Rkaa̱ 15:15 - Xo̱jo̱n eén Néná

¹⁵ Kó kijí, sꞌe̱ tsangasexaá ngo nda̱ xi chji̱a̱ni kui ngi̱ndiee̱, xi katsꞌénkjí nínga choo̱n chi̱nga̱.

Rkaa̱ 15:15 ပူးပေါင်းရင်းမြစ်များ

Éksondo̱ 10:3

Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Matioo̱ 7:6

Ngata̱ boeꞌéjínjnúu̱ ni xi tsjie ńñaá, ti̱nde ngata̱ ki̱a̱jín fojmijnúu̱ to ixkìꞌ xi chjí kje̱n chi̱nga̱a̱, ngatꞌa̱ tsi tsja̱nié ka̱ma xi̱ kui nii̱, kó ngaskande jún skji̱ni̱e̱jnú kui cho̱o̱.

Rkaa̱ 15:13

Kó ngije jaꞌa chiboa ni̱xtjin, kui nda̱a̱ ítikó ngayeje ni xi katseꞌeé, sꞌe̱ kijí kje̱ꞌe na̱xi̱ńdá kjin, kó ki̱a̱ kisꞌijña nga ta̱xkiya katsꞌénkjié ngayeje to̱o̱n nga katsꞌéntsjajo̱ yojoo̱.

Rkaa̱ 15:14

Ngije katsꞌénkjié ngayeje to̱o̱n, kjindibá ngo kjindiá kuí ngi̱ndiee̱, kó kui nda̱a̱, ítsꞌi̱yanii̱ nga jaꞌa kjindiá ndatsa kui nga.

Rkaa̱ 15:16

Kó kui nda̱a̱ kamámején maá iskjinie nichiniee̱ chi̱nga̱a̱, ta̱nga jmíjín xi katsjaá.

Xota̱ Roma̱ 6:22

Ta̱nga ngotꞌe̱ ꞌne̱ ngije xín kiniꞌánkjaꞌajnúu̱ yojojnú jeé, kó ngije mosoo̱ Néná jè kamájnú, tikónjnú ngo ni xi tsi̱ꞌe̱ kjo̱a̱tsjiee̱, kó nga kju̱i̱e̱tꞌa sa̱kójnú kjo̱a̱mindyion ngatsjéni̱xtjii̱n.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.