Rkaa̱ 16:22 - Xo̱jo̱n eén Néná

²² Ti̱chaa̱n jachó ni̱xtjin nga kꞌien Laá, kó ndítsjiee̱ Néná kijíjo̱ ngi̱ndie nínga tikón Abraa̱n, kó ti̱ kꞌien nda̱ cho̱o̱n nga, kó akjanijín kuí.

Rkaa̱ 16:22 ပူးပေါင်းရင်းမြစ်များ

Joo̱b 21:13

Xota̱ xi ꞌniú ndajiín achichí tsjatsꞌèn ꞌbíndo, ngayeje ni̱xtjin nga síndo nga̱sondie, kó nga fetꞌakjo̱a̱ achichí xió tsꞌén fesón.

Énkjínkón 14:32

Xota̱ xi ꞌniú ndajiín, ti̱kuíní ni xi ndajiín xi tsꞌénchájá, ta̱nga xota̱ xi kixi̱i̱, kjo̱a̱kixi̱i̱ xí koo̱n ngaskande nga ko̱yà.

Eklesiastee̱ 8:10

Ti̱ je kamábe an nga achichí ndikóntsꞌèn fonijín xota̱ xi ꞌniú ndajiín, tji̱e̱nga kui xota̱ xi ngotjón ngotjón kijí ki̱a̱ ndiꞌandikoón, kiniꞌánchíyá ti̱ ki̱a̱a̱ na̱xi̱ńdáꞌniú nínga achichí kixi̱ kamá. Kó kui nii̱ ti̱ ta̱kjo̱a̱ndaní bo̱a̱ nga.

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 24:31

kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.

Matioo̱ 8:11

Kó xiyàjnúꞌun nga achichí má xota̱ xi kji̱ndi̱báni nínga fotjo ko̱jo nínga ꞌbosꞌien tsꞌueé, xi kꞌuíndotꞌajo̱ yámíxa̱ Abraa̱n, ko̱jo Isaa̱, ko̱jo Jako̱b ki̱a̱ nínga botíxomaa̱ Néná,

Markoo̱ 8:36

Ngatꞌa̱ mí chjínií tsi ngo nda̱ ku̱i̱e̱je̱e̱n ngayeje ni xi tjín kuí nga̱sondiee̱, tsi kichajá ini̱ma̱a̱.

Rkaa̱ 12:20

Ta̱nga Néná, bi̱ katsoó: “Nda̱ chi̱ni, a yejín nga kui ni̱xtji̱e̱e̱n ko̱yè jí, kó ni xi je kachjeꞌétjé ji, ꞌyá xí tsi̱ꞌe̱ ka̱ma.”

Rkaa̱ 16:21

kó achichí bojó kamaá kui nda̱a̱, kó kamámején maá iskjinie ni xi ixóngií yámíxa̱a̱ nda̱ cho̱o̱n, kó ngaskande ńñaá katomájón má ṉdoo̱ Laá.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 13:23

Kó ngo nda̱ xi xota̱ tsi̱ꞌe̱, kui xi tjó kamaá Kjisoo̱, ki̱a̱ tiña tikóntꞌaa̱, tꞌa yámíxa̱a̱.

Juaa̱ 21:20

Peé askotsijen nga̱xto̱n, kó kamábe nga tji̱e̱ngii̱ nda̱ xi xota̱ tsi̱ꞌe̱ Kjisoo̱ kui xi tjó katsꞌén, kui nda̱ xi ítꞌaa̱ to̱ko̱ ni̱se̱e̱n Kjisoo̱, kjiꞌanga iskjinie ṉño̱ nga kamájñoó nga kamá sꞌué paskuaa̱, xi bi̱ katsoó Kjisoo̱: “Ndi̱a̱, ꞌyá xí sa̱ꞌínkꞌasꞌiee̱n.”

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xota̱ Ebreo̱ 2:14

Kó xikótsꞌèn nga jín nga yojo kui ndií, ti̱ bo̱a̱ ti̱ tsꞌén Kjisoo̱ jín ko̱jo yojo kamá. Tsi̱ꞌe̱ nga kꞌien, kó katsꞌénkjié kui xi atíxomaa̱ kjo̱a̱bo̱yaa̱, kui xi xindajín ndiabloo̱,

Xo̱jo̱o̱n Sandiyaá 1:11

Ngatꞌa̱ nga fotjo tsꞌueé, ꞌniú sibé má ndoboaá kó xí xka̱a̱, kó ꞌbóka naxoó, kó chaja kjo̱a̱tsjakjiꞌii̱. Bo̱a̱ ti̱ tsꞌén xcha̱ja xota̱ xi cho̱o̱n ngi̱jii̱n ngayeje xá xí tsꞌén.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

Ni xi akakoo̱ 14:13

Kó tsintꞌie an ngo nda̱ xi kjindibáni ndiꞌakꞌajmii̱ xi bi̱ katsóna: –Títꞌe ji xo̱jo̱n kui nii̱: “Achichíra̱tsjaa̱ kui xota̱ xi ko̱yà nga je katsꞌéngojo̱ yojoo̱ Ndi̱a̱ná ngayeje kui ni̱xtjin xi fií.” “Jo̱o̱n, tsó A̱si̱énni̱xtjii̱n, sa̱ꞌínkjaꞌyájo̱ kjo̱a̱ni̱ma̱ ko̱jo kjo̱a̱niꞌii̱n, ngatꞌa̱ Néná tsja̱á ngo chjí kjo̱a̱a̱ ni nda xi je katsꞌén.”