Rkaa̱ 11:13 - Xo̱jo̱n eén Néná

¹³ Ngatꞌa̱ ndatsi jún ndajínjnú xota̱, májnú boeꞌéjnúu̱ ngo ni xi nda ndíjnú, ¡akja̱ꞌmíra̱ nga Na̱ꞌmijnú xi tikón ndiꞌakꞌajmi jàn tsja̱ajiín A̱si̱énni̱xtjii̱n tsi tjín xí ku̱i̱ꞌaa̱!

Rkaa̱ 11:13 ပူးပေါင်းရင်းမြစ်များ

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Xo̱jo̱n Salmoo̱ 51:5

Ja̱koxi̱ boá nga ngi̱jii̱n ni xi ndajiín nga kamánda an, ko̱jo nga jè tjínna jé nga nga yeꞌéna na̱anna.

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 5:45

tsi̱ꞌe̱ nga ndií Na̱ꞌminá xí tikón ndiꞌakꞌajmi jàn ka̱majnú, ngatꞌa̱ kuí xí tsꞌentjoó tsꞌueé xota̱ xi nda ko̱jo xi ndajín, kó kuí xí tsꞌénkáꞌaá stseé xota̱ xi kixi̱ ko̱jo xi kixi̱jín.

Matioo̱ 6:14

Ngatꞌa̱ tsi si̱ꞌanjetakónjnúu̱ xota̱ xi chꞌo tjítsójnú, ti̱ bo̱a̱ ti̱ tsꞌén sa̱ꞌínjetakónjnú Na̱ꞌmijnú xi tikón ndiꞌakꞌajmii̱,

Matioo̱ 6:30

Kó tsi kui kꞌijñá xí ngotꞌe̱ tikón ngi̱jin kꞌijñaá, kó ndyiojón ngi̱yaa̱ ngo orjno̱ je kití, bo̱a̱ tsꞌén tsꞌénkajá ńjño Néná, ja̱ kókjiꞌi ngase ni xi sa̱ꞌín Néná kjo̱a̱a̱ jún. ¡Ánní nga tá chiboa sꞌijinjnú!

Matioo̱ 6:32

Ngatꞌa̱ ngayeje kui nii̱ xi mongase xota̱ xi jundío̱jín, ta̱nga jún tikónjnú ngo Na̱ꞌmi xi tikón ndiꞌakꞌajmi jàn xí je be mí ni xi chjiénjnú.

Matioo̱ 7:11

Ngatꞌa̱ ndatsi jún ndajínjnú xota̱, kó májnú boeꞌéjnúu̱ ngo ni xi nda ndíjnú, akja̱ꞌmíra̱ nga tsja̱ajiín ngo ni xi nda Na̱ꞌmijnú xi tikón ndiꞌakꞌajmi jàn tsi tjín xí ku̱i̱ꞌaa̱.

Rkaa̱ 11:12

Axa̱ tsi ngo chjo̱o kuíꞌaa̱, kó ngo cho̱ndáyá tsja̱á.

Rkaa̱ 11:2

Kó bi̱ katsoó kui jaá: –Kjiꞌanga ko̱ndókjo̱a̱jnúu̱ Néná, bi̱ tꞌínjnú: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n. Ngatama kꞌi̱e̱e̱ ngo ngi̱ndie xi ji ko̱ti̱xome. Ngatama ni xi mejeén jí kꞌi̱e̱ tꞌanangii̱, xikó kjima ndiꞌakꞌajmi jàn.

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Xota̱ Roma̱ 5:17

Ngatꞌa̱ tsi ta̱ ngo tsí xi katsꞌénjé, kó kuíni nga kjo̱a̱bo̱yaa̱ atíxoma, kjín ngase xota̱ xi kꞌuieé kjo̱a̱mindyion ta̱ngatꞌanii̱ ta̱ ngo tsí nda̱, kui xi Jesukristoo̱. Kuí xotaa̱ xi sa̱ko̱ó ꞌniú tsie kjo̱a̱nda, ko̱jo nga kixi̱ kꞌuíndo ngindyi̱ko̱n Néná.

Xota̱ Roma̱ 7:18

Kó jè be an nga ngi̱jinna, ngi̱jin yojona, jmíjiín ni xi nda, ngatꞌa̱ ndatsi mejénna nga ni xi nda sa̱ꞌin an, ta̱nga tsꞌénjín an.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.