Rkaa̱ 17:3 - Xo̱jo̱n eén Néná

³ Kuíni nga, ¡chónjnú ngayeje ni xi si̱ꞌánjnú! Tsi ngo ntsꞌie sa̱ꞌín ngo jé, ti̱ꞌinxchínje̱ ji, kó tsi sa̱ꞌínkꞌoyà yojoo̱ nga ngiti̱ bo̱a̱jín sa̱ꞌín, ti̱ꞌinjetakíi̱n.

Rkaa̱ 17:3 ပူးပေါင်းရင်းမြစ်များ

Xo̱jo̱n Salmoo̱ 141:5

Ndakjíꞌí nga sa̱ꞌínxchánjo̱na ko̱jo tsi ku̱i̱ꞌéna ngo xota̱ xi kixi̱, xikó maá tsi ndásíje̱n xi nda ka̱mana nga ꞌniú ku̱i̱chji̱a̱jona. Ji Ne, ngatsjéni̱xtjin tsꞌénmíꞌaá nga ko̱ti̱jée̱ xota̱ xi ꞌniú ndajiín.

Éksondo̱ 34:12

»Jún ku̱i̱tjásꞌi̱e̱njnú tꞌanangi xi kixianjnúꞌun nga ku̱i̱tjásꞌi̱e̱njnú. Ka̱májín ngo ni kꞌuíndajo̱jnú xota̱ xi síndo kui ngi̱ndiee̱, tsi̱ꞌe̱ nga ki̱a̱jín chja̱ꞌángíjnúu̱ ni xi ndajín xi ndyi̱tsꞌèn.

Énkjínkón 17:10

Nda ngase sa̱ꞌiín nga si̱ꞌanxchánjo̱ ngo xota̱ xi kjínkón, ta̱bo̱a̱jiín tsi úchán ńꞌniú kjo̱a̱a̱, xota̱ xi kitikjo̱a̱a̱.

Énkjínkón 27:5

Ndakjiꞌi ngase nga tjín xí tsijen sa̱ꞌínxchánjo̱ maá, ta̱bo̱a̱jiín nga tjín xí ꞌma sa̱ꞌíntjoó.

Énkjínkón 9:8

Ngata̱ niꞌínxchínje̱jín ji xota̱ xi mojnókiená, tsi̱ꞌe̱ nga sa̱ꞌínchꞌójiín, ta̱sá xota̱ xi kjínkoón xi ti̱ꞌinchji̱ni̱ ji, kó tjó sa̱ꞌiín kuí.

Lebitiko̱ 19:17

»Ngata̱ onjín chꞌiájnú ngo xota̱ ko̱jo ngata̱ niꞌángojojínjnú. Kjiꞌanga tjín xí si̱ꞌanxchánjo̱jnú, ti̱ꞌanxchánjo̱jnú. Ngata̱ ki̱a̱jín niꞌánkamajo̱jnú xota̱ xi ni xi ndajín ndyi̱tsꞌèn. »Ngatjaꞌátsjienjnú nga chjiéngá tjó si̱ꞌánjnú xingi̱jnú xi kótsꞌèn tjójnú yojojnú. »Ti̱ꞌankjatjosónjnú kjo̱a̱botíxomana. Án boá xi nee̱ xota̱ Israee̱l. »Ngata̱ kje̱ꞌe to̱ko̱yajín cho̱ niꞌánkixanjo̱jnú ngo to̱ko̱ya cho̱ xi tjínjnú. Ngata̱ niꞌánkꞌajinjínjnúu̱ xkjín xojmá xi ꞌbítji̱e̱jnú ngo chikjan nangi. Ngata̱ chajájínjnú ńjño xi kamándani kjín to̱ko̱ya ńchjón.

Matioo̱ 18:21

Kósꞌe̱ Peé kijíkóntiñaa̱ Kjisoo̱, kó bi̱ katsoó nga asíyaá: –Ndi̱a̱, kótjín ndi̱yà sa̱ꞌinjetakóo̱n ntsꞌié án tsi ngo jé sa̱ꞌín kondra̱ tsa̱ꞌa̱n. A ngaskande yito ndi̱yà.

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

Xota̱ Éfeso̱ 5:15

Tsitsíjen cha̱n cha̱njnúu̱ kótsꞌèn tińtja̱jnú, jmí tsi ku̱i̱ndyionjnú xikoó xota̱ xi makjínjiín ni xi tsi̱ꞌe̱ Néná, ta̱sá ti̱ndyiónjnú xikoó xota̱ xi kjínkón.

Ndeuteronomio̱ 4:15

»Ni̱xtjin kjiꞌanga Néná tsíchji̱a̱jojnú ki̱a̱ na̱xi̱ Oree̱b, ki̱a̱ ngi̱jii̱n ndiꞌií, jmí a̱si̱én kamáyàjínjnú. Kuíni nga ngata̱ niꞌándajínjnú a̱si̱én xí ne kꞌuínjnúu̱, tsi tsi̱ꞌe̱ xi xi̱ꞌin ko̱jo tsi tsi̱ꞌe̱ xi ínchjín, ko̱jo tsi tsi̱ꞌe̱ cho̱, ko̱jo tsi tsi̱ꞌe̱ cho̱ xi tjiín tsja̱nga̱, ko̱jo tsi tsi̱ꞌe̱ cho̱ xi ꞌbifé yojoo̱, ko̱jo tsi tsi̱ꞌe̱ tji̱o̱.

Ndeuteronomio̱ 4:23

Ta̱nga chónjnú yojojnú, kó ngata̱ niꞌánchíyájínjnú kui ni xi je índajo̱jnú Néná jún. Ti̱ꞌankjatjosónjnú ni xi atíxoma Néná, kó ngata̱ niꞌándikónjínjnú ngo ni xi ne kꞌuínjnúu̱,

Ndeuteronomio̱ 4:9

Kuíni nga jmíni̱xtjin niꞌánchíyájnú ni xi je ikitjajinjnú, ta̱sá chjiéngá kꞌuiyájnúu̱ ndíjnú ko̱jo ndíndejnú.

Xota̱ Ebreo̱ 12:15

Chindajnú nga ngojín xi sa̱ꞌínchꞌó kjo̱a̱ndaa̱ Néná, nga tsi ngo xi ndajín tjíjin ini̱ma̱a̱ tsja̱á kjo̱a̱xti, kuí nii̱ xi sa̱ꞌínniꞌii̱n xotaa̱, kó ka̱ma tsie kui ni xi ndajiín,

Xo̱jo̱o̱n Sandiyaá 5:19

Jún ntsꞌie, tsi tjín ngi̱jinjnú xi je kisꞌijñatꞌaxiín ja̱koxi̱i̱, kó tsi ngo xota̱ sa̱ꞌínkjí nginí ndi̱yà xí kixi̱i̱,

2 Xo̱jo̱o̱n Juaa̱ 1:8

Chónjnú yojojnú tsi̱ꞌe̱ nga kjo̱tsònjín xá xi kiniꞌánjne̱ ngi̱jinjnú. Ta̱sá ti̱ndyi̱séjnú nga sa̱kó ndo̱jò ndójo̱jnú ni xi je tikónndaa̱ Néná nga tsja̱ajnú.