Rkaa̱ 16:23 - Xo̱jo̱n eén Néná

²³ Kó nda̱ cho̱o̱n ndo̱bo̱a̱ṉkꞌi̱e̱e̱n kiniꞌánkjí, kó achichí kjo̱a̱ni̱ma̱ kiniꞌánkjaꞌa ki̱a̱a̱, sꞌe̱ ti̱chaa̱n kamábe nínga tikón Abraa̱n, kó nga Laá ki̱a̱ tikóntꞌaa̱.

Rkaa̱ 16:23 ပူးပေါင်းရင်းမြစ်များ

Xo̱jo̱n Salmoo̱ 16:10

ngatꞌa̱ ki̱a̱jín kꞌuijñí ji ini̱ma̱na ngi̱ya nga̱tsjo̱ó, ti̱nde ko̱e̱ꞌéndièjín ji nga xota̱ tsjièe̱ sku̱i̱e̱ ni xi jatsoo̱n.

Xo̱jo̱n Salmoo̱ 49:15

Ta̱nga Néná boá xi kꞌo̱xiéꞌána an ngi̱ya tsja kjo̱a̱bo̱yaa̱, ngatꞌa̱ kuí boá xi ko̱e̱je̱jona.

Xo̱jo̱n Salmoo̱ 86:13

Ngatꞌa̱ achichí kjo̱a̱ni̱ma̱takón tjiín kjo̱a̱a̱ an, kó jí boá xi kaꞌnaxiéꞌéní tsi̱ꞌe̱ nga ki̱a̱jín kijí an ki̱a̱ ti̱xa̱na̱nga̱a̱ tꞌanangii̱.

Xo̱jo̱n Salmoo̱ 9:17

¡Ngatjiesón xota̱ xi ꞌniú ndajiín, ko̱jo ngayeje xota̱ na̱xi̱ńdá xí je katsꞌénchíyaá ji!

Énkjínkón 15:24

Ndi̱ya̱à kjo̱a̱mindyioo̱n xota̱ xi makjiín, xtji̱e̱e̱n nkꞌajmii̱ boá, tsi̱ꞌe̱ nga ki̱a̱jín ko̱e̱je̱ xtji̱e̱e̱n ti̱xa̱na̱nga̱a̱ kjo̱a̱bo̱yaa̱.

Énkjínkón 5:5

Kui xi ki̱a̱ nijan sa̱ꞌínkamajo̱ kui chjo̱ón, ¡jè xikoó tsi je katsꞌénkꞌién yojoo̱!

Énkjínkón 7:27

Ngayeje xi ki̱a̱ fi ndiꞌaa̱, fí kixi̱ kixi̱ nínga sakoó kjo̱a̱bo̱yaa̱.

Énkjínkón 9:18

Ta̱nga kui xota̱ chi̱nii̱ nde bejín nga ndiꞌaa̱ kjo̱a̱bo̱ya boá kui ndiꞌaa̱, ¡nde bejín xota̱ xi je jachó ki̱a̱a̱, nga jè ngi̱yaa̱ ti̱xa̱nga̱tsjo̱ó je síndo!

Matioo̱ 11:23

Kó jún xota̱ xi chji̱a̱ni na̱xi̱ńdáꞌniú Kapernau̱n, a beriítakónjnú nga ngaskande ndiꞌakꞌajmii̱ xchjanínkꞌajnú. Jmí, ta̱sá xiyàjnúꞌun nga ngaskande ndo̱bo̱a̱ṉkꞌi̱e̱e̱n si̱ꞌankjatjajénjnú, ngatꞌa̱ tsi ngayeje kjo̱a̱ndikón xí kamá ngi̱jinjnú, ki̱a̱ kamá ngi̱jii̱n xota̱ xi chji̱a̱ni na̱xi̱ńdáꞌniú Sondoma̱, kui xotaa̱ asíkjora̱ yojoo̱, kó kui na̱xi̱ńdaá ta̱kó tikónra̱ ngaskande ngotꞌe̱.

