kó kuí xí jeꞌejo̱na kjo̱a̱bo̱ya, tsi̱ꞌe̱ nga kjo̱a̱botíxomaa̱ ko̱kó cha̱n cha̱n nga ta̱nisién ꞌniú ndajín jeé.

Xota̱ Roma̱ 7:7

Mí xí kꞌuín tsobo̱a̱. Kjo̱a̱kitii̱ a jé boá. ¡Jmí! Ta̱nga tsi ta̱ngatꞌajiín kjo̱a̱kitii̱ kamábejín an jeé, ti̱nde kamábejín an kjo̱a̱ndikonkoón ngo ni, tsi bi̱jín tsó kjo̱a̱kitii̱: “Ngata̱ niꞌínmejénjín ji ni xi tse̱jín.”

Xota̱ Roma̱ 9:14

Ja̱, kó mí ni xi ka̱ma kꞌuín kjo̱a̱a̱ kui nii̱. A nga Néná kixi̱jín. ¡Jmí ni̱xtjin!

1 Xota̱ Korinto̱ 6:15

Nga ngo nga ngojnú jún ki̱a̱ ndokjo̱a̱nijnú na̱ngo̱xi̱i̱, kó na̱ngo̱xi̱i̱ kuí xí yojoo̱ Kristoo̱. Kó nga ngo nga ngojnú Kristoo̱ ndokjo̱a̱nijnú, kuíni nga ndajínkjiꞌi nga ngo xi chji̱a̱ni kui yojoo̱ xi na̱masien ko̱e̱je̱ tsꞌéntsjàjo̱.

Xota̱ Ngalasia̱ 2:17

Ji̱n xi xota̱ jundío̱ ji̱n xi ti̱ sꞌijinjne̱ Kristoo̱, ja̱bo̱a̱ tsꞌén ndyi̱mindyiséjne̱ nga kixi̱ ka̱majne̱ ngindyi̱ko̱n Néná, ta̱nga tsi bo̱a̱ tsꞌén tjisꞌíjñátsijen nga xota̱ jé kjimajne̱, a kuí nii̱ xi tsó nga Kristoo̱ íjñajinjne̱ jeé. ¡Jmí ni̱xtjin!

Xota̱ Ngalasia̱ 3:21

Kósꞌe̱ kjo̱a̱kitii̱, a kondra̱ tikónnii̱ ni xi katsóyàtjón Néná nga tsja̱á Abraa̱n. ¡Jmí! Ngatꞌa̱ tsi kjo̱a̱kitii̱ ka̱maa̱ tsja̱aná kjo̱a̱mindyion, ja̱ kjiꞌanga ndyi̱niꞌánkjatjosón kuí kjo̱a̱kitii̱, kjiꞌara̱ tsobo̱a̱ nga kixi̱ tindyión ngindyi̱ko̱n Néná.

Xota̱ Ngalasia̱ 6:14

Kjo̱a̱ ngaá an ꞌne̱, mejénjínna nga je kꞌoxié an yojona, ngototo kjo̱a̱a̱ ni xi katsꞌén Ndi̱a̱ná Jesukristoo̱ nga kꞌientꞌa kroo̱. Ngatꞌa̱ ki̱a̱ tꞌaa̱ kro jè kꞌienjo̱ an Kristoo̱. Kó ni xi tsi̱ꞌe̱ kui nga̱sondiee̱ jè ngiti̱ jmí ni bejín kjo̱a̱a̱ an, ti̱nde an ngiti̱ jmí ni bejín an kjo̱a̱a̱ ni xi tsi̱ꞌe̱ kui nga̱sondiee̱.