Rkaa̱ 11:41 - Xo̱jo̱n eén Néná

⁴¹ Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Rkaa̱ 11:41 ပူးပေါင်းရင်းမြစ်များ

Xo̱jo̱n Salmoo̱ 112:9

Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

Xo̱jo̱n Salmoo̱ 41:1

Achichíra̱tsjaa̱ xota̱ xi nda̱ maa̱ xota̱ ni̱ma̱a̱, ngatꞌa̱ kjiꞌanga kji̱ndi̱bá ni̱xtjin xi ndajiín, Néná boá xi kꞌo̱xiéꞌá.

Énkjínkón 14:31

Kui xi ꞌniútsꞌeén xota̱ ni̱ma̱a̱, Néná boá xi tsꞌénkjánjo̱, ta̱nga kui xi ni̱ma̱ maa̱ xota̱ ni̱ma̱a̱, tsꞌénbendikón Néná.

Énkjínkón 16:6

Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Matioo̱ 26:11

ngatꞌa̱ jún, ngatsjéni̱xtjin kꞌuíndojinjnú xota̱ ni̱ma̱a̱, ta̱nga an jmí tsi ngatsjéni̱xtjin kotíjña̱jinjnúꞌun.

Matioo̱ 5:42

Tsi tjín xí ji ku̱i̱ꞌaa̱ ngo ni, te̱ꞌée̱, kó ti̱ꞌinsée̱n tsi tjín xí ji ku̱i̱yaa̱ ngo ni.

Markoo̱ 7:19

ngatꞌa̱ jmí tsi ini̱ma̱a̱ kꞌo̱sꞌien ni xi skji̱ni̱e̱, nga̱tsꞌo̱a̱ boá nínga kꞌo̱sꞌien, kó ngijee̱ ndiꞌamindí jàn fochó kuí nii̱. Kó kui nii̱ katsó, ngatꞌa̱ tsjie boá ngayeje ni xi chiniee̱.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 16:9

Kó an bi̱ xiánjnúꞌun jún: Ti̱ꞌankjiénjnú kjo̱a̱cho̱n xi tjín kuí nga̱sondiee̱ nga ko̱si̱ko̱jójnú xotaa̱, tsi̱ꞌe̱ nga kjín ngase amingo̱ kꞌuiéjnú, ki̱a̱ ka̱maa̱ nga kju̱i̱e̱ kui kjo̱a̱cho̱o̱n, Néná tsja̱ajnú ngi̱ndie xi tikón ngatsjéni̱xtjii̱n.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 19:8

Kósꞌe̱ Sakeoo̱ kasasienkixi̱, kó bi̱ katsoó Ndi̱a̱a̱: –Ngotꞌe̱ ꞌne̱ Ndi̱a̱, masien ni xi tjínna tsjàa̱ ngayeje xota̱ ni̱ma̱a̱, kó tsi tjín káꞌá xota̱ xi katsꞌenchejée̱, nijón bo̱a̱ kjiꞌi tsjaꞌoyá ngiñáa̱.

Ni xi kamá 10:15

Sꞌe̱ bi̱ katsó nginí kui nda̱a̱ xi ma joó ndi̱yà: –Ni xi Néná je katsꞌéntsjie ngindyi̱ko̱n kui, ngata̱ ni ndándíjín sée̱.

Ni xi kamá 11:29

Kósꞌe̱ xota̱ xi je kisꞌijii̱n Kjisoo̱ xi chji̱a̱ni na̱xi̱ńdáꞌniú Antiokiya̱ bo̱a̱ katsó nga sa̱ngíyaá chji̱e̱ ntsꞌié xi síndo na̱xi̱ńdá Jundea̱, xikótsꞌèn kasakoo̱ nga ngo nga ngo nga tsja̱á kui chji̱e̱e̱,

Ni xi kamá 24:17

Jaskan ngije jaꞌa kjín nó nga kistsoꞌbá an kje̱ꞌe ngi̱ndie, jéꞌe̱ ngiñá an na̱xi̱ńdána tsi̱ꞌe̱ nga tsja an chji̱e̱ ko̱jo kjo̱a̱nda,

2 Xota̱ Korinto̱ 8:12

Ngatꞌa̱ tsi ngayeje takón nga ko̱e̱ꞌé, Néná tsja ka̱maa̱ nga ndyi̱boeꞌé ni xi ndyi̱boeꞌé, ngatꞌa̱ kui, míꞌájín ni xi jmíjínná.

Xota̱ Éfeso̱ 4:28

Kui xota̱ xi katsꞌénchejé ngasꞌe̱, ngiti̱ bo̱a̱jín nga tsꞌén, ta̱sá ngatsꞌénxá, ngo xá xí nda nga tsꞌén nga sa̱ꞌínkjién tsja, tsi̱ꞌe̱ nga kꞌuieé ngo ni xi tsja̱á xota̱ xi ka̱machjieén ngo ni.

Titoo̱ 1:15

Ngayeje nii̱ xi tsjie maá xota̱ xi tsjietsꞌén tikón ini̱ma̱a̱, ta̱nga xota̱ xi ndándí síndo ngindyi̱ko̱n Néná, ko̱jo xi sꞌijinjiín Néná, ngojín ni xi tsjie maá kui, ngatꞌa̱ ngaskande ni xi tsꞌénkjó, ko̱jo kjo̱a̱kjíntakoón tsjiejín tikón.

Xota̱ Ebreo̱ 13:16

Kó ngata̱ niꞌánchíyájínjnú jún nga ni xi nda si̱ꞌánjnú, ko̱jo nga ja̱kꞌi̱e̱ ja̱ngaján ko̱si̱ko̱jójnú xingi̱jnú, ngatꞌa̱ ko̱jo kuí kjo̱a̱tjó xi̱ꞌbi̱ xi tsja maa̱ Néná nga.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

Xo̱jo̱o̱n Sandiyaá 1:27

Kjo̱a̱yandikoón Néná xi tsjie ko̱jo xi jmíjiín ni xi ndándí ngindyi̱ko̱n Néná xí Na̱ꞌmii̱, kuí boá xi̱ꞌbi̱: Nga ko̱si̱ko̱jó kjiꞌanga kjo̱a̱ꞌatio kjo̱a̱ni̱ma̱ xota̱ xi xꞌi̱a̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo nga ki̱a̱jín nijan si̱ꞌandándí yojoná kjo̱a̱a̱ ni xi ndajín xi tjiín kui nga̱sondiee̱.