Rkaa̱ 2:41 - Xo̱jo̱n eén Néná

⁴¹ Kó xi xchaá Kjisoo̱, xki̱ nó xki̱ nó fí sꞌué paskua̱ xi fotjo na̱xi̱ńdáꞌniú Jerusale̱n.

Rkaa̱ 2:41 ပူးပေါင်းရင်းမြစ်များ

Éksondo̱ 12:11

Ka̱májín kjo̱a̱ꞌátjó chií kui cho̱o̱ tsi̱ꞌe̱ nga nga kamángindyiojón skji̱ni̱e̱, ngatꞌa̱ kjiꞌá boá sꞌué paskuaa̱, kui xi niꞌán nga nganda tsa̱ꞌa̱n, cho̱ xi kꞌo̱ngii̱ chjiéngá ngatꞌítí.

Éksondo̱ 12:14

»Kó ngotꞌe̱ xꞌi̱a̱nijnú, nga ngatsjéni̱xtjin ngayejejnú chjiéngá si̱ꞌánjnú kui sꞌueé nganda tsa̱ꞌa̱n, tsi̱ꞌe̱ nga si̱ꞌankjaꞌátsjienjnú ni̱xtjin nga tsꞌaxiéjnúꞌun nangi Ejipto̱. Yito ni̱xtjin kꞌo̱ndíyaá kui sꞌueé, kjiꞌa ku̱i̱ꞌítsꞌi̱yani nga ka̱mangixoón ni̱xtjin tienijoón saá, kó nga kju̱i̱e̱ kjiꞌá boá nga kamángixoón ni̱xtjin xi kan ngoo̱. Kui xomanaa̱ chjiéngá jó ndi̱yà nga ndikóntsꞌèn ka̱matikójnú, ngo ndi̱yà nga ni̱xtjin xi tjoón, sꞌe̱ ingo ndi̱yà nga ni̱xtjin xi ma yitoo̱. Ta̱ nínga tindyiónjnú, nga yito kui ni̱xtjii̱n pan xi jmí nisanjiín boá xi xi̱ni̱e̱jnú. Ndeskande ni̱xtjin xi tjoón kui sꞌueé, ngaskande ni̱xtjin xi fetꞌanii̱ nga nde chií nda̱ꞌyo̱ pan xi tjiín nisan kꞌuiéjínjnú ndiꞌajnú. Kui xi skji̱ni̱e̱ pan xi tjiín nisan nga yito kui ni̱xtjii̱n, tsi xota̱ xi xín nangi, ko̱jo tsi xota̱ Israee̱l, chjiéngá ku̱i̱yòtjíngií ngi̱jii̱n jún. Kó nga yito kui ni̱xtjii̱n nde ngojín xá si̱ꞌánjnú, ta̱ ngototo ni xi xi̱ni̱e̱jnú xi ka̱ma si̱ꞌandajnú. Kjo̱a̱kiti xi kꞌuijñá ngatsjéni̱xtjin boá kui nii̱».

Éksondo̱ 34:23

»Ngayeje jáxíꞌiín, chjiéngá ján ndi̱yà nga ngo noó kjo̱e̱ꞌétsꞌendíkónna. Án boá xi Nee̱ xota̱ Israee̱l.

Lebitiko̱ 23:5

»Chjiéngá si̱ꞌánjnú sꞌué paskuaa̱ nga kjimajñoó ni̱xtjin tienijoón sá xí ꞌmí Abii̱b.

Xki̱ 28:16

»Ni̱xtjin tienijoón sá xí ꞌmí Abii̱b xki̱ nó, ku̱i̱ꞌítsꞌi̱yani nga ka̱ma sꞌué Paskuaa̱ nganda tsa̱ꞌa̱n, kó ngo xomana̱ kꞌo̱ndíyaá. Ni̱xtjin tjoón ko̱jo ni̱xtjin xi fetꞌanii̱ kui sꞌueé jmíjín xi sa̱ꞌínxá, ta̱sá ngatamatikó tsi̱ꞌe̱ nga an sa̱ꞌíndikónna. Ni̱xtjin xi ma joó kui sꞌueé, chjiéngá skji̱ni̱e̱ pan xi jmí nisanjiín. »Nga yito ni̱xtjin nga ma kui sꞌueé, chjiéngá sa̱ꞌínkꞌién ko̱jo ku̱i̱ꞌítí nganda tsa̱ꞌa̱n jó cho̱yojo toro̱, ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón. Kó ti̱ chjiéngá sa̱ꞌínkꞌasꞌienna kjo̱a̱tjó xi niꞌánkꞌasꞌien ndyiojón ndyiojón nga. »Nga ngo nga ngo kui cho̱yojo toro̱ xi sa̱ꞌínkꞌasꞌienna, chjiéngá nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱ xi je kiniꞌánda̱ꞌyo̱ni isti̱, kó kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé. Bo̱a̱ tsꞌén nga tsja mana nga niꞌánkꞌasꞌienna kui kjo̱a̱tjoó.

Rkaa̱ 2:42

Kó nga kamá tiejó noó Kjisoo̱, kijí na̱xi̱ńdáꞌniú Jerusale̱n, xikótsꞌèn tikón kjo̱a̱xcha̱á.

Juaa̱ 11:55

Kó ngije kjimatiña sꞌué paskuaa̱ xota̱ jundíoo̱, achichí má xota̱ xi kijí na̱xi̱ńdáꞌniú Jerusale̱n, ngindiee̱ sꞌué paskuaa̱ tsi̱ꞌe̱ nga sa̱ꞌíntsjie yojoo̱.

Juaa̱ 13:1

Kó ngindiee̱ sꞌué paskuaa̱, nga ja̱bo̱a̱ je be Kjisoo̱ nga je jachó chi̱bo̱a̱a̱, nga ko̱e̱je̱ kui nga̱sondiee̱ sꞌe̱ ko̱e̱je̱koo̱n Na̱ꞌmii̱, katsꞌéntjó xotaa̱ kui nga̱sondiee̱, katsꞌéntjó ngaskande nga fetꞌani.

Juaa̱ 2:13

Kó kjiꞌanga je tikón tiña sꞌué paskuaa̱ xota̱ jundíoo̱, Kjisoo̱ kijí na̱xi̱ńdáꞌniú Jerusale̱n.

Juaa̱ 6:4

Kó je kjimatiñaa̱ nga ka̱ma sꞌué paskuaa̱, sꞌueé já jundíoo̱.

Ndeuteronomio̱ 16:16

»Ján má sꞌué xí má xki̱ nó, xi chjiéngá nde ngojín xota̱ xi je tsꞌatio tiejó noó xi xcha̱ja, kuí bí kui sꞌueé xi xian an: Sꞌué paskuaa̱, sꞌueé cha̱a̱n ni xi kamáxchaá, ko̱jo sꞌueé ndiꞌa nkꞌieén. Nga ján kui sꞌueé, chjiéngá ki̱a̱ ka̱ma ki̱a̱ ndiꞌandikoón, kó chjiéngá ngayeje xotaa̱ nga ko̱a̱ꞌa ngo kjo̱a̱tjó tsi̱ꞌe̱ Néná. Ta̱ xikótsꞌèn tjítsꞌénchíkonñé Néná, bo̱a̱ kjiꞌi kjo̱a̱tjó xi sa̱ꞌínkꞌasꞌiee̱n.