Rkaa̱ 12:15 - Xo̱jo̱n eén Néná

¹⁵ Kósꞌe̱ bi̱ katsó ngase: –Tsitsíjenjnú, kó chónjnúu̱ yojojnú kjo̱a̱a̱ ngayeje kjo̱a̱xki̱ꞌá to̱n, ngatꞌa̱ kui kjo̱a̱mindyioo̱n xotaa̱, jmí tsi tsi̱ꞌe̱ nga kjín ni kꞌuieé nga síndo.

Rkaa̱ 12:15 ပူးပေါင်းရင်းမြစ်များ

Joo̱b 2:4

Kó Xindajiín, bi̱ katsoó Néná: —¡Tji̱e̱nga jmíjín xi sa̱ꞌínꞌónná nínga ꞌniú ngase on ka̱máná, ngayeje nii̱ xi ndakjiꞌi! Ta̱nga tsi kjo̱a̱a̱ nga kꞌo̱xiéꞌá yojoo̱ xota̱ nga̱sondiee̱, ka̱márií sa̱ꞌín ta̱jmì niní.

Xo̱jo̱n Salmoo̱ 10:3

Ngatꞌa̱ xota̱ xi ndajiín, achichí nkꞌa maá yojoo̱ kjo̱a̱a̱ ni xi mejeén ini̱ma̱a̱, kó xota̱ xi xki̱ꞌá to̱o̱n, chꞌo tsoó ko̱jo tsꞌenchꞌó Néná.

Xo̱jo̱n Salmoo̱ 37:16

Nda ngase nda ni chií xi tjiín xota̱ xi kixi̱i̱, ta̱bo̱a̱jiín ni tsie xi tjiín kjín xota̱ xi ndajín.

Xo̱jo̱n Salmoo̱ 62:10

Ngata̱ ki̱a̱jín maꞌniátakónjnú ni xi ꞌniú ndajiín, ti̱nde ngata̱ ꞌbejínjnú kjo̱a̱chiyá kjo̱a̱a̱ kjo̱a̱chejeé, ndatsi ka̱matsie ngase kjo̱a̱cho̱njnú, nga ki̱a̱jín ꞌbíjñajnú ini̱ma̱jnú.

Énkjínkón 15:16

Chjí ngasenii̱ nga xota̱ ni̱ma̱ ka̱má, ta̱nga nga xcha̱ndikón Néná, ta̱bo̱a̱jiín tsi xota̱ cho̱n ka̱má, kósꞌe̱ achichí nda̱ ka̱máná nga ku̱i̱ndyión.

Énkjínkón 16:16

Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱, ko̱jo nda ngase nga kꞌuiéná kjo̱a̱kjíntakón, ngatꞌa̱ chjí ngasenii̱ ta̱bo̱a̱jiín to̱ntiboaa̱.

Énkjínkón 28:16

Xota̱ xi botixómá xi jmí ni makjínjiín, ta̱ tsꞌénkjó tsí nga tsie ngase to̱n kjo̱a̱ꞌáchjií xotaa̱, ta̱nga xota̱ xi chꞌoo̱ kjo̱a̱xkétoo̱n, kuí boá xi tsie ngase ka̱maa̱ nga kꞌuijñá nga̱sondie.

Markoo̱ 7:22

ko̱jo xota̱ xi ndyi̱tsꞌènchéjé, ko̱jo xota̱ xi xke̱é ni, ko̱jo xota̱ xi ndyi̱tsꞌèn kjo̱a̱ton, ko̱jo xota̱ xi ndyi̱ꞌboṉcha̱, ko̱jo xota̱ xi mejeén chꞌo sa̱ꞌínjo̱ yojoo̱, ko̱jo xota̱ xi onkon, ko̱jo xota̱ xi chꞌo a, ko̱jo xota̱ xi nkꞌa xi yiꞌi ꞌboxié yojoo̱, ko̱jo xota̱ xi tá kitikjo̱a̱ maa̱ yojoo̱.

Rkaa̱ 12:16

Sꞌe̱ katsóyà kui énkjín xi bi̱ tsoó: –Ngo nda̱ cho̱n kisꞌijñaa̱ ngo tꞌanangi xi achichí ni katsjá.

Rkaa̱ 16:14

Kó tsintꞌié kuí nii̱ já fariseoo̱, kui xota̱ xi achichí tsjá kamaá to̱o̱n, kó tsajnókie Kjisoo̱.

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

Rkaa̱ 8:14

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga chíchi̱ chíchi̱ ꞌbijñá kui eén, ngatꞌa̱ kjo̱a̱nda̱a̱ kjo̱a̱cho̱o̱n, ko̱jo kjo̱a̱tsja xi tjiín kuí nga̱sondiee̱, tsꞌénchájá, kó jmí to ꞌbéjiín nga maxchá.

1 Xota̱ Korinto̱ 6:10

ko̱jo xota̱ xi chejé, xota̱ xi xki̱ꞌá ni, xota̱ xi chꞌi̱, xota̱ xi chꞌo a ko̱jo xota̱ xi ꞌboṉcha̱jo xotaa̱ sꞌe̱ foaꞌáxiín to̱o̱n, ngayeje xota̱ xi bo̱a̱ ndyi̱tsꞌe̱én sa̱kójiín nga Néná xí ko̱tíxomaa̱.

Xota̱ Kolosa̱ 3:5

Ti̱ꞌankꞌiènjnú ni nga̱sondie xi tikónjii̱n ini̱ma̱jnú kui ni xi kjo̱a̱tondoo̱, ko̱jo ni xi ndándií, ko̱jo nga ko̱tíxomájnú ni xi ndajín xi mejeén sa̱ꞌín yojojnú, ko̱jo kjo̱a̱xki̱ꞌá to̱n. Kui xi xki̱ꞌá to̱o̱n, kuí boá xi tjimátji̱ngi kje̱ꞌe ne xi Nénájín.

2 Timoo̱ 3:2

Ngatꞌa̱ xotaa̱ ka̱maꞌonkon, kó to̱o̱n xi ꞌniú sa̱ꞌíntjó ngase, ko̱jo je ka̱maa̱ yojoo̱, ko̱jo ta̱kuítsí xi sa̱ꞌíntjó yojoo̱, ko̱jo chꞌo ka̱tso̱o̱ Néná, ko̱jo ku̱i̱ntꞌiéꞌénjiín xi xchaá, ko̱jo xota̱ xi tsꞌénkiejín yojoo̱ nga bosíko̱jo ka̱ma, kó sku̱i̱e̱ndikónjín Néná.

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.

2 Xo̱jo̱o̱n Peé 2:14

Nde májín nda be ngo na̱, nga ja̱ kamá tsꞌénkjó nga sa̱ꞌíntsjajo̱, jmíni̱xtjin fenda nga ndyi̱tsꞌèn jé, ꞌboṉcha̱jo xota̱ xi kji̱e̱ ꞌniújín ndyi̱a̱, achichí kjo̱a̱xkéto̱n tjíjin ini̱ma̱a̱, xota̱ xi ꞌniú ndajín boá ngindyi̱ko̱n Néná.

2 Xo̱jo̱o̱n Peé 2:3

Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.