Rkaa̱ 11:9 - Xo̱jo̱n eén Néná

⁹ Kó kuíni nga bi̱ xiánjnúꞌun: Chji̱a̱ꞌajnú, kó ko̱e̱ꞌéjnú, ti̱ndyi̱séjnú, kó sa̱kójnú, ndokjo̱a̱jnú tꞌa ngo nga̱ntjo̱a̱, kó chjáxꞌájnú.

Rkaa̱ 11:9 ပူးပေါင်းရင်းမြစ်များ

Xo̱jo̱n Salmoo̱ 118:5

Kjiꞌanga achichí nda̱ kjimana, tsíchji̱a̱a̱ Néná, kó kuí katsꞌénsénna, ¡kó jaꞌáxínna kui ni xi kjimana!

Xo̱jo̱n Salmoo̱ 27:4

Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 27:8

Ngo ni tsꞌénchji̱a̱ ini̱ma̱na xi bi̱ tsó kjo̱a̱a̱ ji: «¡Ti̱ndyi̱sé ji Néná!» Kuíni nga an, ji boá kongasee, Ne tsa̱ꞌa̱n.

Xo̱jo̱n Salmoo̱ 34:10

Ndií xandi̱je̱e̱ chjieén ni kó bojó maá, ta̱nga xota̱ xi mongase Néná, ngayeje ni xi ndaa̱ xi kꞌuieé.

Xo̱jo̱n Salmoo̱ 34:4

Tsangase an Néná, kó katsꞌénsénna, ¡kó jaꞌáxín ngayeje ndikón xí kisꞌiena!

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Én xí nda xi ꞌniú tsjatsó ngasee̱ 5:6

Jastjíe̱n an, kó iskjíxꞌáa̱ nga̱ntjo̱a̱ xota̱ xi tjóna, ta̱nga ja̱bo̱a̱ jè kijí, ja̱bo̱a̱ jè jaꞌa. Kó nga tsíchji̱a̱ kui, mejeén kꞌien an katsaki. Tsangase an, ta̱nga ngiti̱ kasakojínna, tsíchji̱a̱ ngasèe̱, ta̱nga ngiti̱ katsꞌénsénjínna.

Matioo̱ 21:22

Kó ngayeje ni xi chji̱a̱ꞌajnú nga ko̱ndókjo̱a̱jnúu̱ Néná, tsi sꞌijinjnú, sa̱kójnú.

Matioo̱ 21:31

ꞌYání nga jó kui ndií xi katsꞌén ni xi katsoó na̱ꞌmii̱. –Xi tjón kanangiyaa̱. Katsó xota̱a̱ Kjisoo̱. Kó Kjisoo̱, bi̱ katsó: –Ja̱koxi̱ ni xi xiánjnúꞌun nga kui já xí foaꞌáꞌyá to̱n xi machjítjé nii̱ ko̱jo ínchjínmasieén, kuí xí tjón kꞌo̱sꞌien nínga botixómá Néná, ta̱bo̱a̱jiín jún.

Matioo̱ 6:29

ta̱nga xiyàjnúꞌun nga nde nda̱ re Salomoo̱, ndatsi tsie kjo̱a̱je kisꞌiee̱, kamájiín tsajá ngo ńjño xikoó xi boajá naxoó.

Markoo̱ 11:24

Kuíni nga bo̱a̱ xiánjnúꞌun nga ngayeje ni xi chji̱a̱ꞌajnú nga ko̱ndókjo̱a̱jnúu̱ Néná, sꞌijin ngatamajnú nga sa̱kójnú, kó sa̱kójnú kui nii̱.

Markoo̱ 13:37

Kó kui ni xi tꞌíxiánjnúꞌun jún, ngayeje xotaa̱ boá xi bo̱a̱ tꞌíxiaán: ¡Ngata̱ tsjayojoféjínjnú!

Rkaa̱ 11:10

Ngatꞌa̱ ngayeje xota̱ xi ku̱i̱ꞌa, ko̱e̱ꞌeé, kó xi ko̱ngase, sa̱ko̱ó, kó xi ku̱i̱chji̱a̱ tꞌa ngo nga̱ntjo̱a̱, xchjáxꞌaá.

Juaa̱ 14:13

kó ngayeje ni xi chji̱e̱ꞌèe̱ Na̱ꞌmii̱ ngajona, sa̱ꞌin an, tsi̱ꞌe̱ nga xcha̱ kjo̱a̱jee̱ Na̱ꞌmii̱ kjiꞌanga xcha̱ ni xi sa̱ꞌín ndií.

Juaa̱ 15:16

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Juaa̱ 15:7

Tsi si̱ꞌanngora yojoná jún ko̱jo an, kó tsi énna kꞌuijñájinjnú, ngayeje ni xi chji̱a̱ꞌajnú, ko̱e̱ꞌéjnú.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

2 Xota̱ Korinto̱ 6:2

Ngatꞌa̱ bi̱ tsó xo̱jo̱n eén Néná: Ni̱xtjin xi ndaa̱ an tsintꞌiee, kó ni̱xtjin nga tsꞌaxiéꞌá an xotaa̱ an asiko̱joo̱ ji. Bo̱a̱ tꞌíxiánjnúꞌun nga ngotꞌe̱ boá ni̱xtjin xi ndaa̱, kó ngotꞌe̱ boá ni̱xtjin nga Néná ꞌboxiéꞌá xotaa̱.

Xota̱ Ebreo̱ 11:6

Ta̱nga tsi jmíjín kjo̱a̱sꞌijii̱n, ka̱májín si̱ꞌantsjaa̱ Néná, ngatꞌa̱ chjiéngá kui xi sa̱ꞌíntiñaa̱ yojoo̱ Néná, sꞌijii̱n nga tikón Néná, ko̱jo nga Néná boá xi tsja̱á ngo ni nda xi niꞌán kui xota̱ xi mongase kui.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.

Xo̱jo̱o̱n Sandiyaá 5:15

Kjo̱a̱ndokjo̱a̱tjé xi tjiín kjo̱a̱sꞌijii̱n boá xi sa̱ꞌíndaya xi oo̱n, kó Ndi̱a̱ná sa̱ꞌínkjastjíe̱n, kó tsi katsꞌénjé, si̱ꞌanjetakoón jeé.

1 Xo̱jo̱o̱n Juaa̱ 3:22

Kó ngayeje ni xi chji̱a̱ꞌáa̱ Néná tsja̱aná, ngatꞌa̱ ndyi̱niꞌánkjatjosón kjo̱a̱botíxomaa̱, kó ndyi̱niꞌán ni xi tsja maa kui.

Ni xi akakoo̱ 2:24

Kjo̱a̱ ngaá jún, xota̱ xi tindyiónjnú ki̱a̱ Tiatiraa̱ ta̱nga nga ki̱a̱jín ndyi̱mongíntji̱ngíjnú kui kjo̱a̱bokoyaá, ti̱nde kji̱e̱ yàjínjnú ni xi tjiꞌmaá xindajín Satanaa̱, xikó tsó xotaa̱, xiyàjnúꞌun nga kꞌuiniéjínjnúꞌun ingo ni xi é,