Rkaa̱ 18:14 - Xo̱jo̱n eén Néná

¹⁴ Xiyàjnúꞌun nga kjiꞌanga jachó ndiꞌaa̱ kui nda̱ xi foaꞌáꞌyá to̱n xi machjítjé nii̱, jè kixi̱ tikón ngindyi̱ko̱n Néná, ta̱bo̱a̱jiín nda̱ xi ingoo̱, ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Rkaa̱ 18:14 ပူးပေါင်းရင်းမြစ်များ

Joo̱b 22:29

Néná ni̱ma̱kjo̱a̱ tsꞌénkꞌíndo xota̱ xi nkꞌakoo̱n, kó tsꞌénkjastjíe̱n xota̱ xi ni̱ma̱kjo̱a̱a̱.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Joo̱b 9:20

¡Ndatsi jmí tsi ni xi ndajín je katsꞌen an, ndso̱ꞌba án boá xi botíjéna, kó tsi kixi̱ án tsi xián án, kuí nii̱ xi ko̱kó nga tjínna jé!

Xo̱jo̱n Salmoo̱ 138:6

Ji Ne, ki̱a̱ tindyin ji nkꞌajmii̱, kó tichìi̱n xota̱ xi ni̱ma̱a̱, ta̱nga xota̱ xi nkꞌakoo̱n niꞌínkjìi̱n yojòo̱.

Xo̱jo̱n Salmoo̱ 143:2

Ngata̱ niꞌínje̱jínní xki̱ ngindyikin ji, ngatꞌa̱ kui nga̱sondiee̱ jmíjín xi ndaxota̱ kꞌo̱xié yojoo̱.

Éksondo̱ 18:11

Néná boá xi jaꞌáxínjnú ngayeje kui kjo̱a̱ni̱ma̱ xi katsꞌénkjaꞌatiójnú xota̱ Ejipto̱ xi nkꞌa kamaá yojoo̱. ¡Ngotꞌe̱ ꞌne̱ nga be an nga Nee̱ xota̱ Israee̱l xí tjín ngasee̱ ngaꞌniú ta̱bo̱a̱jiín ngayeje ne xi ngasee̱!»

Énkjínkón 15:33

Kjiꞌanga yandikón Néná, kuí nii̱ xi ngo kjo̱a̱bokoyá xi kjínkón, xota̱ xi mejeén nga xcha̱ndikón, chjiéngá tjón mára ni̱ma̱kjo̱a̱ sa̱ꞌín yojoo̱.

Énkjínkón 18:12

Kjo̱a̱nkꞌakoo̱n tsꞌénchájáná, kó kjo̱a̱ni̱ma̱kjo̱a̱a̱ boá xi tsꞌén nga yandikónná.

Énkjínkón 25:7

Ngatꞌa̱ nda ngase kjiꞌi nga bi̱ kꞌuiín: kꞌi̱e̱ ndibékindyin ji kꞌi̱e̱e̱. Kó nga jmí kjo̱a̱soboá boeꞌéjiín ngindyikón xota̱ xi yandikoón. Tsi ngo ni kamáyè ji,

Énkjínkón 29:23

Xota̱ xi nkꞌakoo̱n ni̱ma̱kjo̱a̱ si̱ꞌankꞌijñá, kó xota̱ xi ni̱ma̱kjo̱a̱a̱ kuí boá xi si̱ꞌandikón.

Énkjínkón 3:34

Néná mojnókie xota̱ xi mojnókiee̱, ta̱nga xota̱ xi ni̱ma̱kjo̱a̱a̱ tsjaá kjo̱a̱ndaa̱.

Eklesiastee̱ 9:7

¡Ye tsobo̱a̱, ti̱ꞌinꞌnítakín ji! Chi̱ni kó tsjatsꞌèn ti̱ndyin ji, tꞌi̱ ji binòo̱, kó tsjangatꞌieé ini̱ma̱a̱, ngatꞌa̱ xá xí je kiniꞌín ji, achichí tsjá maá Néná.