Matioo̱ 18:9

Kó tsi ndyikin sku̱i̱e̱ ngo ni xi ko̱ngijeé, ꞌna̱xié ji, kó kjin ti̱chíjmi, ta̱sá nda ngase tsi ta̱ ngo tsí ndyikin ndyi̱a̱ nga ku̱i̱tjásꞌi̱n kjo̱a̱mindyion ngatsjeé, ta̱bo̱a̱jiín tsi nga jó ndyikin ndyi̱a̱ nga ku̱i̱chíjmijii̱n ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Matioo̱ 5:22

Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 5:29

Kó kuíni nga, tsi ndyikin xi fojnií ko̱ngijeé, ꞌna̱xié ji, kó kjin ti̱chíjmi, ta̱sá ndatsi chií yojòo̱ xcha̱ja, ta̱bo̱a̱jiín tsi ngayeje yojòo̱, ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 8:29

Kó bi̱ katsó nga askjandáyà kui jaá: –Mí ni xi tjiín kjo̱a̱a̱ ji̱n, Kjiso̱, ndií Néná. A jè kjo̱a̱ni̱ma̱ kjoéꞌe̱ niꞌínkjeꞌejne̱ ngindiee̱ nga kjo̱chó ni̱xtjii̱n.

Rkaa̱ 16:24

Kósꞌe̱ nda̱ cho̱o̱n tsíchji̱a̱a̱ Abraa̱n, nga bi̱ katsoó: “Na̱ꞌmi Abraa̱n, ngatamani̱ma̱a̱ an, kó nangíyé ji Laá tsi̱ꞌe̱ nga ku̱i̱ꞌíngandá ndáfoa to̱ko̱tsja kósꞌe̱ ngatsꞌénkꞌándyi̱ chií najén án, ngatꞌa̱ achichí kjo̱a̱ni̱ma̱ tsꞌénfoaꞌatio an ngi̱jin kui ndiꞌií.”

Rkaa̱ 16:28

ngatꞌa̱ ún má ntsꞌié án xi ka̱tso̱yaa̱, tsi̱ꞌe̱ nga ti̱ kꞌi̱e̱jín kji̱ndi̱bá kꞌi̱e̱ kui ngi̱ndie nínga tsie kjo̱a̱ni̱ma̱ bitjatioó.”

Rkaa̱ 8:28

Kó kui nda̱a̱ nga kamábe Kjisoo̱, ꞌniú askjandáyà, kó asiéntikoó tꞌa se Kjisoo̱ sꞌe̱ bi̱ katsó: –¡Mí xí tjiín kjo̱a̱a̱ an, Kjisoo̱, ndií Néná xí tikón ndiꞌakꞌajmi jàn! ¡ꞌNiú tsꞌénmíꞌaá nga jmí kjo̱a̱ni̱ma̱ niꞌínkjeꞌejínní!

1 Xota̱ Korinto̱ 15:55

Ji kjo̱a̱bo̱ya, ñá nií ꞌne̱ nga ji xi kiniꞌín ji. Ji Kjo̱a̱bo̱ya, ñání tikón ngaꞌniúu̱ xi niꞌínkꞌínje̱ ji xotaa̱ ꞌne̱.

2 Xo̱jo̱o̱n Peé 2:4

Ngasꞌe̱ Néná katsꞌénjetakónjiín ndítsjie xi katsꞌénjeé, kó ta̱sá ki̱a̱ tsꞌajmijin ndo̱bo̱a̱ṉkꞌi̱e̱e̱n nga índo nínga tikón ndo̱bo̱a̱yà xí jñoó, ngaskande ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

Ni xi akakoo̱ 20:10

kó kui xindajín ndiabloo̱ kui xi tsꞌenṉcha̱jo, ki̱a̱ ikichijmijin ndáchíkón ndiꞌí xí ta̱nisién ꞌniú jee̱ ko̱jo ndso̱ko̱a̱n asufree̱, nínga ikichijmijin cho̱ chꞌokjiꞌii̱ ko̱jo nda̱ chji̱ni̱e̱ꞌén ndísoó, kó ki̱a̱ boá nínga si̱ꞌankjaꞌatio kjo̱a̱ni̱ma̱ nga ni̱xtjin ko̱jo nga ni̱xtji̱e̱n ngatsjéni̱xtjin.