Rkaa̱ 16:25 - Xo̱jo̱n eén Néná

²⁵ Ta̱nga Abraa̱n, bi̱ katsoó: “Ji ndí, ngatjaꞌátsjiee̱n nga kjiꞌanga kixindyin ji nga̱sondie achichí ni katseꞌeé, kó Laá achichí ni xi ndajín xi katseꞌeé kui, ta̱nga ngotꞌe̱ ꞌne̱ Laá achichí tjíniꞌándajoo̱n kꞌi̱e̱e̱, kó ji achichí tsie kjo̱a̱ni̱ma̱ tibitjatí.

Rkaa̱ 16:25 ပူးပေါင်းရင်းမြစ်များ

Joo̱b 22:18

ta̱sá Néná achichí ni xi nda katsjaá ki̱a̱ ndiꞌaa̱. ¡Ta̱nga kjo̱a̱botíxomaa̱ kui xota̱ xi ndajiín, achichí kjin tikónnii̱ an!

Xo̱jo̱n Salmoo̱ 17:14

¡Ti̱ꞌinkjìn jí ndse̱ nga ko̱ꞌna̱xiéꞌéní ngi̱ya tsja kui xota̱ xi ndajiín, kui xi achichí ni xi kjimaa̱ nga kꞌuieé ni xi tjín nga̱sondiee̱! Jè katseꞌée̱ tsie kjo̱a̱cho̱n xi tse̱, kó ngaskande kꞌo̱ngii̱, tsi̱ꞌe̱ nga tsja̱á ndí xí xi̱xi̱ ngasee̱.

Xo̱jo̱n Salmoo̱ 49:11

Katsꞌénkjó nga ndiꞌaa̱ ngatsjéni̱xtjin nga kꞌuijñá, ko̱jo nga ngi̱ndiee̱ kꞌuijñá ta̱kjiꞌání, kó ngaskande tꞌanangii̱ jaꞌeén je índoni.

Xo̱jo̱n Salmoo̱ 73:7

¡Kjifotjoꞌmé má ndyi̱ko̱n nga yiꞌi kui xotaa̱! ¡Kó tsꞌénkjátjosón ni xi ndajín xi maxkè ini̱ma̱a̱!

Kjo̱a̱chaꞌaá 1:7

Na̱xi̱ńdáꞌniú Jerusalee̱n kjiꞌanga ndasen ko̱jo nga nda̱ kamaá, jaꞌátsjiee̱n ngayeje ni tsjakon xi kisꞌiee̱ ndeskande ni̱xtjin xcháján. Kó ngotꞌe̱ ꞌne̱ nga xota̱ na̱xi̱ńdaá je tsꞌáka ngi̱ya tsja kondraa̱, nde ngojín xi bosikójo. Kó kondraa̱ nga be kui ni xi kjimaa̱ nga fetꞌani, mojnókie.

Matioo̱ 27:63

kó bi̱ katsó: –Ndi̱a̱, je jaꞌátsjienjne̱ nga kui nda̱ ndisoo̱, bi̱ katsó nga kisꞌijña: Ngije kjo̱a̱ꞌa ján ni̱xtjin kjo̱a̱ꞌáꞌyána.

Markoo̱ 9:45

Kó tsi ndsa̱ki ko̱ngijeé, ta̱sá ti̱chékjé jí, ta̱sá nda tsi ka̱tòn ndsa̱ki nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndsa̱ki nga ku̱i̱chíjmijii̱n ndo̱bo̱a̱ṉkꞌi̱e̱e̱n, ngi̱jii̱n ndiꞌí xí jmíni̱xtjin ꞌboo̱,

Rkaa̱ 16:20

Nga̱ntjo̱a̱ ndiꞌaa̱ kui nda̱ cho̱o̱n, kisꞌijña ngo nda̱ ni̱ma̱ xi tsíꞌá chji̱e̱ xi ꞌmí Lá, xi tsajaá ṉdo,

Rkaa̱ 16:23

Kó nda̱ cho̱o̱n ndo̱bo̱a̱ṉkꞌi̱e̱e̱n kiniꞌánkjí, kó achichí kjo̱a̱ni̱ma̱ kiniꞌánkjaꞌa ki̱a̱a̱, sꞌe̱ ti̱chaa̱n kamábe nínga tikón Abraa̱n, kó nga Laá ki̱a̱ tikóntꞌaa̱.

Rkaa̱ 16:26

Kó kjo̱a̱a̱ ngayeje kui nii̱, ngo ti̱xa̱na̱nga̱ tikón ngamasienná, kó achichí kjin tindyionñáa xingi̱, kó májín tsi ngo xi kꞌi̱e̱ ko̱e̱je̱ni jàn jàn, ko̱jo tsi ngo xi jàn jàn kji̱ndi̱báni nga kji̱ndi̱bá kꞌi̱e̱e̱.”

Rkaa̱ 6:24

Ta̱nga, xi̱xꞌi̱a̱njnú jún xota̱ xi cho̱n, ngatꞌa̱ jè kisꞌiejnú kjo̱a̱tsjajnú jún.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Xota̱ Roma̱ 8:7

Ngatꞌa̱ kjo̱a̱niꞌánkjoó xota̱ nga̱sondiee̱, kondraa̱ Néná tikón, ngatꞌa̱ mejénjiín ti̱nde ka̱májiín sa̱ꞌínkjatjosón kjo̱a̱kitii̱ Néná.

Ndeuteronomio̱ 28:17

»Ndajín ngatama tostsi̱je̱è, ko̱jo to ndso̱ko̱a̱n ṉño̱pan xi chja̱ꞌátikójnú, ko̱jo ngi̱ndie nínga si̱ꞌandajnú panjnú.

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

1 Xota̱ Tesalónika̱ 3:3

tsi̱ꞌe̱ nga ngojín xi sa̱ꞌínkjiékjo̱a̱ nga kjo̱a̱ꞌatio kui kjo̱a̱ni̱ma̱a̱. Ja̱ ti̱ júnní yàjnú nga chjiéngá bo̱a̱ ka̱mataꞌin ñá.

Xota̱ Ebreo̱ 11:25

Ta̱sá jaꞌájin nga nijan ndajín kiniꞌánjo̱ kui ko̱jo xota̱ na̱xi̱ńdaá Néná, ta̱bo̱a̱jiín nga katsꞌéntsjajo̱ ngotjón kjo̱a̱tsja xi tsjá jeé.

1 Xo̱jo̱o̱n Juaa̱ 2:15

Ngata̱ niꞌántjójínjnú ni xi ndajín xi tjiín kui nga̱sondiee̱, ko̱jo ni xi niꞌán xi ndajiín nga. Tsi tjín xí tsꞌén kuí nii̱, tikónjinjiín kjo̱a̱tjoó Néná xí Na̱ꞌmii̱.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.