Rkaa̱ 18:7 - Xo̱jo̱n eén Néná

⁷ Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Rkaa̱ 18:7 ပူးပေါင်းရင်းမြစ်များ

Xo̱jo̱n Salmoo̱ 88:1

Ji Ne, jí boá xi ꞌnaxiéꞌéní, kó ni̱xtjin ni̱xtji̱e̱n ni̱ma̱ tꞌíxián an ngindyikin ji.

Xo̱jo̱n Salmoo̱ 9:8

Kó kixi̱ tsꞌén sa̱ꞌínjeé xota̱ na̱xi̱ńdá xí tjín nga̱sondiee̱, kó ta̱ són sa̱ꞌínjo̱ na̱xi̱ńdaá nga sa̱ꞌínjeé.

Éksondo̱ 22:23

Ngatꞌa̱ tsi ndajín si̱ꞌanjo̱jnú, kó tsi an ku̱i̱chji̱a̱na nga kosiko̱jo an, kuintꞌièñáa̱,

Matioo̱ 24:22

Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 7:11

Ngatꞌa̱ ndatsi jún ndajínjnú xota̱, kó májnú boeꞌéjnúu̱ ngo ni xi nda ndíjnú, akja̱ꞌmíra̱ nga tsja̱ajiín ngo ni xi nda Na̱ꞌmijnú xi tikón ndiꞌakꞌajmi jàn tsi tjín xí ku̱i̱ꞌaa̱.

Rkaa̱ 11:13

Ngatꞌa̱ ndatsi jún ndajínjnú xota̱, májnú boeꞌéjnúu̱ ngo ni xi nda ndíjnú, ¡akja̱ꞌmíra̱ nga Na̱ꞌmijnú xi tikón ndiꞌakꞌajmi jàn tsja̱ajiín A̱si̱énni̱xtjii̱n tsi tjín xí ku̱i̱ꞌaa̱!

Rkaa̱ 2:37

kó jè ichítié ko̱jo kantié nijón nó tjiín, kó ngatsjéni̱xtjin nga ki̱a̱ kisꞌijña ngi̱ya na̱ngo̱xi̱i̱, nga katsꞌén xaá Néná, nga ni̱xtjin ko̱jo nga ni̱xtji̱e̱n nga katsꞌénkjindiá, ko̱jo nga tsíchji̱a̱a̱ Néná.

Rkaa̱ 21:28

Kjiꞌanga ku̱i̱ꞌítsꞌi̱yani nga ka̱ma ngayeje kui nii̱, ti̱ndyiondajnú, kó chjanínkꞌájnú kje̱njnú, ngatꞌa̱ kjo̱a̱ꞌnaxiéꞌájnú je tikón tiña.

Xota̱ Roma̱ 8:33

ꞌYání xi ka̱maa̱ ko̱óngítaꞌin xota̱ xi Néná jè jaꞌájin. Néná xí bo̱a̱ katsó nga kixi̱ ka̱ma xota̱ xi tsi̱ꞌe̱.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

1 Xota̱ Tesalónika̱ 3:10

Nga ni̱xtjin ko̱jo nga ni̱xtji̱e̱n ꞌniú ndyi̱chjiáꞌájne̱ Néná, nga ndyi̱ndokjo̱a̱jne̱ tsi̱ꞌe̱ nga tsja̱ndièjne̱ nga xcha̱ ngiñá xingi̱, kó bo̱a̱ tsꞌén ka̱mando̱jo tsi ta̱ꞌa tjín ni xi chaja ngasee̱ kjo̱a̱sꞌijinjnú.

2 Xota̱ Tesalónika̱ 1:6

Ngatꞌa̱ kixi̱ kjíꞌí nga Néná sa̱ꞌínkjaꞌatio kjo̱a̱ni̱ma̱ kui xota̱ xi ndyi̱tsꞌènkjáꞌatiojnú kjo̱a̱ni̱ma̱ jún.

1 Timoo̱ 5:5

Kui xota̱chjo̱on kꞌán xi ja̱koxi̱ nga je kꞌien xi̱ꞌii̱n xi jmíjín xi tjiín, ko̱jo xi je kisꞌijña soboaá, Néná koyaa̱ nga ko̱síko̱jo, kó ngatsjéni̱xtjin chji̱a̱a̱ Néná nga ni̱xtjin ko̱jo ni̱xtji̱e̱n nga míꞌaá ni xi chjieén.

2 Timoo̱ 1:3

Tsjàa̱ ndokꞌóchjì Néná nga nda tjítsꞌénjoo̱, kó nga foaꞌátsjienna ji ngatsjéni̱xtjin chjiáa̱ Néná nga ni̱xtjin ko̱jo nga ni̱xtji̱e̱n. Tsjie tikón kjo̱a̱kjíntakónna nga tsꞌén an xaá Néná, xikó katsꞌén xota̱ xi xchána.

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

1 Xo̱jo̱o̱n Peé 1:1

Án boá xi Peé, nda̱ apostroo̱ Jesukristoo̱, tsꞌentindejnúꞌun ngayeje jún xota̱ xi Néná je jaꞌájinjnú xi xín nangi ndokjo̱a̱nijnú xi tindyiónjnú ngi̱ndie xi ꞌmí Ponto̱, ko̱jo Ngalasia̱, ko̱jo Kapandosia̱, ko̱jo Asia̱, ko̱jo Bitinia̱.

2 Xo̱jo̱o̱n Peé 3:9

Ndi̱a̱ná tsꞌénkꞌandíyàjiín nga sa̱ꞌínkjatjosón ni xi katsóyàtjón nga sa̱ꞌín, xikótsꞌèn bee̱ko̱n kjín xota̱ nga tsꞌénkꞌandíyà. Ta̱sá koyakjo̱a̱jnú ngatꞌa̱ mejénjiín nga tjín xi xcha̱ja, ta̱sá mejeén nga ngayeje xotaa̱ sa̱ꞌínkꞌoyà yojoo̱.

Ni xi akakoo̱ 18:20

Ji, ndiꞌakꞌajmi, tsjangatamaa̱ ta̱ngatꞌanii̱ ni xi kamaá kui na̱xi̱ńdaá, kó tsja ngatamajnú jún xi xota̱ na̱xi̱ńdá tsjiee̱, ko̱jo já apostro̱, ko̱jo já chji̱ni̱e̱ꞌén, ngatꞌa̱ Néná ngije kixi̱ tsꞌén atíjeé, jè katsꞌéngojo̱ ni xi kiniꞌánjo̱jnú jún.

Ni xi akakoo̱ 6:10

Kó kui xotaa̱, bi̱ katsó nga ꞌniú askjandáyà: –Ngaskande kjiꞌání Ndi̱a̱ xi tsjie ko̱jo xi ja̱koxi̱, nga si̱ꞌinjée̱ xotaa̱ kui tꞌanangii̱, ko̱jo nga si̱ꞌingojo ji nga kiniꞌánkꞌiénjne̱.

Ni xi akakoo̱ 7:15

Kuíni nga ki̱a̱ síndo kje̱n nínga tikón kui Néná xí botixómaá, kó nga jñó nga ni̱xtjin nga ndyi̱tsꞌènseén Néná ki̱a̱ na̱ngo̱xi̱i̱, kó kuí xi botixómaá, skoón nga ki̱a̱ kꞌuijñájo̱ ngi̱ndie ndikoón.