Rkaa̱ 11:20 - Xo̱jo̱n eén Néná

²⁰ Ngatꞌa̱ tsi ta̱ngatꞌanii̱ ngaꞌniuú Néná, nga ꞌboxié an a̱si̱énni̱xtjii̱n xindajín, ja̱koxi̱ boá nga Néná je ko̱tíxomájnú.

Rkaa̱ 11:20 ပူးပေါင်းရင်းမြစ်များ

Éksondo̱ 8:19

kuíni nga já tjiꞌee̱ kijíkoón nda̱ ree̱ kó bi̱ katsoó: «¡Néná boá xi tjítsꞌén ngayeje kui nii̱!» Ingo ndi̱yà nginí kamá kui nii̱ xikó má katsó Néná, kó nda̱ ree̱ katsꞌéntajá nginí ini̱ma̱a̱, kó katsꞌénsénjiín ni xi katsó Moisee̱ ko̱jo Aaroo̱n.

Matioo̱ 12:28

Ta̱nga tsi A̱si̱énni̱xtjii̱n Néná tsꞌenkjién án nga ꞌboxié an a̱si̱énni̱xtjii̱n xindajín, ja̱koxi̱ boá nga Néná je ko̱tíxomájnú.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 4:24

Kó ta̱jñàní nga kandaꞌyá ni xi katsꞌén Kjisoo̱, ngayeje ngi̱ndie xi chji̱a̱ni nangi Siria̱, kó tsangínjoo̱ ngayeje xota̱ xi tjiín ngo chiꞌin, ko̱jo ngayeje xi oo̱n, ko̱jo xi tjíjii̱n a̱siénni̱xtjin xi ndajín, ko̱jo xi tjiín kjo̱a̱ndasen, ko̱jo xi tjiín chiꞌin ꞌmeya, ko̱jo xi májín fí, kó Kjisoo̱ katsꞌéndaya kui xotaa̱.

Rkaa̱ 10:11

“Ngaskande xa̱a̱ ńdie xi tjín kui na̱xi̱ńdájnú xi tsajájón ndsa̱kojne̱, ꞌbítsaniejne̱ kondra̱ tsa̱jún. Ta̱nga ngatamayajnú kui nii̱, nga jè tsá ko̱tíxomájnú Néná.”

Rkaa̱ 10:9

kó ti̱ꞌandayajnú xota̱ xi oo̱n xi síndo kui ngi̱ndiee̱, kó bi̱ tꞌínjnúu̱: “Jè tsá ko̱tíxomájnú Néná.”

Rkaa̱ 11:21

Kjiꞌanga ngo nda̱ xi tjingáꞌniuú, ko̱jo xi tjíndaa̱ yojoo̱ nga skja̱n xi tsꞌénkoón ndiꞌaa̱, jmíjín xi sa̱ꞌínjo̱ ni xi tjiín.

Ni xi kamá 20:25

Kó kuíni nga ngotꞌe̱ ꞌne̱ ꞌniú kixi̱ tikòn an nga nde ingojín jún, xi je ini̱jmìi̱ éntjatsi̱e̱e̱ nínga botixómá Néná xi sku̱i̱e̱ ngase kje̱n án.

2 Xota̱ Tesalónika̱ 1:5

Kuí nii̱ xi tsꞌénbokóná nga Néná kixi̱ tsꞌén skotsíjee̱n mí nii̱ xi nda ko̱jo tsi mí nii̱ xi ndajín xi ndyi̱tsꞌèn xotaa̱. Néná tsꞌénboaꞌaxki̱jnú nga kuí boá xi ko̱tíxomájnú jún, kuíni nga kjo̱a̱ni̱ma̱ ndyi̱bitjatiójnú.