Matioo̱ 23:12

Ngatꞌa̱ xota̱ xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Matioo̱ 5:3

–Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Rkaa̱ 1:52

Jaꞌáxiín xaá nga atíxoma kui xota̱ xi tjiín ngayeje ngaꞌniuú, kó iskjininkꞌa xota̱ xi nda ini̱ma̱a̱.

Rkaa̱ 10:29

Ta̱nga nda̱ chji̱ni̱e̱kjo̱a̱kitii̱, kamámejeén nga akó yojoo̱ nga kixi̱ tikón ngindyi̱ko̱n Néná, kó bi̱ katsoó Kjisoo̱: –Kó ꞌyání xi xota̱na.

Rkaa̱ 14:11

Ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Xota̱ Roma̱ 3:20

Ngatꞌa̱ jmí tsi kjo̱a̱a̱ ngo ni xi katsꞌén ngi̱yaa̱ kjo̱a̱kitii̱ nga ngo xota̱ xi kixi̱ ka̱ma ngindyi̱ko̱n Néná, ngatꞌa̱ kjo̱a̱kitii̱ ta̱kuítsí xi bokó nga xota̱ boá jé ñá.

Xota̱ Roma̱ 4:5

Ta̱nga xota̱ xi ma ꞌniákónjín ni nda xi katsꞌén, kó nga ta̱sá sꞌijii̱n kui Néná xi tsꞌénkixi̱ xota̱ xi ndajiín, kuí kjo̱a̱sꞌijii̱n xi boaꞌaxki̱ Néná nga tsꞌénjóꞌo xikoó ngo xota̱ xi kixi̱.

Xota̱ Roma̱ 5:1

Ja̱ kuíni nga Néná katsꞌénjo̱ꞌoná xikoó xota̱ xi kixi̱, ndokꞌóchji̱nií nga sꞌijinná kuí, kó tjínná kjo̱a̱xió ngatꞌaa̱ Ndi̱a̱ná Jesukristoo̱.

Xota̱ Roma̱ 8:33

ꞌYání xi ka̱maa̱ ko̱óngítaꞌin xota̱ xi Néná jè jaꞌájin. Néná xí bo̱a̱ katsó nga kixi̱ ka̱ma xota̱ xi tsi̱ꞌe̱.

Xota̱ Ngalasia̱ 2:16

Kó jè ya ji̱n nga ngojín xota̱ xi kixi̱ ka̱ma ngindyi̱ko̱n Néná kjo̱a̱a̱ ni xi tjítsꞌén nga sa̱ꞌínkjatjosón kjo̱a̱kitii̱, ta̱sá kixi̱ ka̱ma ta̱ngatꞌanii̱ nga sꞌijii̱n Jesukristoo̱. Kuíni nga ko̱jo ji̱n xi jundío̱ ji̱n kiniꞌánsꞌijinjne̱ Jesukristoo̱, tsi̱ꞌe̱ nga kixi̱ ka̱ma ji̱n ta̱ngatꞌanii̱ kjo̱a̱sꞌijii̱n Kristoo̱, kó jmí tsi kjo̱a̱a̱ nga si̱ꞌankjatjosón ji̱n ni xi tjítꞌa kjo̱a̱kitii̱, ngatꞌa̱ kjo̱a̱a̱ kjo̱a̱kitii̱ nde ngojín xota̱ xi ka̱ma kixi̱ ngindyi̱ko̱n Néná.

Xo̱jo̱o̱n Sandiyaá 4:10

Ni̱ma̱kjo̱a̱ ti̱ꞌánjnú yojojnú ngindyi̱ko̱n Ndi̱a̱ná, kó kuí boá xi skjinínkꞌájnú.

Xo̱jo̱o̱n Sandiyaá 4:6

Néná tsie ngase kjo̱a̱nda xi tsjáná, kuíni nga bi̱ tsó xo̱jo̱n eén Néná: “Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱ tsjaá kjo̱a̱nda.”