Ni xi akakoo̱ 7:9 - Xo̱jo̱n eén Néná

⁹ Ngije kamá kui nii̱, askotsijen an kó kamábe an achichí ꞌniú kjín xota̱ xi ngaskande nde ta̱ꞌyajín xi kamaá íxki̱, xota̱ xi chji̱a̱ni ngayeje na̱xi̱ńdá, ko̱jo ngayeje xtín xota̱, ko̱jo ngayeje to̱ko̱ya én, ko̱jo ngayeje nangi, ndyi̱a̱kixi̱ kui xotaa̱ kje̱n nínga tikón xi botixómaá, ko̱jo kje̱n cho̱tsa̱nga̱a̱, nga ndyi̱yajá ńjño tiboa, kó xka̱jèn ndyi̱yaꞌa ngi̱ya tsja.

Ni xi akakoo̱ 7:9 ပူးပေါင်းရင်းမြစ်များ

Jenesii̱s 13:16

Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xo̱jo̱n Salmoo̱ 2:8

¡Chji̱e̱ꞌéní, kó an tsjaa nga tse̱ ka̱ma ngayeje na̱xi̱ńdaá, ko̱jo nga ti̱ tse̱ ka̱ma ngaskande nínga fetꞌanii̱ nga̱sondiee̱!

Xo̱jo̱n Salmoo̱ 22:27

Ngayeje xota̱ xí tjín nga̱sondiee̱ kjo̱a̱ꞌátsjiee̱n Néná, kó kui ko̱e̱je̱kon nginií, kó ngayeje xtín xota̱ xi tjín na̱xi̱ńdaá, sa̱ꞌíndikoón nga ko̱siéntikoó.

Xo̱jo̱n Salmoo̱ 76:4

Ji Ne, jí boá xi tjiín kjo̱a̱je ko̱jo ngaꞌniú, ¡ta̱bo̱a̱jiín na̱xi̱ xi tjíndo ngatsjéni̱xtjii̱n.

Xo̱jo̱n Salmoo̱ 77:2

Kjiꞌanga tsie kjo̱a̱ni̱ma̱ jaꞌatio an, tsangase an Ndi̱a̱ná, kó Kuí iskjininkꞌa ndsa̱ án, nga ni̱xtji̱e̱e̱n, kó nde katsꞌénkjaꞌyájín, ndatsi ini̱ma̱na tsangase kjo̱a̱niꞌándajoo̱n.

Xo̱jo̱n Salmoo̱ 98:3

Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón kjo̱a̱a̱ xota̱ na̱xi̱ńdá Israee̱l. ¡Ngaskande ngi̱ndie nínga ꞌniú kjin xi tjín tꞌanangii̱ xi je kamábe nga Néná boá xi ꞌboxiéꞌáná!

Rkaa̱ 12:1

Tji̱e̱nga achichí kjín mi̱ xota̱ kamátikótꞌaa̱ Kjisoo̱ xi ngaskande katsjánié má xkjín, Kjisoo̱ ítsꞌi̱yanii̱ nga tjón bi̱ katsoó xota̱ tsi̱ꞌe̱: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ngatꞌa̱ kuí nii̱ xi kjo̱a̱jókje̱e̱n.

Rkaa̱ 21:36

Ti̱ndyionda síkijíjnú, kó ndókjo̱a̱jnúu̱ Néná, tsi̱ꞌe̱ nga kjo̱tjoꞌajnú yojojnú kjo̱a̱a̱ ngayeje ni xi sꞌe̱ ka̱maa̱, ko̱jo tsi̱ꞌe̱ nga ki̱a̱ kjóchójnú ngindyi̱ko̱n ndií nda̱ xi̱ꞌii̱n.

Juaa̱ 12:13

kó iskjíbé tjiaa̱ xka̱jèn, sꞌe̱ jataxie nga kijíkjaꞌáyíndi̱yà Kjisoo̱, kó bi̱ katsó nga askjandáyà: –¡Néná ngatꞌaxiéꞌáná! ¡Ngatamachikonñé xi ndibání ngajoo̱ Ndi̱a̱ná, nda̱ Ree̱ Israee̱l!

Xota̱ Roma̱ 11:25

Jún ntsꞌie, mejénna nga xcha̱jnú ngo ni xi tjiꞌmá, tsi̱ꞌe̱ nga nkꞌa nga jejín ko̱ꞌna̱xiéjnú ti̱ juún yojojnú: Nga kjín xota̱ xi chji̱a̱ni Israee̱l xi je kamákitikjo̱a̱, ngaskande nga sa̱ko̱ó ngi̱ndie ngindyi̱ko̱n Néná ngayeje xota̱ xi jundío̱jín xi chjiéngá kjo̱tjoꞌa.

