Rkaa̱ 15:17 - Xo̱jo̱n eén Néná

¹⁷ Sꞌe̱ ti̱chaa̱n kamákjiín kui nii̱, kó bi̱ katsó: “¡Achichí kjín mosoo̱ na̱ꞌmina xi tjiín nichinie ndiꞌana, kó an, kjiꞌme kjindiá án!

Rkaa̱ 15:17 ပူးပေါင်းရင်းမြစ်များ

Xo̱jo̱n Salmoo̱ 119:59

Ngiti̱ sa̱ꞌinkjaꞌájín ngase an ni̱xtjin: jè katsꞌenkjó án kjo̱a̱a̱ ni xi tsꞌen an, kó jè katsjáa̱ko̱n an nga kjuíntjíngí an kjo̱a̱botíxomàa̱.

Xo̱jo̱n Salmoo̱ 73:20

Xikó má má nga foaꞌáná, bo̱a̱ má tsꞌén kjiꞌanga kjo̱a̱ꞌaá ji Ne, chꞌo ka̱maa̱ xikó kón kui xotaa̱.

Eklesiastee̱ 9:3

Kuí bí kui ni xi ndajiín xi ma kui nga̱sondiee̱, nga ngayeje xotaa̱ ti̱kuíní ni xi maa̱, ko̱jo nga xota̱ nga̱sondiee̱ ngi̱jin ini̱ma̱a̱ tjikítsie maá ni xi ndajín, ko̱jo kjo̱a̱chi̱ni, ngayeje ni̱xtjin nga síndo kui nga̱sondiee̱, kósꞌe̱ nga fetꞌani ꞌme ꞌne̱ ngijee̱.

Kjo̱a̱chaꞌaá 1:7

Na̱xi̱ńdáꞌniú Jerusalee̱n kjiꞌanga ndasen ko̱jo nga nda̱ kamaá, jaꞌátsjiee̱n ngayeje ni tsjakon xi kisꞌiee̱ ndeskande ni̱xtjin xcháján. Kó ngotꞌe̱ ꞌne̱ nga xota̱ na̱xi̱ńdaá je tsꞌáka ngi̱ya tsja kondraa̱, nde ngojín xi bosikójo. Kó kondraa̱ nga be kui ni xi kjimaa̱ nga fetꞌani, mojnókie.

Rkaa̱ 15:16

Kó kui nda̱a̱ kamámején maá iskjinie nichiniee̱ chi̱nga̱a̱, ta̱nga jmíjín xi katsjaá.

Rkaa̱ 16:23

Kó nda̱ cho̱o̱n ndo̱bo̱a̱ṉkꞌi̱e̱e̱n kiniꞌánkjí, kó achichí kjo̱a̱ni̱ma̱ kiniꞌánkjaꞌa ki̱a̱a̱, sꞌe̱ ti̱chaa̱n kamábe nínga tikón Abraa̱n, kó nga Laá ki̱a̱ tikóntꞌaa̱.

Rkaa̱ 8:35

Kó xotaa̱ kijíkatsijen mí ni xi kamaá, kó nga jachó nínga tikón Kjisoo̱, kamábe kui nda̱ xi kjín a̱si̱énni̱xtjii̱n xindajín kisꞌińdojin yojoo̱ nga je xió tikóntꞌa se Kjisoo̱, je tsꞌényajá ńjñoo̱, kó je nda tikón, kó kui xotaa̱ achichí katsakjónní.

Ni xi kamá 12:11

Kósꞌe̱ Peé kamákjiín, kó bi̱ katsó: –Ngotꞌe̱ ꞌne̱ nga ja̱koxi̱ nga be an nga Néná katsangiya ndítsjiee̱, tsi̱ꞌe̱ nga kꞌo̱xiéꞌána ngi̱ya tsja Erondee̱, ko̱jo ngayeje ni xi mejeén sa̱ꞌínjo̱na xota̱ jundíoo̱.

Ni xi kamá 2:37

Nga tsintꞌié kuí eén ngayeje xota̱ xi kamátikó ki̱a̱, achichí on kamaá ini̱ma̱a̱, kó bi̱ katsó nga asíyaá Peé ko̱jo já apostro̱ xi ngasee̱: –Jún ntsꞌie, mí xí si̱ꞌán ji̱n ꞌne̱.

Xota̱ Éfeso̱ 5:14

Kuíni nga bi̱ tsꞌén tjítꞌa xo̱jo̱n eén Néná: Ti̱ꞌinkjeꞌée̱ yojòo̱, ji xi titsjafé ji, kó ti̱sítji̱n ji ngi̱jii̱n xota̱ xi je jesoón, tsi bo̱a̱ si̱ꞌin ji, Kristoo̱ xí sa̱ꞌíntsijeen.