Ni xi akakoo̱ 7:2 - Xo̱jo̱n eén Néná

² Ti̱ kamábe an ingo ndítsjie xi kjindibáni xtji̱e̱e̱n nínga fotjo tsꞌueé, xi tikoón chi̱bo̱a̱a̱ seyoo̱ kui Néná xí tikoón, kó kui ndítsjiee̱ ꞌniú askjandáyà nga tsíchji̱a̱a̱ xi ngi nijón ndítsjie xi je katseꞌeé ngaꞌniú, tsi̱ꞌe̱ nga sa̱ꞌínꞌoón tꞌanangii̱ ko̱jo ndáchíkoón, kó bi̱ katsoó:

Ni xi akakoo̱ 7:2 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 8:6

¡Tꞌíjñijìnní ngi̱jin ini̱ma̱a̱ xikoó tsi ngo chi̱bo̱a̱, xikoó ngo chi̱bo̱a̱ xi kjitꞌa tjiàa̱! ¡Ngatꞌa̱ xikótsꞌèn ꞌniú kjo̱a̱tjoó, ti̱ bo̱a̱ ti̱ tsꞌén ꞌniú kjo̱a̱bo̱yaa̱ nga! Kó kjo̱a̱chi̱ni̱i̱ ti̱ bo̱a̱ ti̱ tsꞌén ꞌbondíyaá xikoó nga̱tsjo̱ó, kó ndiꞌií kjo̱a̱tjoó, kuí boá ngo ndiꞌí xí íjñá Néná.

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 26:63

Ta̱nga Kjisoo̱ jmí ni katsójín. Kósꞌe̱ chináꞌmi xi ꞌniú nkꞌa xaá, bi̱ katsoó: –Ngiboanéná xi tikoón, nga tꞌíyéjne̱ tsi ji xi Kristoo̱, ndií Néná.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

2 Xota̱ Korinto̱ 1:22

Kuí Néná xi je katsꞌénkaꞌaná chi̱bo̱a̱ nga íjñajin ngi̱jin ini̱ma̱ná A̱si̱énni̱xtjii̱n, xikoó ngo ni xi tikónngí tsi̱ꞌe̱ nga xcha̱ nga sa̱ꞌínkjatjosón ni xi jaskan tsja̱aná.

Xota̱ Éfeso̱ 1:13

Kó ko̱jo jún kandaꞌyájnú, kó kisꞌijinjnú éntjatsi̱e̱ ja̱koxi̱i̱ Jesukristoo̱, kui éntjatsi̱e̱ xi tsꞌaxiéꞌájnú, kó nga kisꞌijinjnú Kristoo̱, A̱si̱énni̱xtjii̱n Néná íjñájnú ngo chi̱bo̱a̱ nga je Néná ndokjo̱a̱nijnú, xikótsꞌèn katsóyàtjón kuí.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

Ndeuteronomio̱ 5:26

Ngayeje xota̱ xi be nga májín ndaꞌyaá nda̱a̱ Néná, xikótsꞌèn je kandaꞌyáa̱ ñá, kó to̱kó tindyión nga̱sondie.

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Ni xi akakoo̱ 1:3

Achichíra̱tsjaa̱ xi tsꞌènyà, ko̱jo xi ntꞌié nga tjíniꞌányá kui én xi tsáyà ni xi sꞌe̱ ka̱maa̱, ko̱jo xi tsꞌénkjátjosón én xí Néná tsáyà, xi kjitꞌa kui xo̱jo̱o̱n, ngatꞌa̱ jè kjimatiña ni̱xtjii̱n.

Ni xi akakoo̱ 10:1

Kó kamábe an ingo ndítsjie xi tjiín ngaꞌniú, xi tsꞌéndibájèn ndiꞌakꞌajmii̱ nga tikónjin ngo ṉdi̱, kó ngo ndi̱ꞌya̱ tikoón nga̱són to̱ko̱, kó kje̱n ꞌna̱ kamá xikó maá tsꞌueé, kó ti̱ꞌmi̱í ja̱ kon yásé xi tjítí má kón,

Ni xi akakoo̱ 10:4

Kó ngije kandaꞌyá nda̱a̱ kui cho̱ꞌo̱o̱n, je kuitꞌa an xo̱jo̱n katsaki, ta̱nga ngo nda̱ tsintꞌie an xi chji̱a̱ni ndiꞌakꞌajmi jàn, xi bi̱ katsóna: –Chje̱ꞌétjéꞌma ji ni xi katsó nga yito cho̱ꞌo̱o̱n, kó ngata̱ ꞌbítꞌejín ji xo̱jo̱n.

Ni xi akakoo̱ 16:12

Kó ndítsjie xi ma juu̱n iskjitjónsón ndejèꞌ xi ꞌmí Éufratee̱ ni xi ndyi̱a̱ chi̱tse̱én, kó ndáfoaa̱ kui ndejeèꞌ kixí, tsi̱ꞌe̱ nga ka̱ma kjo̱a̱ꞌa kui já ree̱ xi ndibání xtji̱e̱e̱n nínga fotjo tsꞌueé.

Ni xi akakoo̱ 5:2

Kó kamábe an ngo ndítsjie xi tjiín ngaꞌniú xi ꞌniú askjandáyà nga bi̱ katsó nga asíyá: –ꞌYání xi ka̱makon nga skjíndókjáyá kui chꞌo̱ xo̱jo̱o̱n ko̱jo nga ka̱maa̱ skjíndiyá kui seyo̱ xi tjíꞌniúní.

Ni xi akakoo̱ 8:3

Kó kjindibá ingo ndítsjie, xi kasasientꞌa ṉchandikoón xi yaꞌa ngo ni xi ꞌbítíyá nisije̱n xi to̱nsinié, kó achichí nisije̱n xi tí katseꞌeé, tsi̱ꞌe̱ nga ki̱a̱ sa̱ngínjii̱n kjo̱a̱ndokjo̱a̱a̱ Néná xí tsi̱ꞌe̱ ngayeje xota̱ tsjiee̱, ki̱a̱ nga̱soón ṉchandikón xí to̱nsinié xi tikón kje̱n nínga tikón xi botixómaá.

Ni xi akakoo̱ 9:14

kó bi̱ katsoó xi ma jun ndítsjie xi tikoón tjioo̱: –Chjándé ji nga nijón ndítsjie xi síndotaꞌniú tꞌa ndejèꞌ je xi ꞌmí Éufratee̱.

Ni xi akakoo̱ 9:4

Kó akatíxomaa̱ tsi̱ꞌe̱ nga sa̱ꞌínꞌonjiín ngayeje xka̱ xi tjín tꞌanangii̱, ti̱nde jmí ni sa̱ꞌínjiín ngayeje ni xi sa̱si̱e̱ ko̱jo yá, ta̱kuítsí xota̱ xi ndyi̱yaꞌajín xtjien chi̱bo̱a̱a̱ seyoo̱ Néná.