Xota̱ Éfeso̱ 6:13

Kuíni nga, tꞌíndajnú yojojnú xikoó jájún xi Néná je katsjaá ngayeje ni, tsi̱ꞌe̱ nga skoón yojoo̱, tsi̱ꞌe̱ nga kjo̱chíkjo̱a̱jnú nga kjo̱chó ni̱xtjin xindajiín. Kó ngije tjíndajnú yojojnú ꞌniú ti̱ndyiónjnú.

Xota̱ Ebreo̱ 11:12

Kó bo̱a̱ tsꞌén nga Abraa̱n, ndatsi je ngiti̱ jmí ngaꞌniújiín, kisꞌiee̱ kjín xota̱ tji̱e̱, xikó maá ńño xi tjín ndiꞌakꞌajmi jàn, ko̱jo xikó maá tsomí xí tjín tꞌa ndáchíkoón, kui xi nde májín ꞌbíxki̱i̱.

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Ni xi akakoo̱ 11:15

Kó xi ma yito ndítsjiee̱ katsꞌénkjanie, sꞌe̱ ꞌniú kandaꞌyá kjín nda̱ ki̱a̱ ndiꞌakꞌajmii̱ xi bi̱ katsó: Ngayeje nga̱sondiee̱ je Ndi̱a̱ná ko̱jo Kristoo̱ ko̱tíxomaa̱, kó kuí xí ko̱tíxoma ngatsjéni̱xtjii̱n.

Ni xi akakoo̱ 22:3

Kó nginijánjín kꞌuié ki̱a̱a̱ ngo xi chꞌo ka̱tso̱o̱ Néná. Kó Néná xí botixómaá ko̱jo cho̱tsa̱nga̱a̱ ki̱a̱ kꞌuijñá na̱xi̱ńdaá, kó mosoo̱ ki̱a̱ sa̱ꞌínseén,

Ni xi akakoo̱ 3:18

Kuíni nga bo̱a̱ tꞌíxiaán nga an tsꞌi̱tsiéní to̱nsinié xi je kiniꞌánchoo̱n ngi̱jin ndiꞌií, tsi̱ꞌe̱ nga ja̱koxi̱ nga cho̱n ka̱ma ji, kó an tsꞌi̱tsiéní ńjño tiboa xi xchi̱e̱je, kó kjoꞌmá kjo̱a̱soboáa̱ nga titsjaxtí, ko̱jo ndiki kolirio̱ tindyiée̱ ndyikin tsi̱ꞌe̱ nga ka̱matsijeen.

Ni xi akakoo̱ 4:4

Kó nga ngo foaꞌatjiyajoo̱n kui xi botixómaá kamábe an ngi kan nijón ngi̱ndie nínga botíxoma, nínga síndosón kan nijón xota̱ xi xchá, xi ndyi̱yajá ńjño tiboa, kó ngo korona̱ to̱nsinié síndoꞌá to̱ko̱,

Ni xi akakoo̱ 5:11

Sꞌe̱ askotsijen an, kó tsintꞌièe̱ nda̱a̱ kjín ndítsjie xi síndo nga ngo foaꞌatjiyajoo̱n kui xi botixómaá, ko̱jo xi síndoo̱, ko̱jo xota̱ xi xchaá, achichí kjín miyo̱n kamá,

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,

Ni xi akakoo̱ 6:11

Kó katseꞌeé ńjño tiboa, kó bo̱a̱ kiꞌmií nga sa̱ꞌínkjaꞌyá ngi chiboa ni̱xtjin, ngaskande nga ka̱mando̱jo xi kótjín moso̱, ko̱jo ntsꞌie xi ta̱ngatꞌanii̱ xaá Néná nga si̱ꞌankꞌien xikoó kui xotaa̱.

Ni xi akakoo̱ 7:8

ko̱jo tiejó mi̱ tji̱e̱e̱ xota̱ xi chji̱a̱ni Sabuloo̱n, ko̱jo tiejó mi̱ tji̱e̱e̱ xota̱ xi chji̱a̱ni Kosiee̱, ko̱jo tiejó mi̱ tji̱e̱e̱ xota̱ xi chji̱a̱ni Benjaa̱.