Rkaa̱ 12:19 - Xo̱jo̱n eén Néná

¹⁹ sꞌe̱ ngijee̱ bi̱ xiáa̱n yojona: Ji nda̱, achichí ni je tikóntjoó, kó kjín nó kjo̱chíkjo̱a̱a̱, ti̱ꞌinkjaꞌyé ꞌne̱, chi̱ni, tꞌi̱, kó tsjatsꞌèn tindyin ji.”

Rkaa̱ 12:19 ပူးပေါင်းရင်းမြစ်များ

Joo̱b 14:1

»Xota̱ nga̱sondiee̱, ta̱chiboa tsí ni̱xtjin ꞌbíndo, kó tsie kjo̱a̱ni̱ma̱ foaꞌatio.

Xo̱jo̱n Salmoo̱ 49:18

Ndatsi tji̱e̱nga tikón ti̱ kuii̱ ini̱ma̱a̱ sa̱ꞌínchikonñé, kó nda ko̱ndókjo̱a̱ kjo̱a̱a̱ kui ngatꞌa̱ nda katjoninkꞌaa̱ yojoo̱,

Xo̱jo̱n Salmoo̱ 62:10

Ngata̱ ki̱a̱jín maꞌniátakónjnú ni xi ꞌniú ndajiín, ti̱nde ngata̱ ꞌbejínjnú kjo̱a̱chiyá kjo̱a̱a̱ kjo̱a̱chejeé, ndatsi ka̱matsie ngase kjo̱a̱cho̱njnú, nga ki̱a̱jín ꞌbíjñajnú ini̱ma̱jnú.

Énkjínkón 10:2

Nde ndajíntsꞌèn si̱ꞌankjién ngo kjo̱a̱cho̱n xi ndajíntsꞌèn kasako, ta̱nga ni xi kixi̱i̱ boá xi kꞌo̱xiéꞌáná ngi̱ya tsja kjo̱a̱bo̱yaa̱.

Énkjínkón 14:24

Xota̱ xi kjínkoón, kjo̱a̱kjínkoón boá xi kjo̱a̱cho̱o̱n, ta̱nga xota̱ xi kitikjo̱a̱a̱, kjo̱a̱kitikjo̱a̱a̱ boá xi kjo̱a̱cho̱o̱n.

Énkjínkón 18:11

Xota̱ xi cho̱o̱n tsꞌénkjó nga kjo̱a̱cho̱o̱n, kuí boá xi xikoó ngo na̱xi̱ńdáꞌniú xí xó tjíchjáꞌyáni, nínga jmíjín xi ni xi ndajín ka̱ma sa̱ꞌínjo̱.

Énkjínkón 23:5

A jè kamáyè ji tsi tjín kjo̱a̱cho̱n. Jmí jmíjín. Ngatꞌa̱ xikónií tsi nga̱a̱ ja̱ fotjoo̱, sꞌe̱ fítji̱e̱n nga chaja nkꞌa jàn.

Énkjínkón 27:1

Ngata̱ nkꞌakonjín má ji kjo̱a̱a̱ ni xi si̱ꞌin ji ndyiojón, ¡ngatꞌa̱ jmíjín xi be ni xi ka̱ma ndyiojón!

Eklesiastee̱ 11:9

Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱ma̱a̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱ma̱a̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱.

Eklesiastee̱ 2:24

Jmíjín ingo ni xi nda ngase, nga xota̱ nga̱sondiee̱ skji̱ni̱e̱ ko̱jo kꞌuí, ko̱jo nga tsja ka̱maa̱ nga kꞌuijñá nga̱sondie kjo̱a̱a̱ xaá. Kó jè kamábe an nga kui nii̱, ngi̱ya tsja Néná ndibání.

