Rkaa̱ 16:16 - Xo̱jo̱n eén Néná

¹⁶ Kjo̱a̱kitii̱ ko̱jo ni xi katsꞌénꞌindó já chji̱ni̱e̱ꞌe̱én Néná jetꞌani ngaskande nga kisꞌijña Jua̱ xi botíndaá, kó ndeskande koó kjiꞌa tjíꞌbíni̱jmì éntjatsi̱e̱e̱ nínga botixómá Néná, kó ngayeje xotaa̱ xi tsꞌén ngo kjo̱a̱ꞌniú, tsi̱ꞌe̱ nga kꞌo̱sꞌien kui ngi̱ndiee̱.

Rkaa̱ 16:16 ပူးပေါင်းရင်းမြစ်များ

Matioo̱ 10:7

Kó tji̱e̱nga kongínjnú tꞌíni̱jmìjnúu̱ éntjatsi̱e̱e̱ Néná nga bi̱ kꞌuínjnúu̱: Néná jè ko̱tíxoma.

Matioo̱ 15:11

Jmí tsi kui ni xi ꞌbosꞌien tsꞌoa xotaa̱ xi tsꞌénndándí ngindyi̱ko̱n Néná, kuí ni xi fotjoo̱ tsꞌoa xi tsꞌénndándí.

Matioo̱ 21:32

Ngatꞌa̱ Jua̱ xi botíndaá jeꞌe tsi̱ꞌe̱ nga kui xi ko̱kóyájnú ndi̱ya̱à kjo̱a̱kixi̱i̱, ta̱nga jún kisꞌijinjínjnú, ta̱nga kui já xí foaꞌáꞌyá to̱n xi machjítjé nii̱ ko̱jo ínchjínmasieén kisꞌijinrií. Ta̱nga jún, ndatsi kamáyàjnú ngayeje kui nii̱, ti̱nde bo̱a̱ tsꞌén kiniꞌánkꞌoyàjínjnú yojojnú nga kisꞌijinjnú.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 4:17

Ngaskande koó kjiꞌa ítsꞌi̱yanii̱ Kjisoo̱ nga íni̱jmì eén Néná, kó bi̱ katsó: –Ti̱ꞌankꞌoyàjnú yojojnú, ngatꞌa̱ Néná jè tsá ko̱tíxoma.

Matioo̱ 4:23

Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Markoo̱ 1:14

Kó ngije kanangisꞌien ndo̱bo̱a̱yà Juaa̱, Kjisoo̱ kijí nangi Ngalilea̱ nga íni̱jmì éntjatsi̱e̱e̱ Néná.

Markoo̱ 1:45

Ta̱nga kui nda̱a̱ ngije kijí, ítsꞌi̱yanii̱ nga íni̱jmi̱ì ngayeje xotaa̱ kui ni xi kamátaꞌin, kuíni nga Kjisoo̱ ngiti̱ ka̱májín nga nda tsꞌasꞌien na̱xi̱ńdáꞌniuú, ta̱sá tꞌa ṉdi̱a̱ kisꞌijña nínga jmí xota̱jín, kó jachókoón xota̱ xi chji̱a̱ni ta̱jñà nanginí.

Rkaa̱ 10:11

“Ngaskande xa̱a̱ ńdie xi tjín kui na̱xi̱ńdájnú xi tsajájón ndsa̱kojne̱, ꞌbítsaniejne̱ kondra̱ tsa̱jún. Ta̱nga ngatamayajnú kui nii̱, nga jè tsá ko̱tíxomájnú Néná.”

Rkaa̱ 10:9

kó ti̱ꞌandayajnú xota̱ xi oo̱n xi síndo kui ngi̱ndiee̱, kó bi̱ tꞌínjnúu̱: “Jè tsá ko̱tíxomájnú Néná.”

Rkaa̱ 16:29

Sꞌe̱ Abraa̱n, bi̱ katsoó: “Jè tikoón kjo̱a̱kitii̱ Moisee̱, ko̱jo ni xi katsꞌénꞌindó já chji̱ni̱e̱ꞌe̱én Néná, ¡Ngatintꞌièꞌeén ni xi ítꞌa kui jaá!”

Rkaa̱ 16:31

Ta̱nga bi̱ katsó Abraa̱n: “Tsi ntꞌiéjiín kjo̱a̱kiti xi ítꞌa Moisee̱, ko̱jo ni xi katsꞌénꞌindó já chji̱ni̱e̱ꞌe̱én Néná, ti̱ bo̱a̱ ti̱ tsꞌén nde sꞌi̱jinjiín nga tjín xota̱ xi je kꞌien xi kjo̱a̱ꞌáꞌyaá.”

Rkaa̱ 9:2

Kó katsangiya tsi̱ꞌe̱ nga ku̱i̱ꞌíni̱jmì kjo̱a̱a̱ nínga botixómá Néná, ko̱jo tsi̱ꞌe̱ nga sa̱ꞌíndaya xota̱ xi oo̱n.

Juaa̱ 1:45

Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 11:48

Tsi ko̱e̱ꞌéndièe̱, ngayeje xotaa̱ sa̱ꞌínsꞌijin, kósꞌe̱ kji̱ndi̱bá já xí chji̱a̱ni Roma̱, kó sa̱ꞌínkjatsón ngi̱ndie ndikónná, ko̱jo sa̱ꞌínkjié na̱xi̱ńdáná.

Juaa̱ 12:19

Ta̱nga xota̱ fariseoo̱, bi̱ katsoó xkjín: –A yàjnú ꞌne̱ nga jmí ni ka̱májín xi si̱ꞌán, ngatꞌa̱ ngayeje xotaa̱ kui nga̱sondiee̱ fítji̱ngii̱ Kjisoo̱.

Juaa̱ 5:4

ngatꞌa̱ ta̱ kjiꞌa xóní nga ngo xò ndítsjiee̱ Néná jatjajen nínga tikón kui ti̱xa̱ xi ndyi̱a̱ ndáfoaa̱, sꞌe̱ tsꞌéntíyà xoò ndáfoaa̱, kó ta̱ xota̱ xi tjón sa̱ngínjin xò yojoo̱ kui ti̱xa̱a̱, mandaya xò, ta̱jñà chiꞌinní xi tjiín.

Ni xi kamá 3:18

Ta̱nga Néná, bi̱ tsꞌén katsꞌénkjatjosón ni xi katsóyàtjón nínga katsꞌénkíchji̱a̱ ngayeje já chji̱ni̱e̱ꞌe̱én nga Kristoo̱ chjiéngá tsie kjo̱a̱ni̱ma̱ kjo̱a̱ꞌatio.