Rkaa̱ 11:39 - Xo̱jo̱n eén Néná

³⁹ Kósꞌe̱ Ndi̱a̱a̱, bi̱ katsoó kui nda̱a̱: –Jún já fariseo̱, niꞌántsjiejnú nga̱xto̱n ti̱bo̱a̱ ko̱jo boso̱jnú, ta̱nga ngi̱yaa̱ ini̱ma̱jnú tjikítsie maá ni xi kasakojnú ta̱ngatꞌanii̱ kjo̱a̱chejéjnú ko̱jo kjo̱a̱ndajínjnú.

Rkaa̱ 11:39 ပူးပေါင်းရင်းမြစ်များ

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Xo̱jo̱n Salmoo̱ 22:13

Xikó maá xandi̱je̱ xi tamá, xi kjíxꞌá tsꞌoa nga mejeén skji̱ni̱e̱na.

Énkjínkón 26:23

Én tsjatsó xi chji̱a̱ xota̱ xi ndajín ini̱ma̱a̱, bo̱a̱ má kón xikoó to̱ntiboa xi ta̱ kjiꞌijon tsí ngo ti̱ji̱í.

Énkjínkón 26:25

Ngata̱ niꞌínsꞌinjinjíi̱n ni xi tsjatsꞌèn ku̱i̱chji̱a̱joo, ngatꞌa̱ ngi̱jin ini̱ma̱a̱ yito ni xi ꞌniú ndajín tjíjii̱n.

Énkjínkón 30:12

Tjín xota̱ xi achichí tsjie maá yojoo̱, ta̱nga nde kji̱e̱ tsꞌéntsjiejónjín jé xí tjiín.

Matioo̱ 15:19

Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a.

Matioo̱ 7:15

Chónjnú já chji̱ni̱e̱ꞌén ndiso xi kjo̱chókónjnú, xi bo̱a̱ má kón xikoó ngo cho̱tsa̱nga̱, ta̱nga nga ja̱koxi̱ cho̱lobo̱ boá.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Rkaa̱ 7:13

Kó Ndi̱a̱a̱ nga kamábe, ni̱ma̱ kamaá kui xota̱chjo̱on, kó bi̱ katsoó: –Ngata̱ cheꞌéjín ji.

Rkaa̱ 7:19

kó katsangiyakoo̱n Kjisoo̱, tsi̱ꞌe̱ nga ko̱síyaá tsi kuí Kjisoo̱ xi kji̱ndi̱baá, axa̱ chjiéngá kje̱ꞌe xí skoyaá.

Juaa̱ 12:6

Jundaa̱ katsó kui nii̱, jmí tsi kjo̱a̱a̱ nga tjoó xota̱ ni̱ma̱a̱, katsó kuí nii̱ kjo̱a̱a̱ nga nda̱ chejé boá, kó kuí kisꞌijñaa̱ stsatoo̱n, kó iskjíbéchéjé to̱n xi ikindyia.

Juaa̱ 13:2

Kó nga ndyi̱kjinie ṉño̱ nga kamájñoó, xindajín ndiabloo̱ ja̱bo̱a̱ je tsꞌasꞌieén ngi̱jin ini̱ma̱a̱ Junda̱ Iskariotee̱, tsi̱ꞌe̱ nga sa̱ꞌínkꞌasꞌien Kjisoo̱,

Ni xi kamá 5:3

Ta̱nga Peé, bi̱ katsoó: –Ananiya̱, ánní nga xindajín Satanaa̱ tsꞌasꞌieén ngi̱jii̱n ini̱màa̱ nga ikꞌíndiseje̱ ji A̱si̱énni̱xtjii̱n Néná, nga kachjábé jí ngo tjín kui to̱o̱n ni xi akatíñí ji.

Xota̱ Ngalasia̱ 1:14

Xikó tsꞌén tikoón xota̱ jundíoo̱ nga kꞌuíndo ngindyi̱ko̱n Néná, achichí má xota̱ nangina xi nijan kamáxchájo̱ an xi katsꞌée̱n nga jaꞌatjóo̱n, ngatꞌa̱ ꞌniú ngase chi̱ni̱ kamá an nga katsꞌenkjatjosón an kjo̱a̱xcha̱á xota̱ xi xchána.

2 Timoo̱ 3:5

Ja̱ sa̱ꞌín xi bendikón Néná sa̱ꞌín, ta̱nga kjo̱a̱a̱ xikótsꞌèn síndo, ko̱kó nga jmíjiín kui ngaꞌniú xí Néná tsjaá xota̱ xi bendikón. Ngata̱ ki̱a̱jín niꞌínkamaje̱ ji kui xota̱ xi̱ꞌba̱.

Titoo̱ 1:15

Ngayeje nii̱ xi tsjie maá xota̱ xi tsjietsꞌén tikón ini̱ma̱a̱, ta̱nga xota̱ xi ndándí síndo ngindyi̱ko̱n Néná, ko̱jo xi sꞌijinjiín Néná, ngojín ni xi tsjie maá kui, ngatꞌa̱ ngaskande ni xi tsꞌénkjó, ko̱jo kjo̱a̱kjíntakoón tsjiejín tikón.

Xo̱jo̱o̱n Sandiyaá 4:8

Ti̱ꞌantiñajnúu̱ yojojnú Néná, kó kui sa̱ꞌíntiñajnú yojoo̱. Jún xota̱ xi ndyi̱niꞌánjéjnú, ti̱ꞌantsjiejnú ndsa̱jnú. Kó jún xi jó ni tjíjii̱n ini̱ma̱jnú, ti̱ꞌantsjiejnú ini̱ma̱jnú.