Rkaa̱ 12:18

Kó bi̱ katsó kui nda̱a̱: “Kuí nii̱ xi sa̱ꞌin an: sa̱ꞌinkixóndó án ndiꞌa nínga foaꞌatjó an ni xi maxchána, kó ndiꞌa xi yiꞌi ngase sa̱ꞌinda an, ki̱a̱ ka̱maa̱ nga ki̱a̱ kjoaꞌatjó an ni xi ka̱maxchána ko̱jo ni xi tjínna,

Rkaa̱ 16:19

Ngo nda̱ cho̱n kisꞌijña, xi achichí tsjakon ńjño tsajá, kó ndyiojón ndyiojón katsꞌén sꞌué, nga katsjá nichinie xi chjí.

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

1 Xota̱ Korinto̱ 15:32

Tsi xikoó ngo xota̱ an nga askjanjo̱ an cho̱ tamá ki̱a̱ na̱xi̱ńdáꞌniú Éfeso̱, mí ni xi katsꞌen an xi katseꞌéna. Tsi ja̱koxi̱ nga xota̱ xi je jesoón ngiti̱ foaꞌáꞌyájiín, ta̱sá bo̱a̱ si̱ꞌán xikó tsó kui eén “ja̱ ta̱sá xi̱ni̱e̱ ko̱jo sꞌi̱o̱ ngotꞌe̱, ngatꞌa̱ ndyiojón jè ko̱yà.”

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

1 Timoo̱ 5:6

Ta̱nga kui xota̱chjo̱on kꞌán xi je kꞌien xi̱ꞌii̱n xi tsꞌenkꞌásꞌieén yojoo̱ kjo̱a̱tsjaa̱ nga̱sondiee̱, jè kꞌien tikón xi̱ꞌba̱.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

2 Timoo̱ 3:4

Ko̱tíñá xkjín, ko̱jo ta̱xkiya sa̱ꞌín ngo ni, ko̱jo achichí je kꞌo̱xié yojoo̱, ko̱jo tjó ngase ka̱maa̱ kjo̱a̱tsjaa̱ yojoo̱ ta̱bo̱a̱jiín nga Néná ko̱ngase.

Xo̱jo̱o̱n Sandiyaá 5:5

Kꞌi̱e̱ tꞌanangii̱ je kixindyionjnú nga katseꞌéjnúu̱ yojojnú kjo̱a̱tsja xi nda ko̱jo je kiniꞌánkjatjosónjnúu̱ ni xi kamámejeén ini̱ma̱jnú. Jè kamáyiꞌijnú xikó maá ngo cho̱yojo xi je jachó ni̱xtjii̱n nga si̱ꞌankꞌien.

1 Xo̱jo̱o̱n Peé 4:3

Jè jaꞌa ni̱xtjin xikótsꞌèn kixindyionjnú ngasꞌe̱, kjiꞌanga kiniꞌánjnú ni xi tsja máa xota̱ xi sꞌijinjiín Néná, nga kiniꞌánjnú ni xi ndajín, ko̱jo ni xi ndajín xi mejeén yojojnú, ko̱jo kjo̱a̱chꞌi̱, ko̱jo nga chꞌo kiniꞌánjo̱xtínjnú yojo ndikónjnú, ko̱jo nga ikitjatjónjnúu̱ nga kiniꞌánjnú sꞌué, ko̱jo nga kiniꞌántsjájnúu̱ a̱sie̱én ne xi tsꞌénda xotaa̱, kui xi achichí chꞌokoón.

Ni xi akakoo̱ 18:7

Ti̱ꞌankjaꞌatiojnú kjo̱a̱ni̱ma̱ ko̱jo nga kjandá xikótsꞌèn tsja kamaá nga je kamaá yojoo̱, ko̱jo nga katseꞌeé kjo̱a̱je nga katsꞌénkjién to̱o̱n. Ngatꞌa̱ bi̱ tsó ini̱ma̱a̱: Kꞌi̱e̱ tikòn an xikoó ngo na̱ re, chjo̱on kꞌán xi je kꞌien xi̱ꞌii̱njín an, kó jmí xa̱ꞌya̱ skuiejín an,