Rkaa̱ 10:21 - Xo̱jo̱n eén Néná

²¹ Ti̱ kuii̱ chi̱bo̱a̱ A̱si̱énni̱xtjii̱n Néná achichí tsjatsꞌèn íjñá ini̱ma̱a̱ Kjisoo̱, kó bi̱ katsó: –An tjítsꞌèntsjaà Na̱ꞌmi, ji xi Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkón ko̱jo xi makjiín, kó akakèe̱ jákjíndií. Jo̱o̱n, Na̱ꞌmi, ngatꞌa̱ bo̱a̱ tsꞌén kamátsjaá jí.

Rkaa̱ 10:21 ပူးပေါင်းရင်းမြစ်များ

Xo̱jo̱n Salmoo̱ 24:1

Néná boá xi tsi̱ꞌe̱ tꞌanangii̱, ko̱jo ngayeje ni xi tjiín, ko̱jo ti̱ kuí tsi̱ꞌe̱ nga̱sondiee̱ ko̱jo ngayeje xota̱ xi ki̱a̱ síndoo̱.

Xo̱jo̱n Salmoo̱ 25:14

Ni xi tjiꞌmaá Néná, kuí boá xota̱ xi bendikón kuí, kó kuí boá xi ko̱ko̱ó kjo̱a̱ꞌbíndaa̱.

Xo̱jo̱n Salmoo̱ 8:2

Kjo̱a̱a̱ xikótsꞌèn tsꞌéntsjaà jákjíndií ko̱jo ndíndaa̱, kuí boá kui nii̱ xi niꞌínkjìn jí nga ꞌbíchjée̱ kondra̱ tse̱, ¡tsi̱ꞌe̱ nga ko̱ókjo tsꞌoa kui, ko̱jo kui xi mongase nga sa̱ꞌíngojoo̱!

Matioo̱ 16:17

Kó Kjisoo̱, bi̱ katsó: –Achichíra̱tsjaa̱ ji Ximo̱, ndií Jonaa̱, ngatꞌa̱ jmí tsi jín ko̱jo tsi yojo xi katsóyaà kui nii̱, Na̱ꞌmina xi tikón ndiꞌakꞌajmii̱ boá xi katsóyaà.

Matioo̱ 21:16

Sꞌe̱ kui jaá, bi̱ katsoó Kjisoo̱: –A ndaꞌyé ji ni xi ndyi̱tsó kui jákjíndií. Sꞌe̱ Kjisoo̱, bi̱ katsó: –Jo̱o̱n, ntꞌié an. Ta̱nga, kó a kji̱e̱ niꞌányàjínjnú ni xi tsó xo̱jo̱o̱n: Tsꞌoa jákjíndií ko̱jo ndínda xi sꞌe̱ ndyi̱boki chikii̱, katsꞌéndaya cha̱n cha̱n Néná só xi ndaa̱ kui.

Matioo̱ 3:7

Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó: ¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Markoo̱ 10:15

Ja̱koxi̱ ni xi xiánjnúꞌun, nga xi kꞌo̱sꞌienjín nínga botixómá Néná xikoó ngo nda̱chí, ka̱májín kꞌo̱sꞌien.

Rkaa̱ 15:5

Kó ngije sa̱ko̱ó, ngaskande tsjá má ka̱maa̱ nga nga̱són tjiaa̱ ku̱i̱ꞌíjñasón,

Rkaa̱ 15:9

Kó ngije sa̱ko̱ó, ku̱i̱ꞌítikó xota̱ xi nda yaꞌa ko̱jo xota̱ tꞌa ndiꞌaa̱, kó bi̱ ka̱tso̱o̱: “Tsja ngatamajnú, ngatꞌa̱ jè kasakona to̱n xi kichajána.”

Juaa̱ 11:41

Sꞌe̱ kachjeꞌéxín ndi̱jo̱ xi kjiꞌixtio nga̱ntjo̱a̱a̱ nga̱tsjo̱ó. Kó Kjisoo̱ askotsijen ndiꞌakꞌajmi jàn, nga bi̱ katsó: –Na̱ꞌmi, ndokꞌóchjì tsjàa̱ ji ngatꞌa̱ kandaꞌyéní.

2 Xota̱ Korinto̱ 4:3

Ta̱nga tsi ta̱kó tikónꞌmá ngase éntjatsi̱e̱e̱ Néná xi ndyi̱ꞌbíni̱jmìjne̱, tikónꞌmá kuí eén, ta̱nga ngi̱jii̱n xota̱ xi kichajaá nga tikónꞌmá.

Xota̱ Éfeso̱ 1:11

Xikó tsꞌén índa tjón tjón Néná, bo̱a̱ tsꞌén katsꞌénkjién Kristoo̱ tsi̱ꞌe̱ nga ko̱jo ji̱n jaꞌájinjne̱ nga katsjájne̱ ni xi tsja̱á ndií, ngatꞌa̱ Néná tsꞌénkjátjosón ngayeje ni xi mejeén nga sa̱ꞌín kuí.

Xota̱ Éfeso̱ 1:5

Ta̱ngatꞌanii̱ nga tjoó ñá Néná, kuíni nga índa ndeskande koó ngasꞌe̱, tsi̱ꞌe̱ nga Jesukristoo̱ sa̱ꞌínkjién nga ndií sa̱ꞌínná ñá, xikótsꞌèn kamámejeén, kó tsja kamaá kui.