Rkaa̱ 11:36 - Xo̱jo̱n eén Néná

³⁶ Jo̱o̱n, kuíni nga, tsi ngayeje yojòo̱ tjiín ndiꞌí, kó tsi jmíjiín chií nínga jñó, ngayejee̱ nga kꞌuijñá ꞌna̱ ꞌna̱, xikó maá kjiꞌanga ngo ndiꞌíxò tsꞌentsíjen xo xo ndiꞌií.

Rkaa̱ 11:36 ပူးပေါင်းရင်းမြစ်များ

Énkjínkón 1:5

Jún, xota̱ xi chji̱ni̱e̱ ko̱jo xi kjínkónjnú, tasiénijónjnú, kó bo̱a̱ tsꞌén nga chji̱ni̱e̱ ngase ka̱majnú, ko̱jo ꞌniú ngase xcha̱jnú ni xi bokoyá kjo̱a̱mindyioo̱n.

Énkjínkón 20:27

A̱siénni̱xtjin xi Néná katsjaá xota̱ nga̱sondiee̱, kuí boá xi xikoó ngo ndiꞌí xí tsꞌénkjién Néná nga kotsijennii̱ ngaskande ngi̱jin ini̱ma̱a̱ xotaa̱.

Énkjínkón 6:23

Kjo̱a̱botíxomaa̱ ko̱jo kjo̱a̱bokoyaá, kuí boá xi xikoó ngo ndiꞌíxò xi tjítí ka̱maa̱, kó kjo̱a̱niꞌánchji̱ni̱e̱e̱, kuí boá xi ko̱ko̱ó kótsꞌèn nga nda ku̱i̱ndyin ji,

Matioo̱ 13:52

Sꞌe̱ Kjisoo̱, bi̱ katsó: –Kuíni nga ngayeje já chji̱ni̱e̱kjo̱a̱kiti xi bokoyá kjo̱a̱a̱ nínga botixómá Néná, xikónií ndi̱a̱a̱ ngo ndiꞌa xi ꞌboxié ni xchaá, ko̱jo ni tja̱tsi̱e̱ xi chjí xí síndotjoó.

Matioo̱ 5:15

Ti̱nde ka̱májín kꞌuití ngo ndiꞌíxò, tsi̱ꞌe̱ nga ngindiee̱ ngo kojo̱ kꞌuiyá, a mí tsí ta̱sá nínga ꞌbítíyá ndiꞌí xí tsꞌentsíjee̱n ꞌbíjñá, tsi̱ꞌe̱ nga sa̱ꞌíntsijee̱n ngayeje xota̱ xi tjín kuí ngi̱ya ndiꞌaa̱.

Rkaa̱ 11:35

Chíi̱n nga jñójín ka̱ma kui ndiꞌí xí tjiín.

Rkaa̱ 11:37

Kó ngije kamaá nga tsíchji̱a̱ Kjisoo̱, ngo nda̱ fariseo̱ ꞌniú tsíꞌaá tsi̱ꞌe̱ nga ko̱e̱je̱kjiniejo̱ ṉño̱ ndiꞌaa̱, kó ngije tsꞌasꞌien Kjisoo̱, kisꞌijñatꞌa yámíxa̱.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Xota̱ Éfeso̱ 4:14

Bo̱a̱ tsꞌén nga ngiti̱ xikójiín ngo ndí ka̱ma ñá xí ngotjón ngotjón bosíkjo ni xi tsꞌénkjó. Ka̱májín ta̱xkiya kongíntji̱ngí ngo kjo̱a̱bokoyá tja̱tsi̱e̱ xi skjiénná kó kꞌo̱ṉcha̱joná, kui xi bokoyá xota̱ maña̱ xi ndi̱yà xi ndajín tjimaá.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

Xota̱ Ebreo̱ 5:14

Ta̱nga nichiniee̱, tsi̱ꞌe̱ xota̱ xi xchaá boá, xi je maa̱ be ni xi nda ko̱jo ni xi ndajín, ngatꞌa̱ jè kamángaá nga ndyi̱tsꞌènkjién kjo̱a̱kjíntakoón.

Xo̱jo̱o̱n Sandiyaá 1:25

Ta̱nga kui nda̱ xi bosienníjón ndá ndaá kui kjo̱a̱kiti xi kixi̱, kui xi tsjáná kjo̱a̱ndeé, kó ꞌniú ꞌbíjñá, kó tsꞌénkjátjosón nga tsꞌén xikó tsó, kó chíyájiín ni xi tsintꞌié, kuí nda̱ xi̱ꞌbi̱ xi achichíra̱tsjaa̱ kjo̱a̱a̱ ni xi tjítsꞌén.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.