Rkaa̱ 13:33 - Xo̱jo̱n eén Néná

³³ Ta̱nga chjiéngá ngotꞌe̱ ko̱jo ndyiojón, ko̱jo ngii̱ kjuínrá an ndi̱yàna, ngaskande nga kjóchó an na̱xi̱ńdáꞌniú Jerusale̱n, ngatꞌa̱ ka̱májín tsi xín nangi ko̱yà ngo nda̱ chji̱ni̱e̱ꞌe̱én Néná.

Rkaa̱ 13:33 ပူးပေါင်းရင်းမြစ်များ

Matioo̱ 20:18

–Tsitsíjenjnúu̱ nga kꞌi̱e̱ ndyi̱mongínnijíngí xtji̱e̱e̱n na̱xi̱ńdáꞌniú Jerusale̱n, kó ndií nda̱ xi̱ꞌii̱n si̱ꞌankꞌasꞌiee̱n já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó kuí xí tsja̱akjo̱a̱ nga si̱ꞌankꞌien,

Matioo̱ 21:11

Kó xota̱ kjiín, bi̱ katsó: –¡Kjisoo̱, nda̱ chji̱ni̱e̱ꞌe̱én Néná boá, nda̱ xi chji̱a̱ni na̱xi̱ńdáꞌniú Nasaree̱t, nangii̱ Ngalilea̱!

Rkaa̱ 9:53

ta̱nga xota̱ xi chji̱a̱ni nangi Samaria̱ katsꞌénjo̱ꞌojín nga ki̱a̱ kjo̱chó Kjisoo̱, ngatꞌa̱ kamákjiín nga xtji̱e̱e̱n na̱xi̱ńdáꞌniú Jerusale̱n tsꞌénfí.

Juaa̱ 11:54

Kó kuíni nga Kjisoo̱ ngiti̱ ta̱xkiya kistsoꞌbájín ngi̱jii̱n xota̱ jundíoo̱, ta̱sá kjin kijí xtji̱e̱e̱n nangi kixií, ngo ngi̱ndie xi ꞌmí Efraii̱n, kó ki̱a̱ kisꞌijñajo̱ xota̱ tsi̱ꞌe̱.

Juaa̱ 11:9

Sꞌe̱ Kjisoo̱, bi̱ katsó: –A tiejójín ora̱ tjiín ni̱xtjii̱n. Xota̱ xi nga ni̱xtjin fotsoꞌbá, sti̱ngíjín, ngatꞌa̱ be ndiꞌií kui nga̱sondiee̱,

Juaa̱ 12:35

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin nga tikónjinjnú ndiꞌií, tangínjnú tji̱e̱nga tikónjnú ndiꞌií, tsi̱ꞌe̱ nga jñoó sa̱kójiín jún, ngatꞌa̱ xi tjimá nga jñoó, bejín ñá ndyi̱fí.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 9:4

Chjiéngá si̱ꞌán xaá xi katsangiyana, tji̱e̱nga ni̱xtjin, ngatꞌa̱ ngije ka̱majñoó, ngiti̱ jmíjín xi ka̱ma sa̱ꞌínxá.

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Ni xi kamá 13:27

Ngatꞌa̱ xota̱ na̱xi̱ńdá xí síndo na̱xi̱ńdáꞌniú Jerusale̱n, ko̱jo xota̱ xi botixómaá, kamábejín ꞌyání xi Kjisoo̱, ti̱nde kamákjínjiín kui én xí tsíchji̱a̱ já chji̱ni̱e̱ꞌe̱én Néná xi niꞌányà xki̱ ni̱xtjin ndikón ki̱a̱ ndiꞌa nínga ndokjo̱a̱ eén Néná, kó bo̱a̱ tsꞌén katsꞌénkjatjosón én xí ja̱bo̱a̱ je tsíchji̱a̱ já chji̱ni̱e̱ꞌe̱én Néná nga katsꞌénjeé Kjisoo̱,