Rkaa̱ 13:13 - Xo̱jo̱n eén Néná

¹³ Kó Kjisoo̱ íjñasoón tsja kui xota̱chjo̱on, kó tji̱e̱nmá kisꞌijñakixi̱, kó kui xota̱chjo̱on ítsꞌi̱yanii̱ nga katsjaá kjo̱a̱je Néná.

Rkaa̱ 13:13 ပူးပေါင်းရင်းမြစ်များ

Matioo̱ 9:8

Kó nga kamábe kui nii̱ xotaa̱, achichí kijíndikoón kó katsjaá kjo̱a̱je Néná, ngatꞌa̱ kuí boá Néná xí katsjaá xotaa̱ kui ngaꞌniú xi̱ꞌba̱.

Markoo̱ 16:18

ndatsi skjíbé ngo ye̱, ko̱jo ndatsi kꞌuí ni xi tsꞌenkꞌiénná, jmí ni sa̱ꞌínjiín, kó ti̱ bo̱a̱ ti̱ tsꞌén, tsi ku̱i̱ꞌíjñasoón tsja xota̱ xi oo̱n, ka̱mandaya.

Markoo̱ 5:23

kó achichí ꞌniú tsíꞌaá Kjisoo̱, nga bi̱ katsoó: –Ndí tsa̱kjìnchína jè kjiꞌme, tꞌenje̱ chiíní, kó tꞌenkꞌíjñisée̱n ndse̱ tsi̱ꞌe̱ nga kjo̱tjoꞌa, ko̱jo tsi̱ꞌe̱ nga kꞌuijñá nginí ndína.

Markoo̱ 6:5

Kó Kjisoo̱ nde ngo kjo̱a̱ndikón katsꞌénjín nangii̱, ta̱ chiboa tsí xota̱ xi oo̱n xi katsꞌéndaya nga yejénnié tsja.

Markoo̱ 8:25

Sꞌe̱ Kjisoo̱ ti̱ yejénnié nginií tsja xtji̱e̱e̱n nga̱són ndyi̱ko̱n, kó kamándaya kui nda̱a̱, nda kamátsijee̱n, kó kamábe cha̱n cha̱n ngayeje nii̱.

Rkaa̱ 13:12

Nga kamábe Kjisoo̱, tsíchji̱a̱a̱, kó bi̱ katsoó: –Xota̱chjo̱on, jè íjñandeé chiꞌìi̱n.

Rkaa̱ 18:43

Ti̱ kjiꞌa kamátsijen nginií nda̱ ti̱ka̱a̱, kó kijítji̱ngii̱ nga katsjaá kjo̱a̱je Néná, kó ngayeje xota̱ na̱xi̱ńdá xí kamábe kui nii̱, katsꞌéntsjaà Néná.

Rkaa̱ 4:40

Kó nga tsꞌatjé tsꞌueé, ngayeje xota̱ xi tjín xkjín xi tjiín chiꞌin xi kꞌi̱e̱ xi ngaján jachóchinií Kjisoo̱, kó kuí katsꞌénjo̱ nga ngo nga ngo kui xotaa̱, kó kamándayaa̱.

Ni xi kamá 9:17

Kósꞌe̱ kijí Ananiyaa̱, kó tsꞌasꞌien ki̱a̱ ndiꞌa nínga tikón Sauloo̱, kó íjñasoón tsja Sauloo̱, kósꞌe̱ bi̱ katsoó: –Nda̱ ntsꞌie Saulo̱, Ndi̱a̱ Kjisoo̱ kui xi akoó yojoo̱ ngi̱ya ndi̱yà nínga kjindibé ji, kuí xí katsangiyana tsi̱ꞌe̱ nga ka̱matsijen nginií, kó kꞌuijñájii̱n A̱si̱énni̱xtjii̱n Néná.