Rkaa̱ 14:13 - Xo̱jo̱n eén Néná

¹³ Ta̱sá kjiꞌanga ngo sꞌué si̱ꞌin, tꞌíyée̱ xota̱ ni̱ma̱a̱, ko̱jo xota̱ xi ni̱ma̱ tsja, ko̱jo xota̱ xi májín fí, ko̱jo xota̱ xi ti̱ka̱,

Rkaa̱ 14:13 ပူးပေါင်းရင်းမြစ်များ

Joo̱b 29:13

Xota̱ xi je mejeén kjifesoón, katsꞌénchikonñéna, kó ínchjín kꞌán xi je jesón xi̱ꞌii̱n achichí tsjá kamaá ngi̱jin ini̱ma̱a̱.

Énkjínkón 14:31

Kui xi ꞌniútsꞌeén xota̱ ni̱ma̱a̱, Néná boá xi tsꞌénkjánjo̱, ta̱nga kui xi ni̱ma̱ maa̱ xota̱ ni̱ma̱a̱, tsꞌénbendikón Néná.

Énkjínkón 22:9

Néná tsꞌénchíkonñé xota̱ xi tjiín kjo̱a̱ni̱ma̱takón, ngatꞌa̱ katsjaá nichinie xota̱ xi ni̱ma̱a̱.

Matioo̱ 15:30

Kó achichí má xota̱ xi jachókoón Kjisoo̱ xi jachójo̱ xota̱ xi fí ni̱ma̱ tꞌa, ko̱jo xota̱ xi ti̱ka̱, ko̱jo xota̱ xi ni̱ma̱ tsja, ko̱jo xota̱ xi májín chji̱a̱, ko̱jo achichí xota̱ xi ndajín tjiín, kó Kjisoo̱ ngayejee̱ nga katsꞌéndaya,

Matioo̱ 22:10

Kó já mosoo̱ nda̱ ree̱ kijí ngayeje ndi̱yàtié, kó achichí má xota̱ xi katsóyaà, kamátikó xota̱ xi nda ko̱jo xi ndajín, kó bo̱a̱ tsꞌén nga ngi̱ndie nínga kamá ndiꞌibixaa̱n kisꞌikitsié má xota̱.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Rkaa̱ 14:12

Kjisoo̱ ti̱ bi̱ ti̱ katsoó nda̱ xi katsóyaà sꞌué xí katsꞌén: –Kjiꞌanga si̱ꞌin ji ngo sꞌué, ko̱jo tsi nichinie ko̱e̱ꞌée̱ xotaa̱, ngata̱ ꞌmíyejíi̱n já amingoo̱, ko̱jo já ntsꞌie, ko̱jo xingi̱, ko̱jo xota̱ tꞌa ndiꞌàa̱ xi cho̱o̱n, ngatꞌa̱ kui xotaa̱, ka̱tso̱yà nginií ni xi sa̱ꞌín, kó tsja̱ꞌóyá nginií ni xi tiboeꞌée̱.

Rkaa̱ 14:14

kó achichí tsjangatamaa̱, ngatꞌa̱ kui xotaa̱ ka̱májiín ku̱i̱ꞌíchjií, ta̱nga kjiꞌá boá nga ka̱machjií, kjiꞌanga kjo̱a̱ꞌáꞌyaá xota̱ xi kixi̱i̱.

Rkaa̱ 14:21

Nga jachó nginí kui mosoo̱, katsóyaà ndi̱a̱ xi tjítsꞌén sꞌueé, kó achichí katsꞌénxchán kuí nda̱a̱, sꞌe̱ bi̱ katsoó mosoo̱: “Tꞌen ji ngayeje nínga síndo ndi̱tse̱n, ko̱jo ndi̱yàtié, kó ndibéje̱ ngayeje xota̱ ni̱ma̱, ko̱jo xota̱ xi ni̱ma̱ tsja, ko̱jo xota̱ xi ni̱ma̱ se, ko̱jo xota̱ xi ti̱ka̱.”

Ni xi kamá 9:39

Kó Peé tji̱e̱nmá kijíjo̱ kui jaá, kó ngije jachó, tsangínjo̱ ki̱a̱ ndí ngi̱yaꞌma nínga kjiꞌijñakꞌien na̱ Ndorkaa̱, kó ngayeje ínchjín kꞌán xi je kꞌien xi̱ꞌii̱n askjandá nga jaꞌatjiyajoo̱n Peé, kó akoó ngayeje xtjí ko̱jo ńjñondio xi katsꞌénda na̱ Ndorkaa̱ nga kisꞌijña nga̱sondie.

1 Timoo̱ 3:2

Ta̱nga chjiéngá bi̱ kon ka̱ma xi mejeén nga xota̱ xi ngito̱ko̱o̱ na̱ngo̱xi̱i̱ ka̱ma: Nga jmíjín xi chꞌo tsꞌén ku̱i̱chji̱a̱taꞌin, ko̱jo nga ta̱ ngo tsi chjo̱on tjiín, ko̱jo nga nda kjótsoꞌbájo̱ yojoo̱, ko̱jo nga nda sa̱ꞌínkjiín kon ni xi sa̱ꞌín, ko̱jo nga xcha̱ndikón, ko̱jo nga chjiéngá sa̱ꞌíntiee̱ xotaa̱ nga ki̱a̱ kꞌuíndo ndiꞌaa̱, ko̱jo nga chjiéngá ka̱maa̱ ko̱kóyá,

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

Titoo̱ 1:8

Ta̱sá chjiéngá nga tsja ka̱maa̱ nga kꞌuíndo xota̱ ndiꞌaa̱, chjiéngá sa̱ꞌíntjó ni xi ndaa̱, ngo nda̱ xi nda sa̱ꞌínkjiín kon ni xi sa̱ꞌín, ngo nda̱ xi kixi̱, ngo nda̱ xi tsjie, ko̱jo ngo nda̱ xi ti̱ kuii̱ botixómaá yojoo̱.

Filemoo̱ 1:7

Ji ntsꞌie, achichí tsjátjínna kó tsjangaꞌniúna kjo̱a̱tjó xi tjiín, ngatꞌa̱ jí xí katseꞌé ngaꞌníi̱ ini̱ma̱a̱ xota̱ tsjiee̱ Néná.

Xota̱ Ebreo̱ 13:2

Ngata̱ niꞌánchíyájínjnú nga nda si̱ꞌanjo̱jnú ngayeje xota̱ xi kjo̱chó ndiꞌajnú, ngatꞌa̱ ta̱ngatꞌanii̱ kui nii̱ nga tjín xi nde bejín nga ndítsjie boá xi katsꞌéntiee̱ ndiꞌaa̱.