Rkaa̱ 2:37 - Xo̱jo̱n eén Néná

³⁷ kó jè ichítié ko̱jo kantié nijón nó tjiín, kó ngatsjéni̱xtjin nga ki̱a̱ kisꞌijña ngi̱ya na̱ngo̱xi̱i̱, nga katsꞌén xaá Néná, nga ni̱xtjin ko̱jo nga ni̱xtji̱e̱n nga katsꞌénkjindiá, ko̱jo nga tsíchji̱a̱a̱ Néná.

Rkaa̱ 2:37 ပူးပေါင်းရင်းမြစ်များ

Xo̱jo̱n Salmoo̱ 22:2

Ji Ne tsa̱ꞌa̱n, nga ni̱xtjii̱n tsꞌénchji̱a̱a̱ nga ni̱ma̱ tꞌíxiaán, kó niꞌínsénjínní, tsꞌénchji̱a̱a̱ nga ni̱xtji̱e̱e̱n, kó nde jmí kjo̱a̱xiójínna.

Xo̱jo̱n Salmoo̱ 23:6

Ja̱koxi̱ boá, nga kjo̱a̱ndàa̱ ko̱jo kjo̱a̱ni̱ma̱takoón, kꞌuíndojinna ngayeje ni̱xtjin nga kotíjña̱ an nga̱sondie, kó ndiꞌaa̱ Néná ngatsjéni̱xtjin nga ki̱a̱ kotíjña̱ an.

Xo̱jo̱n Salmoo̱ 27:4

Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 84:10

Ngatꞌa̱ ta̱sá nda ngase nga ngo ni̱xtjin kotíjña̱ an na̱ngo̱xi̱i̱, ta̱bo̱a̱jiín tsi ngo mi̱ ni̱xtjin kjin kotíjña̱ñaa. Ta̱sá kjo̱a̱ꞌajin an nga ki̱a̱ kotíjña̱ an nga̱ntjo̱a̱ Ndiꞌaa̱ Néna, ta̱bo̱a̱jiín nga ki̱a̱ kotíjña̱ an ndiꞌaa̱ nínga ndajín kjima.

Xo̱jo̱n Salmoo̱ 84:4

¡Achichíra̱tsjaa̱ xota̱ xi ki̱a̱ síndo ndiꞌa nínga tindyin ji! ¡Ngatꞌa̱ ngatsjéni̱xtjin nga ji ndyi̱tsꞌèntsjaà!

Xo̱jo̱n Salmoo̱ 92:13

Ki̱a̱ kꞌuítji̱e̱ ki̱a̱ Ndiꞌaa̱ Néná, kó ki̱a̱ ko̱a̱ja̱a̱ naxó ki̱a̱ ndi̱tsen Néná.

Éksondo̱ 38:8

Ínchjín xi katsꞌénxá ki̱a̱ nga̱ntjo̱a̱ na̱ngo̱xi̱i̱, katsꞌénkꞌasꞌiee̱n Besalee̱l chi̱tsen xi tsitsienjenjinni xi ki̱cha̱ bronse̱ xi kisꞌiee̱, kó kuí ki̱cha̱a̱ xi katsꞌéndani Besalee̱l ngo ni xi moniéyà ndsa̱. Kó ti̱ ki̱cha̱ bronse̱ katsꞌéndani nínga ikꞌíjñasón kui nii̱ nga.

Rkaa̱ 5:33

Kósꞌe̱ kui jaá, bi̱ katsoó Kjisoo̱: –Míkjo̱a̱a̱ nga xota̱ tsi̱ꞌe̱ Juaa̱ ko̱jo já fariseoo̱, kjín ndi̱yà tsꞌénkjáꞌa kjindiá yojoo̱, ko̱jo achichí chji̱a̱a̱ Néná, ta̱nga xota̱ tse̱ ndyi̱kjinie ko̱jo ndyi̱ꞌbi kui.

Ni xi kamá 13:3

Kósꞌe̱ ngije tsíchji̱a̱a̱ Néná, ko̱jo ngije jaꞌa nga kisꞌińdo kjindiá, ngayeje kui xota̱ na̱ngo̱xi̱i̱ íjñasoón tsja, sꞌe̱ katsꞌénkjí.

Ni xi kamá 14:23

Kó Pabloo̱ ko̱jo Bernabee̱ xki̱ na̱ngo̱xi̱ katsjaá xá xota̱ xi xchá xí kꞌuíndotjoón na̱ngo̱xi̱i̱, kó ngije tsíchji̱a̱a̱ Néná, ko̱jo ngije jaꞌa nga katsꞌénkjindiá, Ndi̱a̱ná katsꞌéngatꞌaa̱ kui xota̱ xi je kisꞌijii̱n.

Ni xi kamá 26:7

kó nga tiejó tji̱e̱e̱ xota̱ xi chji̱a̱ni Israee̱l ndyi̱koya nga Néná sa̱ꞌínkjatjosón kui nii̱, kó kuíni nga ndyi̱bendikón Néná, kó ndyi̱tsꞌènseén Néná nga ni̱xtjin ko̱jo nga ni̱xtji̱e̱n. Ta̱ngatꞌanii̱ kui kjo̱a̱chiyaá, ji nda̱ re Angripa̱, nga xota̱ jundíoo̱ ndyi̱bongítaꞌinna ngotꞌe̱.

1 Timoo̱ 5:5

Kui xota̱chjo̱on kꞌán xi ja̱koxi̱ nga je kꞌien xi̱ꞌii̱n xi jmíjín xi tjiín, ko̱jo xi je kisꞌijña soboaá, Néná koyaa̱ nga ko̱síko̱jo, kó ngatsjéni̱xtjin chji̱a̱a̱ Néná nga ni̱xtjin ko̱jo ni̱xtji̱e̱n nga míꞌaá ni xi chjieén.

Ni xi akakoo̱ 3:12

Kui xi sa̱ꞌiín, kuí xí tsjàa̱ nga kui xi ka̱ma yáseé na̱ngo̱xi̱i̱ Ne xi tsa̱ꞌa̱n, kó jmíni̱xtjin kjo̱tjo kui ngi̱ndiee̱, kó nga̱són yojoo̱ sa̱ꞌinꞌindó an jaꞌeén Ne xi tsa̱ꞌa̱n, ko̱jo jaꞌeén na̱xi̱ńdaá Ne xi tsa̱ꞌa̱n, kui xi na̱xi̱ńdáꞌniú Jerusale̱n xi tja̱tsi̱e̱e̱ xi ndibání ndiꞌakꞌajmii̱ Ne xi tsa̱ꞌa̱n, kó ti̱ bo̱a̱ ti̱ tsꞌén kꞌuijñáa̱ yojoo̱ jaꞌén tja̱tsi̱e̱na.

Ni xi akakoo̱ 7:15

Kuíni nga ki̱a̱ síndo kje̱n nínga tikón kui Néná xí botixómaá, kó nga jñó nga ni̱xtjin nga ndyi̱tsꞌènseén Néná ki̱a̱ na̱ngo̱xi̱i̱, kó kuí xi botixómaá, skoón nga ki̱a̱ kꞌuijñájo̱ ngi̱ndie ndikoón.