Rkaa̱ 13:17 - Xo̱jo̱n eén Néná

¹⁷ Nga katsó kui nii̱ Kjisoo̱, achichí soboá kamaá xota̱ xi kondraa̱, ta̱nga ngayeje xota̱ na̱xi̱ńdaá, achichí tsjá kamaá kjo̱a̱a̱ kjo̱a̱je xi katsꞌén Kjisoo̱.

Rkaa̱ 13:17 ပူးပေါင်းရင်းမြစ်များ

Xo̱jo̱n Salmoo̱ 109:29

Ji Ne, te̱ꞌée̱ kjo̱a̱soboá ko̱jo nga xcha̱ndikónjín kui xota̱ xi ndyi̱bongítaꞌinna. Án boá xi tsjaa ndokꞌóchjì, ko̱jo kui xota̱ na̱xi̱ńdá xi tsꞌéntsjaà jí,

Xo̱jo̱n Salmoo̱ 111:3

Ngayeje ni xi tsꞌén, bokó kjo̱a̱tsjakjiꞌi ko̱jo kjo̱a̱je xi tsoboaá kui Néná ko̱jo xi rená, kjo̱a̱kixi̱i̱ ngatsjéni̱xtjin nga tikón.

Xo̱jo̱n Salmoo̱ 132:18

Kondra̱a̱ sa̱ꞌintsobéjìi̱n, ta̱nga Ndabii̱ nga kui xi re, xcha̱ndikón ngase xikótsꞌèn ko̱tíxoma».

Xo̱jo̱n Salmoo̱ 40:14

Ti̱ꞌintsobéjìi̱n ko̱jo te̱ꞌée̱ kjo̱a̱soboá ngayeje xota̱ xi mejeén sa̱ꞌínkꞌiénna, ti̱ꞌin ji nga ko̱nga nga xcha̱ja ngayeje xota̱ xi mejeén nga ndajín ka̱mana.

Éksondo̱ 15:11

»Ne tsa̱ꞌa̱n, ¡jmíjín ingo Ne xi xikoó ji! ¡Ta̱ jí tsí xi je ji! ¡Ta̱ jí tsí xi tjiín ngaꞌniú! Achichí kjo̱a̱ndikón xí yiꞌi kiniꞌín ji, jí boá xi niꞌín ji ni xi fíndikónná.

Rkaa̱ 14:6

Kó nde jmíjín xi kamákón nga tsíchji̱a̱.

Rkaa̱ 18:43

Ti̱ kjiꞌa kamátsijen nginií nda̱ ti̱ka̱a̱, kó kijítji̱ngii̱ nga katsjaá kjo̱a̱je Néná, kó ngayeje xota̱ na̱xi̱ńdá xí kamábe kui nii̱, katsꞌéntsjaà Néná.

Rkaa̱ 19:48

Kó kasakondièjiín kótsꞌèn sa̱ꞌínkꞌién, ngatꞌa̱ ngayeje xota̱ na̱xi̱ńdaá tsintꞌié ndá ndaá ni xi tsíchji̱a̱.

Rkaa̱ 20:40

Kó ngiti̱ ingojín xota̱ xi asíyá ngasee̱ kje̱ꞌe ni.

Ni xi kamá 4:21

Sꞌe̱ jáxaá indyiándikoón kui já apostroo̱, sꞌe̱ índondé, kó jmí ni kasakojiín xi sa̱ꞌínjénií, ngatꞌa̱ ngayeje xota̱ na̱xi̱ńdaá katsjaá kjo̱a̱je Néná kjo̱a̱a̱ ni xi katsꞌén Peé ko̱jo Juaa̱,

2 Timoo̱ 3:9

Ta̱nga kjo̱tjosónjín ni xi ndyi̱tsꞌènkjó, ngatꞌa̱ ngayeje xotaa̱ makjiín nga xota̱ chi̱ni boá, xikó kamaá Janee̱ ko̱jo Jambree̱.

Titoo̱ 2:8

Én nda ndókjo̱e̱ ji, kó nde ngojín xi ka̱maa̱ ku̱i̱chji̱a̱taꞌii̱n, tsi̱ꞌe̱ nga soboá ka̱maa̱ kondraa̱, kó bo̱a̱ tsꞌén nga nde chií ka̱májiín chꞌo ka̱tso̱ná.

1 Xo̱jo̱o̱n Peé 3:16

Ta̱nga ngatꞌiéjnú kjo̱a̱ni̱ma̱kjo̱a̱, ko̱jo kjo̱a̱yandikón nga bo̱a̱ si̱ꞌánjnú. Ti̱ꞌánjnú kui nii̱ nga nda tsꞌén kꞌuijñá kjo̱a̱kjíntakónjnú ngindyi̱ko̱n Néná, ki̱a̱ ka̱maa̱ nga kui xota̱ xi ndyi̱chji̱a̱taꞌinjnú, kui xi ndyi̱tsó nga ndajínjnú xota̱, soboá ka̱maa̱ nga sku̱i̱e̱ nga nda ndyi̱niꞌánjnú ngatꞌa̱ sꞌijinjnú Kristoo̱.