Rkaa̱ 10:20 - Xo̱jo̱n eén Néná

²⁰ Ta̱nga nga tsjajín májnú kjo̱a̱a̱ nga a̱si̱énni̱xtjii̱n xindajín ku̱i̱ntꞌiéꞌénjnú, ta̱sá tsja ngatamajnú kjo̱a̱a̱ nga jaꞌénjnú je kjitꞌa ndiꞌakꞌajmi jàn.

Rkaa̱ 10:20 ပူးပေါင်းရင်းမြစ်များ

Xo̱jo̱n Salmoo̱ 69:28

¡Ti̱ꞌinkjie ji jaꞌeén ki̱a̱ xo̱jo̱o̱n kjo̱a̱mindyioo̱n! ¡Kó ngata̱ ki̱a̱jín nijan ꞌbítꞌe ji jaꞌeén ko̱jo xota̱ xi kixi̱i̱!

Éksondo̱ 32:32

ꞌNiú míꞌaá ngotꞌe̱ nga si̱ꞌinjetakíi̱n jeé. Ta̱nga tsi si̱ꞌinjetakinjíi̱n, ¡ta̱sá ti̱ꞌinkꞌinní an nga!

Matioo̱ 10:1

Kó Kjisoo̱ ngije tsíchji̱a̱a̱ nga tiejó xota̱ tsi̱ꞌe̱, katsjaá xá tsi̱ꞌe̱ nga ka̱maa̱ kꞌo̱xié a̱siénni̱xtjin xi ndajín, ko̱jo tsi̱ꞌe̱ nga ka̱maa̱ sa̱ꞌíndaya ngayeje to̱ko̱ya chiꞌin.

Matioo̱ 26:24

Ja̱koxi̱ nga ndií nda̱ xi̱ꞌii̱n chjiéngá bo̱a̱ ka̱maa̱ xikótsꞌèn kjitꞌa xo̱jo̱n eén Néná, ta̱nga ¡ni̱ma̱ xò kuí nda̱ xi ta̱ngatꞌanii̱ kui nga si̱ꞌankꞌasꞌien! Ta̱sara̱ ndatsi ta̱ bo̱a̱a̱ katsenjín.

Matioo̱ 27:5

Kó Jundaa̱ atítsojo to̱ntiboaa̱ ki̱a̱ na̱ngo̱xi̱i̱, jataxie, sꞌe̱ kijí, kó katsꞌénxíndo yojoo̱.

Xota̱ Filipo̱ 4:3

Kó ji ꞌniú míꞌaá, ji xi ꞌniátakoón nga nijan ndyi̱niꞌánxá, tsi̱ꞌe̱ nga ko̱si̱ke̱je ji kui ínchjiín, kui xi nijan katsꞌénxájo̱na nga ini̱jmi án éntjatsi̱e̱e̱ Néná, ko̱jo Klementee̱ ko̱jo xota̱ xi ngase xi nijan katsꞌénxájo̱na. Kui xi je kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.

Xota̱ Ebreo̱ 12:23

Ki̱a̱ jáchójnú nínga kamátikó xota̱ xi tjón kamá ndií Néná kui xi je kjitꞌa jaꞌeén ki̱a̱ ndiꞌakꞌajmii̱. Tsangínchon tiñajnú kui Ne xi tsáyà tsi nda ko̱jo tsi ndajín tsꞌén ngayeje xotaa̱, ki̱a̱ nínga síndo a̱si̱énni̱xtjii̱n xota̱ xi ndaa̱, kui xi Néná katsꞌén xi chjiéngá ka̱ma.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Ni xi akakoo̱ 17:8

Kui cho̱ chꞌokjiꞌi xi je kamáyè ji, kuí boá xi kisꞌijña ngasꞌe̱, ta̱nga jè ngiti̱ jmíjín ngotꞌe̱, ta̱nga ki̱a̱ kjo̱tjoni ti̱xa̱na̱nga̱a̱ tꞌanangii̱ nga kji̱ndi̱bá ngindiee̱ nga xcha̱ja, kó xotaa̱ kui nga̱sondiee̱, kui xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ndeskande koó nga ítjatsꞌennii̱ kui nga̱sondiee̱, achichí ko̱e̱je̱ndikoón nga sku̱i̱e̱ kui cho̱ chꞌokjiꞌi xi kisꞌijñaa̱, kui xi ngiti̱ jmíjín ngotꞌe̱, ta̱nga kji̱ndi̱bá nginí.

Ni xi akakoo̱ 20:12

Kó kamábe an ngayeje xota̱ xi jesón xi xchá xí kjindí nga ndyi̱a̱kixi̱ kje̱n nínga tikón xi botixómaá, kó katjoxꞌá kjín chꞌo̱ xo̱jo̱o̱n ko̱jo ingo xo̱jo̱n, kui xi xo̱jo̱o̱n kjo̱a̱mindyioo̱n, kó xota̱ xi je jesoón akatíjeé ta̱ xikó kjiꞌi ni xi katsꞌén ko̱jo xikó kjiꞌi ni xi kjitꞌa kui xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.

Ni xi akakoo̱ 20:15

Kó kui xota̱ xi kjitꞌajín jaꞌeén ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ti̱ ki̱a̱ ikichijmijin ndáchíkón ndiꞌí xí ta̱nisién ꞌniú jee̱.

Ni xi akakoo̱ 21:27

Kó jmíjín kótsꞌèn nga kꞌo̱sꞌien ni xi ndajín, ti̱nde ka̱májín kꞌo̱sꞌien xota̱ xi ndyi̱tsꞌèn ni xi ta̱nisién ꞌniú chꞌokjiꞌi ko̱jo tsi kjo̱a̱ndiso, ta̱kuítsí xi kꞌo̱sꞌien kui xi kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n kui xi tikoón cho̱tsa̱nga̱a̱.

Ni xi akakoo̱ 3:5

Kui xi sa̱ꞌiín, ńjño tiboa ko̱a̱ja̱, kó sa̱ꞌinkjiéjín an jaꞌeén nga kjitꞌa ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n, ta̱sá xiyà an nga be án kuí, ngindyi̱ko̱n Na̱ꞌmina ko̱jo ngindyi̱ko̱n ndítsjiee̱.