Rkaa̱ 14:23 - Xo̱jo̱n eén Néná

²³ Kó ndi̱a̱ xi tsi̱ꞌe̱ sꞌueé, bi̱ katsoó mosoo̱: “Tꞌen ji ngayeje ndi̱yàngí, ko̱jo ndi̱yà kꞌijñá, kó ndibéje̱ kjo̱a̱ꞌniú ngayeje xotaa̱, tsi̱ꞌe̱ nga stsi̱e̱ ndiꞌana.”

Rkaa̱ 14:23 ပူးပေါင်းရင်းမြစ်များ

Xo̱jo̱n Salmoo̱ 110:3

¡Jájúu̱n ngatsjaá tsꞌoa nga ka̱ma ka̱maꞌnítakín ji ki̱a̱ nga̱són na̱xi̱i̱ Néná kui ni̱xtjin nga ka̱ma kjo̱a̱xcha̱án! Kjiꞌanga kjo̱tjo tsꞌueé, ngasakó ngaꞌniú nginií.

Xo̱jo̱n Salmoo̱ 98:3

Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón kjo̱a̱a̱ xota̱ na̱xi̱ńdá Israee̱l. ¡Ngaskande ngi̱ndie nínga ꞌniú kjin xi tjín tꞌanangii̱ xi je kamábe nga Néná boá xi ꞌboxiéꞌáná!

Matioo̱ 21:43

Ja̱ kuíni nga tsꞌénxiyàjnúꞌun nga nínga botixómá Néná chja̱ꞌáxínjnú jún, kó xota̱ na̱xi̱ńdá xí tsjá to xí ko̱e̱ꞌeé.

Matioo̱ 5:41

Ta̱ ꞌyání xi sa̱ꞌiín kjo̱a̱ꞌniú tsi̱ꞌe̱ nga xꞌi̱e̱ ji ngo chꞌià ngaskande ngo kilometro̱, tꞌen ji, kó chꞌi̱e̱ ji kui chꞌiaà ngaskande jó kilometro̱.

Rkaa̱ 14:22

Kó nda̱ mosoo̱, bi̱ katsó: “Ndi̱a̱, jè katsꞌen an ngayeje ni xi kasení, kó ta̱kó síndo ngase ngi̱ndie.”

Rkaa̱ 14:24

Ngatꞌa̱ xiyaá nga nde ngojín xota̱ xi xá katsóyàñáa xi skótꞌa nichinie xi kachján ndiꞌana.

Rkaa̱ 24:29

Kó kui jaá ꞌniú tsíꞌáa̱ nga bi̱ katsoó: –Kꞌi̱e̱ tindyinje̱jne̱ kꞌi̱e̱e̱, ngatꞌa̱ jè kamángixón, kó jè mején kjimajñó. Kó Kjisoo̱ ki̱a̱ kisꞌijñajo̱ kui jaá.

Ni xi kamá 16:15

Kó nga kastindá kuí xota̱chjo̱on, ko̱jo xota̱ ngi̱ya ndiꞌaa̱, jaskan ꞌniú tsíꞌájne̱ nga bi̱ katsó: –Tsi jún xi bo̱a̱ ꞌmíjnú nga ja̱koxi̱ nga an sꞌijinna Ndi̱a̱ná, ndibá ni̱ꞌankjaꞌyájnú ndiꞌana. Kó ꞌniú katsꞌénjne̱ nga ki̱a̱ ku̱i̱ndyionjne̱ ndiꞌaa̱.

Ni xi kamá 18:6

Ta̱nga kui xotaa̱ ta̱ kje̱ꞌe tsꞌén katsꞌénkjó, kósꞌe̱ chꞌo katsó, sꞌe̱ Pabloo̱ ítsanie xa̱a̱ ńjñoo̱ nga akó nga chꞌo kamaá ni xi kiꞌmií, kó bi̱ katsoó: –Ti̱ júnní ndyi̱mindyijnúu̱ jé yojojnú nga xcha̱jàjnú, ánjín konna ni xi ka̱majnú, ngatꞌa̱ tsjie án, ngotꞌe̱ ꞌne̱, ta̱sá xota̱ xi jundío̱jín xi kjuínkóo̱n.

Ni xi kamá 28:28

Jún ngatamayajnú nga ngotꞌe̱ ꞌne̱, Néná tsꞌéntsjaá kjo̱a̱ꞌnaxiéꞌaá xota̱ xi jundío̱jín, kó ta̱sá kuí xi ku̱i̱ntꞌiè kuí eén.

Ni xi kamá 9:15

Ta̱nga Ndi̱a̱ná, bi̱ katsoó: –¡Tꞌenchíi̱n! Ngatꞌa̱ nga kuí nda̱a̱ xi je jaꞌajin an tsi̱ꞌe̱ nga ku̱i̱chji̱a̱jo kjo̱a̱a̱ an xota̱ xi Israee̱ljín, ko̱jo re, ko̱jo ngayeje xota̱ xi chji̱a̱ni Israee̱l,

Xota̱ Roma̱ 10:18

Ta̱nga an bosíyá an: A tsintꞌiéjín. ¡Ja̱koxi̱ nga jè tsintꞌié! Bi̱ tsó xo̱jo̱o̱n Néná: Nda̱a̱ je kandaꞌyá ngayeje nga̱sondiee̱, kó eén je jachó ngaskande nínga fetꞌanii̱ nga̱sondiee̱.

2 Xota̱ Korinto̱ 5:11

Kó kuíni nga, nga yandikónjne̱ Ndi̱a̱ná ndyi̱ꞌmìyá cha̱n cha̱njne̱ xotaa̱ nga ti̱ sꞌi̱jii̱n nga. Néná be kókón ji̱n, kó mejénna nga ko̱jo jún xi nda ini̱ma̱jnú xcha̱jnú kókón ji̱n nga.

2 Xota̱ Korinto̱ 5:20

Kó kuíni nga ji̱n, xota̱xcha̱à Kristoo̱ boá ji̱n. Xikónií tsi ti̱ kui Néná xí tsꞌénchji̱a̱ kjiꞌanga ndyi̱ndokjo̱a̱jojne̱ jún, kuíni nga ngi̱yaa̱ jaꞌeén Kristoo̱ chjiáꞌájne̱ jún nga tjandajo̱jnú Néná.

2 Xota̱ Korinto̱ 6:1

Kó kuíni nga ji̱n xi xaá Néná ndyi̱niꞌánjne̱, ꞌniú chjiáꞌájne̱ jún tsi̱ꞌe̱ nga ngata̱ tonjín májnú kjo̱a̱ndaa̱ Néná.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

Xota̱ Kolosa̱ 1:28

Kristo̱ xi̱ꞌbi̱ xi ndyi̱ꞌbíni̱jmìjne̱, kó ndyi̱botíxomajne̱ ngayeje xotaa̱, kó ndyi̱bokoyájne̱ nga ndyi̱niꞌánkjiénjne̱ ngayeje kjo̱a̱kjínkón xi tsja̱ajne̱ Néná, tsi̱ꞌe̱ nga kui xotaa̱ xi ka̱ma xikoó xota̱ xi sꞌijii̱n Kristoo̱ xikótsꞌèn mejeén Néná.

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.