Rkaa̱ 10:42 - Xo̱jo̱n eén Néná

⁴² ta̱nga ta̱ ngo tsí ni xi ꞌniú ndasen ngase, kó na̱ Riyaa̱ jè jaꞌájin ni xi ndaa̱, kó jmíjín xi kjo̱a̱ꞌáxiín kui nii̱.

Rkaa̱ 10:42 ပူးပေါင်းရင်းမြစ်များ

Xo̱jo̱n Salmoo̱ 119:111

Án tsa̱ꞌa̱n kjo̱a̱bokoyáa̱, ¡kuí boá xi kjo̱a̱tsjaa̱ ini̱ma̱na! Jè katsjáa̱ko̱n an nga sa̱ꞌinkjatjosón an ngatsjéni̱xtjin, ngaskande nga kju̱i̱e̱tꞌani.

Xo̱jo̱n Salmoo̱ 119:173

Ja̱bíꞌi̱n, kó te̱ꞌéní ndse̱, ngatꞌa̱ jè katsjáa̱ko̱n án nga ji xi kuintꞌieꞌeén.

Xo̱jo̱n Salmoo̱ 119:30

Ji Ne, ngata̱ boeꞌéndièjín ji nga ndajín kotíjña̱ an ngindyi̱ko̱n xotaa̱, ngatꞌa̱ kjo̱a̱botíxomàa̱ boá xi kjimaꞌniáko̱n an, kó jè katsjáa̱ko̱n an nga sa̱ꞌinkjatjosón an.

Xo̱jo̱n Salmoo̱ 142:5

Ji Ne, jí boá xi ꞌniú tsꞌénmíꞌaá ko̱jo bi̱ tꞌíxiaán: «¡Jí boá xi tichínní! ¡Kꞌi̱e̱ kui nga̱sondiee̱ jí boá ngayeje ni xi tjínna!»

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 27:4

Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 73:25

¡ꞌYá xí tikónna ki̱a̱ nkꞌajmii̱, ja̱ ta̱ jí tsí! Kó tsi ki̱a̱ tikóntꞌaa̱ ji, jmí nii̱ kui nga̱sondiee̱ mejénjínna.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Markoo̱ 8:36

Ngatꞌa̱ mí chjínií tsi ngo nda̱ ku̱i̱e̱je̱e̱n ngayeje ni xi tjín kuí nga̱sondiee̱, tsi kichajá ini̱ma̱a̱.

Rkaa̱ 10:39

Na̱ Martaa̱ kisꞌiee̱ ngo ndichja xi ꞌmí na̱ Riya̱, kui xi kisꞌijñatꞌaa̱ se Kjisoo̱, tsi̱ꞌe̱ nga tsintꞌieé ni xi katsó.

Rkaa̱ 11:1

Kó ngo ndi̱yà nga tikón Kjisoo̱ ngo ngi̱ndie nga tsꞌénchji̱a̱a̱ Néná, ngije kamaá, ngo xota̱ tsi̱ꞌe̱ bi̱ katsoó: –Ji Ndi̱a̱, takoyèjne̱ kótsꞌèn ko̱ndókjo̱a̱jne̱ Néná, xikótsꞌèn Juaa̱ akóyaá xota̱ tsi̱ꞌe̱.

Rkaa̱ 12:20

Ta̱nga Néná, bi̱ katsoó: “Nda̱ chi̱ni, a yejín nga kui ni̱xtji̱e̱e̱n ko̱yè jí, kó ni xi je kachjeꞌétjé ji, ꞌyá xí tsi̱ꞌe̱ ka̱ma.”

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 16:2

Kó kui nda̱ cho̱o̱n tsíchji̱a̱a̱, kó bi̱ katsoó: “Míkjo̱a̱a̱ nga bi̱ kjiꞌi ni xi tsꞌéntꞌie an kjo̱a̱a̱ ji. Ti̱ꞌinkꞌasꞌinní xki̱ kjo̱a̱a̱ ngayeje ni, ko̱jo to̱n xi tjínna, ngatꞌa̱ jè ngiti̱ ka̱májín nga moso̱na ka̱ma ngase ji.”

Rkaa̱ 16:25

Ta̱nga Abraa̱n, bi̱ katsoó: “Ji ndí, ngatjaꞌátsjiee̱n nga kjiꞌanga kixindyin ji nga̱sondie achichí ni katseꞌeé, kó Laá achichí ni xi ndajín xi katseꞌeé kui, ta̱nga ngotꞌe̱ ꞌne̱ Laá achichí tjíniꞌándajoo̱n kꞌi̱e̱e̱, kó ji achichí tsie kjo̱a̱ni̱ma̱ tibitjatí.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 8:18

Tsitsíjenjnúu̱ kótsꞌèn ndaꞌyájnú, ngatꞌa̱ xi ntꞌié ni xi bokoyá an, tsie ngase ko̱e̱ꞌeé nga ka̱makjiín, ta̱nga xi ntꞌiéjín, chja̱ꞌáxiín ngaskande ni chií xi tsꞌénkjó nga makjiín.

Juaa̱ 11:1

Sꞌe̱ ngo nda̱ xi oo̱n xi ꞌmí Laá kisꞌijña ki̱a̱a̱, nda̱ xi chji̱a̱ni Betania̱, ndí nangií na̱ Riyaa̱, ko̱jo ndichja xi ꞌmí na̱ Martaa̱.

Juaa̱ 11:19

Kó achichí má xota̱ jundío̱ xi jachókoón na̱ Martaa̱, ko̱jo na̱ Riyaa̱, tsi̱ꞌe̱ nga katsꞌéndajoo̱n kjo̱a̱a̱ nga kꞌien ntsꞌi̱e̱.

Juaa̱ 12:3

kósꞌe̱ na̱ Riyaa̱ iskjíbé masien litro̱ ndásíje̱n soboá xi chjií, xi naxó narndo̱ kamándani, sꞌe̱ katsangijon se Kjisoo̱, kó tsja̱to̱ko̱ kui naa̱ katsꞌénxíjónni, sꞌe̱ ngayeje ndiꞌaa̱ kamásije̱n.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

1 Xota̱ Korinto̱ 13:3

Tsi sa̱ꞌinkjaꞌasóo̱n xota̱ ni̱ma̱a̱ ngayeje ni xi tjínna, kó tsi sa̱ꞌinkꞌasꞌien an yojona tsi̱ꞌe̱ nga ku̱i̱ti̱ an, ngandaa̱ xota̱ xi ngasee̱, ta̱nga tsi jmíjínna kjo̱a̱tjó, ta̱ kjo̱a̱ndaní ni xi tjítsꞌen an.

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Ndeuteronomio̱ 30:19

»Ndiꞌakꞌajmii̱ ko̱jo tꞌanangii̱ xí chistiko̱ nga ngotꞌe̱ tsꞌéntsjándièjnúꞌun nga chje̱ꞌéjinjnú ni xi mejénjnú, a kjo̱a̱mindyioo̱n, axa̱ kjo̱a̱bo̱yaa̱, a kjo̱a̱niꞌánchikonñeé, axa̱ ni xi ndajiín. An bi̱ xiánjnúꞌun nga jún, ko̱jo ndíjnú ta̱sá kjo̱a̱mindyioo̱n xi chje̱ꞌéjinjnú,