Rkaa̱ 1:6 - Xo̱jo̱n eén Néná

⁶ Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Rkaa̱ 1:6 ပူးပေါင်းရင်းမြစ်များ

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Jenesii̱s 7:1

Kósꞌe̱ Néná bi̱ katsoó Noee̱: «Ngi̱jii̱n ngayeje xota̱ xi tjín kuí ni̱xtjin xi̱ꞌbi̱, jè kamábe an nga ta̱ jí tsí xi nda ji xota̱, kuíni nga ti̱tjásꞌi̱e̱njnú ngi̱ya kui tjotso xi ta̱nisién ꞌniú jee̱, ji ko̱jo xota̱ ndiꞌàa̱.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 1:8

—Kótsꞌèn niꞌínkjé jí kjo̱a̱a̱ Joo̱b, nda̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín.

Joo̱b 9:2

«¡Jè be nda nda an nga bo̱a̱ kjiꞌi kui eén! Kó ti̱ jè be an nga ngindyi̱ko̱n Néná jmíjín xi kixi̱ kꞌo̱xié yojoo̱,

Xo̱jo̱n Salmoo̱ 119:6

Tsi sa̱ꞌinkjatjosón an, jmí kjo̱a̱soboá kꞌuiéjínna.

Rkaa̱ 1:7

Ta̱nga jmí ndí kisꞌiejiín, ngatꞌa̱ nga ndi̱ kamá na̱ Sabee̱, kó nga joó nga je ꞌniú xchá.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Rkaa̱ 2:25

Kó ki̱a̱ na̱xi̱ńdáꞌniú Jerusale̱n kisꞌijña ngo nda̱ xi ꞌmí Simeoo̱n xi tikónjii̱n A̱si̱énni̱xtjii̱n Néná, ngo nda̱ xi kixi̱ ko̱jo xi ni̱ma̱takón kamá, xi tsꞌénkoyaa̱ nga Néná kꞌo̱xiéꞌá xota̱ Israee̱l,

Ni xi kamá 2:25

Ngatꞌa̱ nda̱ re Ndabii̱, bi̱ katsó kjo̱a̱a̱ kui: Ngatsjéni̱xtjin kamábe an nga kje̱n án tikón Ndi̱a̱a̱, ngatꞌa̱ kuí xí tikóntꞌa ndsa̱ fojní án tsi̱ꞌe̱ nga jmíjín xi sa̱ꞌíntíyána.

Ni xi kamá 23:1

Kó Pabloo̱ askotsijen ndá ndaá ngayeje jáxaá, kósꞌe̱ bi̱ katsoó: –Jún já ntsꞌie, ngaskande ngotꞌe̱ nda tsꞌén tikón kjo̱a̱kjíntakónna, kó tsjatsꞌèn tikòn an ngindyi̱ko̱n Néná.

Ni xi kamá 24:16

Kó kuíni nga ta̱ ngatsjéni̱xtjin nga nda tikón kjo̱a̱kjíntakónna, nga chꞌójín tjítsꞌen an ngindyi̱ko̱n Néná ko̱jo ngindyi̱ko̱n xotaa̱.

Ni xi kamá 8:21

Jmí ni yejín ji kjo̱a̱a̱ ni xi kjima kꞌi̱e̱e̱, ngatꞌa̱ kixi̱jín tikón ini̱màa̱ ngindyi̱ko̱n Néná.

Xota̱ Roma̱ 8:4

Kuíni nga tsi tindyión xikótsꞌèn mejeén A̱si̱énni̱xtjii̱n, kó tsi ngiti̱ bo̱a̱jín tsꞌén tindyión xikótsꞌèn síndo xotaa̱ kui nga̱sondie, ka̱máná si̱ꞌankjatjosóo̱n kjo̱a̱kixi̱ xi míꞌá kjo̱a̱kitii̱ Néná.

1 Xota̱ Korinto̱ 11:2

Tsjatsꞌèn chjiá an kjo̱a̱a̱ jún, já ntsꞌie, ngatꞌa̱ ngatsjéni̱xtjin foaꞌátsjienjnú án, kó ndyi̱niꞌánjnú ngayeje nii̱ xikótsꞌèn akoyájnúꞌun, kuí nii̱ xi katseꞌéna, kó ti̱ bo̱a̱ ti̱ tsꞌén katsꞌenkꞌasꞌienjnúꞌun nga.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

Ndeuteronomio̱ 5:33

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Xota̱ Filipo̱ 2:15

Tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ndií Néná xi tsjie ka̱majnú jún ngi̱jii̱n kui xota̱ chꞌokon, ko̱jo xota̱ xi ndajín xi tjín ngotꞌe̱. Ngi̱jii̱n kui xotaa̱, jún xikónií ngo ńño ꞌna̱a̱ nga̱sondiee̱ kjimajnú,

Xota̱ Kolosa̱ 1:22

ta̱nga ngotꞌe̱ ꞌne̱, Néná boá xi katsꞌén nga kjoéꞌe̱chon nginíjnúu̱, ta̱ngatꞌanii̱ nga Kristoo̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga ka̱ma ku̱i̱ndyiajnú ngindyi̱ko̱n Néná, xikoó xota̱ xi tsjie, xi jmíjiín ni xi ndándí, ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌin.

1 Xota̱ Tesalónika̱ 3:13

Néná nga tsja ngaꞌniuú ini̱ma̱jnú, kó kjiꞌanga kjo̱e̱ꞌe nginí Ndi̱a̱ná Jesukristoo̱ nga kjo̱e̱ꞌéjo̱ xota̱ na̱xi̱ńdá tsjiee̱, nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ꞌniú tsjie ku̱i̱ndyionjnú ngindyi̱ko̱n Néná xí Na̱ꞌminá.

2 Xo̱jo̱o̱n Peé 3:14

Kuíni nga jún ndí ntsꞌie xi tjóna, tji̱e̱nga ndyi̱chiyájnúu̱ nga kjo̱e̱ꞌe Ndi̱a̱ná, ti̱ꞌánjnú ngo kjo̱a̱ꞌniú tsi̱ꞌe̱ nga kꞌuiéjnú kjo̱a̱xió ngindyi̱ko̱n Néná, ko̱jo nga jmí kjo̱a̱ndándí kꞌuiéjínjnú ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú.

1 Xo̱jo̱o̱n Juaa̱ 2:29

Tsi je yàjnú nga kixi̱ Jesukristoo̱, ja̱ ti̱ chjiéngá xcha̱jnú nga ngayeje xota̱ xi ndyi̱tsꞌèn ni xi kixi̱i̱, kuí boá xi je ndií Néná.

1 Xo̱jo̱o̱n Juaa̱ 2:3

Tsi ndyi̱niꞌánkjatjosón kjo̱a̱botíxomaa̱ Néná, kuí nii̱ xi bokó nga je yà Néná.

1 Xo̱jo̱o̱n Juaa̱ 3:7

Jún bo̱a̱ ndí ndí tsa̱ꞌa̱n, ngata̱ ngojín xi ꞌboṉcha̱jojnú, ngatꞌa̱ xota̱ xi ndyi̱tsꞌèn ni xi kixi̱i̱, kixi̱ tjimá, xikótsꞌèn kixi̱ Jesukristoo̱.