Rkaa̱ 16:9 - Xo̱jo̱n eén Néná

⁹ Kó an bi̱ xiánjnúꞌun jún: Ti̱ꞌankjiénjnú kjo̱a̱cho̱n xi tjín kuí nga̱sondiee̱ nga ko̱si̱ko̱jójnú xotaa̱, tsi̱ꞌe̱ nga kjín ngase amingo̱ kꞌuiéjnú, ki̱a̱ ka̱maa̱ nga kju̱i̱e̱ kui kjo̱a̱cho̱o̱n, Néná tsja̱ajnú ngi̱ndie xi tikón ngatsjéni̱xtjii̱n.

Rkaa̱ 16:9 ပူးပေါင်းရင်းမြစ်များ

Xo̱jo̱n Salmoo̱ 73:26

Yojona ko̱jo ini̱ma̱na je kjife, ta̱nga jí boá xi ndi̱jo̱jee̱ ini̱ma̱na, jí boá xi ngatsjéni̱xtjin nga ku̱i̱ndyinje̱ní.

Énkjínkón 14:24

Xota̱ xi kjínkoón, kjo̱a̱kjínkoón boá xi kjo̱a̱cho̱o̱n, ta̱nga xota̱ xi kitikjo̱a̱a̱, kjo̱a̱kitikjo̱a̱a̱ boá xi kjo̱a̱cho̱o̱n.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Énkjínkón 23:5

A jè kamáyè ji tsi tjín kjo̱a̱cho̱n. Jmí jmíjín. Ngatꞌa̱ xikónií tsi nga̱a̱ ja̱ fotjoo̱, sꞌe̱ fítji̱e̱n nga chaja nkꞌa jàn.

Eklesiastee̱ 11:1

Te̱ꞌée̱ nichinie xota̱ xi bojoó, kó kjo̱chó ni̱xtjin nga sa̱kóꞌoyá nginií kjo̱a̱nda xi tiniꞌín.

Matioo̱ 19:21

Sꞌe̱ Kjisoo̱, bi̱ katsoó: –Tsi mejeén nga kixi̱ ka̱ma ji, tꞌen, kó tatíñí ji ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Matioo̱ 6:19

Ngata̱ jmí kjo̱a̱cho̱n ko̱jo ni xi chjí ꞌbíjñatjojínjnú kꞌi̱e̱ tꞌanangii̱, nínga xobií ko̱jo xtꞌaán sa̱ꞌínkjatsón, ko̱jo nínga chejeé sa̱ꞌín ngo ti̱xa̱, sꞌe̱ kjo̱jo.

Matioo̱ 6:24

Nde ngojín xota̱ xi jó ndi̱a̱ sa̱ꞌínseén, ngatꞌa̱ ngo chꞌo ka̱maa̱, kó xi ingoo̱ tjó ka̱maa̱, ko̱jo tsi ngo ndasen ka̱maa̱, kó xi ingoo̱ ndasénjín ka̱maa̱. Ka̱májín mosoo̱ Néná, ko̱jo mosoo̱ kjo̱a̱cho̱o̱n ka̱majnú.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 14:14

kó achichí tsjangatamaa̱, ngatꞌa̱ kui xotaa̱ ka̱májiín ku̱i̱ꞌíchjií, ta̱nga kjiꞌá boá nga ka̱machjií, kjiꞌanga kjo̱a̱ꞌáꞌyaá xota̱ xi kixi̱i̱.

Rkaa̱ 16:11

Ja̱ tsi kamáꞌniátakónjínjnú nga kichonjnúu̱ kjo̱a̱cho̱o̱n kui nga̱sondie jeé, ꞌyá xí tsja̱ajnú nga xchindàjnú kjo̱a̱cho̱n xi ndaa̱.

Rkaa̱ 16:13

Nde ngojín moso̱ xi jó ndi̱a̱ sa̱ꞌínseén, ngatꞌa̱ ngo chꞌo ka̱maa̱, kó xi ingoo̱ tjó ka̱maa̱, ko̱jo tsi ngo ndasen ka̱maa̱, kó xi ingoo̱ ndasénjín ka̱maa̱. Ka̱májín mosoo̱ Néná ko̱jo mosoo̱ kjo̱a̱cho̱o̱n ka̱majnú.

Rkaa̱ 16:4

Áa̱n, jè be an mí ni xi sa̱ꞌin an tsi̱ꞌe̱ nga ngije ko̱ngatji̱ngina ndi̱a̱na kjo̱a̱a̱ xá moso̱ xi tjítsꞌen an, ngayeje xotaa̱ skjíxꞌána nga̱ntjo̱a̱ ndiꞌaa̱.”

Ni xi kamá 10:31

kó bi̱ katsóna: “Kornie̱, jè kandaꞌyá nga tindokjo̱e̱e̱ Néná, kó chji̱e̱e̱ jè tjíniꞌánkjaꞌátsjien ngindyi̱ko̱n Néná.

Ni xi kamá 10:4

Kó Korniee̱ ta̱ askotsijendárií kui ndítsjiee̱, kó achichí katsakjón nga asíyaá, sꞌe̱ bi̱ katsoó: –Mí xí machjieén Ndi̱a̱. Kósꞌe̱ bi̱ katsó ndítsjiee̱: –Nga tindokjo̱e̱e̱ Néná, ko̱jo nga tibosíke̱je ngayeje xota̱ ni̱ma̱ xi jmí to̱njiín, je jachó kui nii̱ ngindyi̱ko̱n Néná.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Xo̱jo̱o̱n Jundaa̱ 1:21

Ti̱ndyiajinjnú kjo̱a̱tjoó Néná, kó chiyájnúu̱ ni̱xtjin nga Ndi̱a̱ná Jesukristoo̱ kꞌuieé kjo̱a̱ni̱ma̱takón nga tsja̱aná kjo̱a̱mindyion ngatsjéni̱xtjii̱n.