Rkaa̱ 17:24 - Xo̱jo̱n eén Néná

²⁴ Ngatꞌa̱ xikó maá nga foaꞌatꞌe nga ꞌna̱ ma ndeskande ngo nga̱nde, ngaskande xi ingo nga̱ndee̱ ndiꞌakꞌajmii̱, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n.

Rkaa̱ 17:24 ပူးပေါင်းရင်းမြစ်များ

Matioo̱ 24:27

Ngatꞌa̱ xikó maá nga foaꞌatꞌe nga ꞌbítsi̱yanii̱ nínga fotjo tsꞌueé, sꞌe̱ fetꞌanii̱ nínga ꞌbotjé, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n.

Matioo̱ 24:30

Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱,

Matioo̱ 25:31

Kjiꞌanga ndií nda̱ xi̱ꞌii̱n kjo̱e̱ꞌéjo̱ kjo̱a̱jee̱ ko̱jo ngayeje ndítsjiee̱, kjiꞌá boá nga ko̱tíxoma nínga tikón kjo̱a̱jee̱,

Matioo̱ 26:64

Sꞌe̱ Kjisoo̱, bi̱ katsó: –Jí xí jè bo̱a̱ kase, kó xiyàjnúꞌun nga ndeskande ngotꞌe̱ ku̱i̱ꞌítsꞌi̱yani nga xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Matioo̱ 5:15

Ti̱nde ka̱májín kꞌuití ngo ndiꞌíxò, tsi̱ꞌe̱ nga ngindiee̱ ngo kojo̱ kꞌuiyá, a mí tsí ta̱sá nínga ꞌbítíyá ndiꞌí xí tsꞌentsíjee̱n ꞌbíjñá, tsi̱ꞌe̱ nga sa̱ꞌíntsijee̱n ngayeje xota̱ xi tjín kuí ngi̱ya ndiꞌaa̱.

1 Xota̱ Korinto̱ 1:8

kui xi tsja̱ngaꞌniújnú ngaskande nga kju̱i̱e̱tꞌa nga̱sondiee̱, tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú ni̱xtjin nga kjo̱e̱ꞌe nginí Ndi̱a̱ná Jesukristoo̱.

1 Xota̱ Tesalónika̱ 5:2

Ngatꞌa̱ ti̱ juún jè ya nda ndajnú nga ni̱xtjin nga kjo̱e̱ꞌe Ndi̱a̱ná, ta̱niján má kjo̱e̱ꞌe, xikó maá ngo chejé xí fochó nga jñoó.

2 Xota̱ Tesalónika̱ 2:2

nga bosíkjojínjnú kjo̱a̱niꞌánkjójnú, ti̱nde ngata̱ jmíjín xi mindyiandíkónjnú, tsi tjín xi bo̱a̱ ka̱tso̱jnú nga ngo ni akoó a̱si̱énni̱xtjii̱n, ko̱jo tsi én, ko̱jo tsi ngo xo̱jo̱n kjitꞌa xi xikoó tsi ji̱n kanangiyajne̱, nínga bo̱a̱ tsó nga Ndi̱a̱ná jè jeꞌe.

2 Xota̱ Tesalónika̱ 2:8

Sꞌe̱ kjiꞌa ꞌne̱ nga kjo̱tjokjá kuí xota̱ nga̱sondie xi tsi̱ꞌe̱ jeé, kó Ndi̱a̱ná Kjisoo̱ ta̱ tjo̱o̱ tsꞌoa tsí xi sa̱ꞌínkjién nga sa̱ꞌiín, kó ndiꞌí ꞌna̱a̱ nga kjo̱e̱ꞌe, sa̱ꞌínkjié.

Xo̱jo̱o̱n Sandiyaá 5:8

Jún ti̱ bo̱a̱ ti̱ tsꞌén ngatꞌiéjnú kjo̱a̱chiyákjo̱a̱, kó te̱ꞌéngaꞌniújnúu̱ ini̱ma̱jnú, ngatꞌa̱ jè kjimatiña ni̱xtjin nga kjo̱e̱ꞌe nginí Ndi̱a̱ná.

2 Xo̱jo̱o̱n Peé 3:10

Ta̱nga nga kjo̱e̱ꞌe Ndi̱a̱ná xikónií tsi ngo chejé xí foeꞌe nga jñoó nga kjo̱e̱ꞌe, kó kui ni̱xtjii̱n ndiꞌakꞌajmii̱ achichí ꞌniú kjo̱ni̱e̱ nga kju̱i̱e̱, kó ngayeje nii̱ ndiꞌí si̱ꞌankjieni, kó tꞌanangii̱ ko̱jo ngayeje ni xi tjiín, ku̱i̱ti̱.