Rkaa̱ 2:11 - Xo̱jo̱n eén Néná

¹¹ Nga ngotꞌe̱ ꞌne̱ je katsen na̱xi̱ńdáꞌniuú Ndabii̱ ngo xi kꞌo̱xiéꞌájnú, kui xi KRISTOO̱, xi Ndi̱a̱jnú.

Rkaa̱ 2:11 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xo̱jo̱n Salmoo̱ 2:2

Kjo̱stjíe̱n re xi tjín ngayeje nga̱sondiee̱, kó nijan ku̱i̱ꞌínda xtín ko̱jo xota̱ xi botixómaá, kótsꞌèn nga skjánjo̱ Néná ko̱jo kui xi jaꞌájin kui, nga bi̱ ndyi̱tsó:

Matioo̱ 1:16

kó Jako̱b na̱ꞌmii̱ Kosiee̱, xi̱ꞌii̱n na̱ Riyaa̱, na̱aa̱n Kristoo̱.

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 16:20

Kósꞌe̱ Kjisoo̱ katsóyaà xota̱ tsi̱ꞌe̱, tsi̱ꞌe̱ nga ta̱ꞌyajín xi ka̱tso̱yaa̱ nga Kjisoo̱ xi Kristoo̱.

Rkaa̱ 1:43

Kó ꞌyání an, tsi̱ꞌe̱ nga an kji̱ndi̱bátsobekonna na̱aa̱n Ndi̱a̱na.

Rkaa̱ 1:69

Kó katsangiya ngo xi ꞌniú tjiín ngaꞌniú nga kꞌo̱xiéꞌáná, xi chji̱a̱ni xota̱ tji̱e̱e̱ Ndabii̱, nda̱ xi mosoo̱ Néná,

Rkaa̱ 2:26

kó A̱si̱énni̱xtjii̱n Néná katsóyàtjoón kui nda̱a̱ nga kji̱e̱ ko̱yàjín tsi tjónjín sku̱i̱e̱ Kristoo̱, kui xi sa̱ngíyá Néná.

Rkaa̱ 2:4

Kó Kosiee̱ jatjoni na̱xi̱ńdáꞌniú Nasaree̱t, xi tikón nangi Ngalilea̱, sꞌe̱ kijí ndí na̱xi̱ńdáꞌniú Belee̱n xi tikón nangi Jundea̱, nínga katsen nda̱ re Ndabii̱, ngatꞌa̱ Kosiee̱ xota̱ tji̱e̱e̱ nda̱ re Ndabii̱ chji̱a̱ni,

Juaa̱ 1:41

Jandree̱ kuí xí tjón kasakoo̱ ntsꞌi̱e̱ xi ꞌmí Ximoo̱, kó bi̱ katsoó: –Jè kasakoná Mesiyaa̱ (kui xi Kristoo̱, tsó kui eén).

Juaa̱ 1:45

Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 11:27

Sꞌe̱ bi̱ katsó na̱ Martaa̱: –Jo̱o̱n Ndi̱a̱, kó sꞌijinna nga jí xí Kristo̱ xi ndií Néná, xi kjo̱e̱ꞌe kuí nga̱sondiee̱.

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 4:25

Sꞌe̱ bi̱ katsó kui xota̱chjo̱on: –Jè be an nga sꞌe̱ ndibá Mesiyaa̱, kui xi Kristo̱ ꞌmií, kó kjiꞌanga kjo̱e̱ꞌe, kuí xí ka̱tso̱yàjne̱ ngayeje nii̱.

Juaa̱ 4:42

kó bi̱ kiꞌmií kui xota̱chjo̱on: –Jmí tsi ta̱ kjo̱a̱a̱ ni xi kasejne̱ nga sꞌijinjne̱, sꞌijinjne̱ kjo̱a̱a̱ nga ji̱n má xi kandaꞌyájne̱ ni xi katsó, kó nga je yàjne̱ nga ja̱koxi̱ boá nga kui xi Kristoo̱, xi kꞌo̱xiéꞌá xotaa̱ kui nga̱sondiee̱.

Juaa̱ 6:69

Kó ji̱n jè kisꞌijinjne̱, kó je yàjne̱ nga ji xi Kristoo̱, ndií Néná xí tikoón.

Juaa̱ 7:41

Kje̱ꞌe xota̱, xi bi̱ katsó: –Kuí xi̱ꞌbi̱ xi Kristoo̱. Ta̱nga tjín xí, bi̱ katsó nga: –Kótsꞌèn nga nangi Ngalilea̱ kji̱ndi̱báni Kristoo̱.

Ni xi kamá 10:36

Néná xí katsangiyaa̱ eén xota̱ Israee̱l nga katsóyà éntjatsi̱e̱e̱ kjo̱a̱xioó ngatꞌaa̱ Jesukristoo̱, nga kui xi Ndi̱a̱ xi tsa̱ñá.

Ni xi kamá 13:23

Xota̱ tji̱e̱e̱ Ndabii̱ kjindibáni Kjisoo̱, kui xi katsangiya Néná tsi̱ꞌe̱ nga kꞌo̱xiéꞌá xota̱ Israee̱l xikó katsó nga katsóyàtjón.

Ni xi kamá 17:3

nínga katsóyaà kui xotaa̱ nga Kristoo̱ chjiéngá ta̱kó ko̱yà, kósꞌe̱ kjo̱a̱ꞌáꞌyá nginií ngi̱jii̱n xota̱ xi jesoón, kó bi̱ katsoó: –Ti̱ kuíní Kjiso̱ xi tsꞌénꞌbini̱jmìjnúꞌun xi Kristoo̱.

Ni xi kamá 2:36

Ngatamabe cha̱n cha̱n ngayeje xota̱ Israee̱l, nga ti̱kuíní Kjiso̱ xi̱ꞌbi̱ xi jún akjatꞌajnú kro, kó Néná kuí xí katsꞌén nga Ndi̱a̱ná ko̱jo Kristoo̱ kamá.

Ni xi kamá 5:31

Kui Kjisoo̱ xi Néná iskjininkꞌa, kó katsjaá ngo ngi̱ndie nga kisꞌijñatꞌaa̱ tsja fojnií, kó katsjaá xá nga kui xi kꞌo̱xiéꞌá xotaa̱, tsi̱ꞌe̱ nga xota̱ xi chji̱a̱ni Israee̱l sa̱ꞌínkꞌoyà yojoo̱, kó Néná sa̱ꞌínjetakoón jé xí ndyi̱tsꞌèn.

1 Xota̱ Korinto̱ 15:47

Kui nda̱ xi tjoón ńdie kamándani, kó xota̱ xi chji̱a̱ni kui tꞌanangii̱ kamá, kó nda̱ xi ma joó, kui xi Ndi̱a̱ná, ndiꞌakꞌajmii̱ kjindibáni.

Xota̱ Filipo̱ 2:11

Kó nga ngayeje xi bo̱a̱ ka̱tso̱ nga Jesukristoo̱ boá xi Ndi̱a̱ná. Bo̱a̱ tsꞌén nga sꞌi̱jña tsijen kjo̱a̱jee̱ Néná xí Na̱ꞌmii̱.

Xota̱ Filipo̱ 3:8

Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱,

Xota̱ Kolosa̱ 2:6

Kó kuíni nga, ngije kiniꞌánjo̱ꞌojnú Jesukristoo̱ kui xi Ndi̱a̱ná, chjiéngá bo̱a̱ tsꞌén kongintjingíjnúu̱ xikoó xota̱ xi kui chji̱a̱ni.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.