Rkaa̱ 12:37 - Xo̱jo̱n eén Néná

³⁷ Achichíra̱tsjaa̱ moso̱ xi kjiꞌiféjín nga kjo̱chó ndi̱a̱a̱, ja̱koxi̱ nga ti̱ kuii̱ ndi̱a̱a̱ sa̱ꞌínkꞌijñátꞌa yámíxa̱, kó ti̱ kuii̱ sa̱ꞌínseén.

Rkaa̱ 12:37 ပူးပေါင်းရင်းမြစ်များ

Matioo̱ 24:42

Ngata̱ tsjayojoféjínjnú tsobo̱a̱, ngatꞌa̱ yàjínjnú mí chi̱bo̱a̱a̱ nga kjo̱e̱ꞌe Ndi̱a̱jnú.

Rkaa̱ 12:36

kó jún bo̱a̱ ti̱ ti̱ꞌánjnú xikoó moso̱ xi koyaa̱ ndi̱a̱ xi tsi̱ꞌe̱ xaá nga kjo̱e̱ꞌe tsí ngo ndiꞌibixan kijí, nga sa̱ꞌínkjanie nga̱ntjo̱a̱, kó kui mosoo̱ ta̱tra skjíxꞌá.

Rkaa̱ 12:43

Achichíra̱tsjaa̱ nda̱ moso̱ xi nga kjo̱e̱ꞌe ndi̱a̱ tsi̱ꞌe̱, tjítsꞌén xá xí katseꞌeé.

Rkaa̱ 17:8

A mí tsi ta̱sá bi̱ kꞌuínjnúu̱: “Ti̱ꞌindení nichinie, ko̱jo tꞌínde yojòo̱ kó ti̱ꞌinsénní nga tꞌíyéní ni xi skjíni̱e̱ an ko̱jo ni xi kꞌuí an, kó ngije kamána ka̱ma xi̱ni̱ ji, ko̱jo sꞌi̱ ji”.

Rkaa̱ 21:36

Ti̱ndyionda síkijíjnú, kó ndókjo̱a̱jnúu̱ Néná, tsi̱ꞌe̱ nga kjo̱tjoꞌajnú yojojnú kjo̱a̱a̱ ngayeje ni xi sꞌe̱ ka̱maa̱, ko̱jo tsi̱ꞌe̱ nga ki̱a̱ kjóchójnú ngindyi̱ko̱n ndií nda̱ xi̱ꞌii̱n.

Rkaa̱ 22:27

Ngatꞌa̱, ꞌyání xi nkꞌa ngase xaá, a xi tikóntꞌa yámíxa̱a̱, axa̱ moso̱ xi tsꞌénꞌbiyá nichiniee̱. A kuijín xi tikóntꞌa yámíxa̱a̱. Ta̱nga kꞌi̱e̱ tikónjin an ngamasienjnú xikoó ngo moso̱ xi tjítsꞌénsénjnú.

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

1 Xota̱ Korinto̱ 2:9

Ta̱nga bi̱ tsꞌén kjitꞌa xo̱jo̱n eén Néná: Ni xi nde ngojín xota̱ xi je kamábe, ti̱nde ngojín xota̱ xi je tsintꞌié, ti̱nde ngojín xota̱ xi je íjñajin ngi̱jin ini̱ma̱a̱, kuí ni xi je tikónndaa̱ Néná tsi̱ꞌe̱ xota̱ xi ndyi̱tsꞌèntjó Néná.

Xota̱ Filipo̱ 1:21

Ngatꞌa̱ bi̱ xian an: Tsi tikòn an, Kristoo̱ xi tikónni an. Kó tsi ko̱yà an, jè katsꞌen an.

Xota̱ Filipo̱ 1:23

Ngatꞌa̱ achichí niꞌin mana nga ngo nga jó kui nii̱ xi kjo̱a̱ꞌajin an: Ngatꞌa̱ ta̱ bo̱a̱ mejénna ko̱yà án, tsi̱ꞌe̱ nga ki̱a̱ kotíjña̱ an nínga tikón Kristoo̱, ngatꞌa̱ nda ngase kjimana kui nii̱,

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.

2 Xo̱jo̱o̱n Peé 3:14

Kuíni nga jún ndí ntsꞌie xi tjóna, tji̱e̱nga ndyi̱chiyájnúu̱ nga kjo̱e̱ꞌe Ndi̱a̱ná, ti̱ꞌánjnú ngo kjo̱a̱ꞌniú tsi̱ꞌe̱ nga kꞌuiéjnú kjo̱a̱xió ngindyi̱ko̱n Néná, ko̱jo nga jmí kjo̱a̱ndándí kꞌuiéjínjnú ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú.

Ni xi akakoo̱ 14:13

Kó tsintꞌie an ngo nda̱ xi kjindibáni ndiꞌakꞌajmii̱ xi bi̱ katsóna: –Títꞌe ji xo̱jo̱n kui nii̱: “Achichíra̱tsjaa̱ kui xota̱ xi ko̱yà nga je katsꞌéngojo̱ yojoo̱ Ndi̱a̱ná ngayeje kui ni̱xtjin xi fií.” “Jo̱o̱n, tsó A̱si̱énni̱xtjii̱n, sa̱ꞌínkjaꞌyájo̱ kjo̱a̱ni̱ma̱ ko̱jo kjo̱a̱niꞌii̱n, ngatꞌa̱ Néná tsja̱á ngo chjí kjo̱a̱a̱ ni nda xi je katsꞌén.”

Ni xi akakoo̱ 16:15

“Tsitsíjenjnúu̱, nga an kji̱ndi̱bá an xikoó ngo nda̱ xi chejé. Achichíra̱tsjaa̱ xi kjóféjín, ko̱jo xi ndyi̱yajá ńjñoo̱, tsi̱ꞌe̱ nga kjótsoꞌbá kjiꞌixtíjín, kó xcha̱jín kjo̱a̱soboaá kjo̱a̱kjiꞌixtií.”

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.