Rkaa̱ 2:21 - Xo̱jo̱n eén Néná

²¹ Kó nga jachó xi ma jin ni̱xtjin, kiniꞌaán sirkunsisioo̱n kui ndií, kósꞌe̱ KJISO̱ ikítꞌa jaꞌén, ti̱ kuii̱ jaꞌén xí katsóyàtjón ndítsjiee̱, ngindiee̱ nga ko̱a̱ꞌa̱ ndí na̱ Riyaa̱.

Rkaa̱ 2:21 ပူးပေါင်းရင်းမြစ်များ

Jenesii̱s 17:12

Kꞌi̱e̱ ku̱i̱ꞌítsꞌi̱yanii̱ ngotꞌe̱ ꞌne̱, nga ngayeje ndí xí stse̱n ngi̱jii̱n xota̱jnú, nga xi ma jin ni̱xtjin nga stse̱n, si̱ꞌaa̱n sirkunsisioo̱n. Kui kjo̱a̱ꞌbíndaa̱ chjiéngá sa̱ꞌínkjatjosón ndí xí stse̱n ndiꞌajnú, ko̱jo tsi ndií moso̱jnú, ko̱jo tsi ndií xota̱ xi xín nangi chji̱a̱ni, ndatsi xota̱ tji̱e̱ tse̱jín má. Chi̱bo̱a̱a̱ kui kjo̱a̱ꞌbínda xi tjítsꞌenjo̱jnúꞌun chjiéngá ngi̱jin yojojnú xꞌi̱a̱jnú, kui kjo̱a̱ꞌbíndaa̱ ngatsjéni̱xtjin nga kꞌuijñá.

Lebitiko̱ 12:3

Kui ndií chjiéngá xi ma jii̱n ni̱xtjin si̱ꞌaa̱n sirkunsisioo̱n,

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 1:25

Kó nde kji̱e̱ foyojojo̱jín xkjín nga kisꞌiee̱ ngo ndí na̱ Riyaa̱, kui xi KJISO̱ ítꞌajaꞌén.

Matioo̱ 3:15

Kó Kjisoo̱, bi̱ katsoó: –Te̱ꞌéndiè ji ngotꞌe̱, ngatꞌa̱ chjiéngá si̱ꞌankjatjosón ngayeje ni xi kixi̱ ngindyi̱ko̱n Néná. Kósꞌe̱ Juaa̱ atíndá Kjisoo̱.

Rkaa̱ 1:31

Ngotꞌe̱ ꞌne̱ ngo ndí xꞌi̱e̱ ji, kó ngije stse̱n kuí ndií, KJISO̱ kuítꞌe jaꞌén.

Rkaa̱ 1:59

Kó xi ma jin ni̱xtjin, tsangínjo̱ kui ndií nga kiniꞌaán sirkunsisioo̱n, kó Sakariya̱ ikítꞌa jaꞌén xikó ꞌmí na̱ꞌmii̱ kui ndií.

Xota̱ Filipo̱ 2:8

kó nga xota̱ kamá, ni̱ma̱kjo̱a̱ katsꞌén ti̱ kui yojoo̱, kó tsintꞌiéꞌeén Néná ngaskande nga kꞌien, nga kꞌientꞌa kroo̱.