Ni xi akakoo̱ 5:9 - Xo̱jo̱n eén Néná

⁹ Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,

Ni xi akakoo̱ 5:9 ပူးပေါင်းရင်းမြစ်များ

Xo̱jo̱n Salmoo̱ 144:9

Ji Ne, ngo só tja̱tsi̱e̱ siee, siee só, nga kjo̱ni̱e̱ arpaa̱.

Xo̱jo̱n Salmoo̱ 149:1

¡Ndàjnúu̱ Néná só xi tja̱tsi̱e̱! ¡ꞌNiú ngandaꞌyaá nga si̱ꞌantsjaa̱, ki̱a̱ ngi̱jii̱n xota̱ na̱xi̱ńdá tsjiee̱!

Xo̱jo̱n Salmoo̱ 33:3

Ndàjnúu̱ só tja̱tsi̱e̱ xi kji̱e̱ jmíni̱xtjin ndaꞌyá, Nda ti̱ꞌánjnú kui nii̱, kó tsja ngatamajnú nga si̱ꞌankjaniéjnú kui soó.

Xo̱jo̱n Salmoo̱ 40:3

Kósꞌe̱ ngo só tja̱tsi̱e̱ íjñá ngi̱ya ndso̱ꞌba án, ngo só xi nda nga niꞌántsjaá Néná. Achichí má xota̱ xi sku̱i̱e̱ kui nii̱, kó sku̱i̱e̱ndikón, kó kamáꞌniátakón Néná.

Xo̱jo̱n Salmoo̱ 96:1

¡Ndàjnúu̱ Néná ngo só tja̱tsi̱e̱! ¡Ndàjnúu̱ Néná ngayeje kui nga̱sondiee̱!

Xo̱jo̱n Salmoo̱ 98:1

¡Ndàjnúu̱ Néná ngo só tja̱tsi̱e̱! ¡Ngatꞌa̱ kuí boá xi achichí ni xi fíndikónná xi je katsꞌén! Tjia xi tsjiee̱ ko̱jo xi tjiín ngaꞌniú katsꞌénkjién nga katsꞌeén kondraa̱.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 26:28

ngatꞌa̱ kuí xi̱ꞌbi̱ xi jínna, nínga tjíꞌbínda ngo kjo̱a̱tja̱tsi̱e̱ tsi̱ꞌe̱ Néná ko̱jo jún. Jín xí xtjoón ta̱ngatꞌanií kjo̱a̱ndaa̱ kjín xota̱, tsi̱ꞌe̱ nga si̱ꞌanjetakoón jeé.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

1 Xota̱ Korinto̱ 6:20

Ngatꞌa̱ Néná je tsꞌatsiejnú nga katsjá ngo chjí, kó kuíni nga ti̱ꞌankjiénjnú yojojnú tsi̱ꞌe̱ nga ko̱e̱ꞌéjnúu̱ kjo̱a̱je Néná.

1 Xota̱ Korinto̱ 7:23

Ngatꞌa̱ tsie kamáchjí nga kitsꞌítsiejnú, kó ngata̱ boeꞌéndièjínjnú nga moso̱ xi kastiñá tsi̱ꞌe̱ xotaa̱ sa̱ꞌínjnú.

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Xota̱ Éfeso̱ 5:19

nga ko̱ndókjo̱a̱jojnú xingi̱jnú ti̱ꞌankjiénjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n, kó ndaàjnú, ko̱jo ti̱ꞌantsjàjnúu̱ Ndi̱a̱ná ngayejee̱ ini̱ma̱jnú.

Xota̱ Kolosa̱ 1:14

kui xi íchjítjéná, tsi̱ꞌe̱ nga jatjoꞌa ñá, ko̱jo nga kiniꞌánjetakoón jéná.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 11:14

Ngatꞌa̱ xota̱ xi bo̱a̱ tsoó, tsáyà cha̱n cha̱n nga ta̱kó ndyi̱mongase ngo na̱xi̱ńdá xí ku̱i̱chji̱a̱ni.

2 Xo̱jo̱o̱n Peé 2:1

Ngi̱jii̱n xota̱ jundíoo̱ kisꞌie já chji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

Ni xi akakoo̱ 10:11

Kó bi̱ katsóna: –Chjiéngá kꞌuiyé nginíi̱ ingo ndi̱yà xotaa̱ kjo̱a̱a̱ ni xi ka̱tso̱yaa̱ ji Néná, ni xi sa̱ꞌínjo̱ ta̱jñà nanginí, ko̱jo ta̱jñà ngi̱ndiení, ko̱jo ta̱jñà énní, ko̱jo já ree̱.

Ni xi akakoo̱ 11:9

Kó xota̱ xi chji̱a̱ni kjín nangi, kjín xtín xota̱, ko̱jo én, ko̱jo na̱xi̱ńdá xi ján ni̱xtjin masien sku̱i̱e̱ yojo kꞌiee̱n, kó tsja̱ndièjín nga kjónijín.

Ni xi akakoo̱ 13:7

Kó katseꞌéndieè tsi̱ꞌe̱ nga skjánjo̱ xota̱ na̱xi̱ńdá tsjiee̱ Néná, ngaskande nga sa̱ꞌiín. Ti̱ katseꞌeé xá kjo̱a̱a̱ ngayeje xtín xota̱, nangi xi tjín, ta̱jñà én xi tjín ko̱jo na̱xi̱ńdá xi tjín.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Ni xi akakoo̱ 14:6

Kó kamábe an ingo ndítsjie xi tsoꞌbátji̱e̱n ngamasiee̱n ndiꞌakꞌajmii̱, kó ngo éntjatsi̱e̱ xi májiín fe tsꞌényaꞌa, tsi̱ꞌe̱ nga ku̱i̱ꞌíni̱jmi̱ì ngayeje xota̱ xi síndo tꞌanangii̱, ko̱jo na̱xi̱ńdá, ko̱jo xtín xota̱, ko̱jo én, ko̱jo xota̱ na̱xi̱ńdá,

Ni xi akakoo̱ 15:3

Kó kisie soó Moisee̱, mosoo̱ Néná, ko̱jo soó cho̱tsa̱nga̱a̱. Bi̱ tsó kui soó: Achichí je ko̱jo fíndikónná ngayeje ni xi kiniꞌínde, jí boá xí Ndi̱a̱ná, kui xi Néná xí tjiín ngaꞌniuú, kixi̱ ko̱jo ja̱koxi̱ boá ndi̱yàa̱, jí boá xí Ree̱ ngayeje xota̱ na̱xi̱ńdá tsjiee̱.

Ni xi akakoo̱ 17:15

Kó kui ndítsjiee̱, ti̱ bi̱ ti̱ katsóna nga: –Ndejèꞌ xi kamáyè ji, nínga tikónsón kui na̱ masiee̱n, kuí boá xi nangi, ko̱jo xi xota̱, ko̱jo xi én, ko̱jo xi na̱xi̱ńdá.

Ni xi akakoo̱ 4:11

Ndi̱a̱ xi tsa̱ji̱n, jí xí sa̱ko̱ó nga chjábé jí ngayeje kjo̱a̱je, kjo̱a̱yandikón ko̱jo ngaꞌniú, ngatꞌa̱ jí xi kiniꞌínde ji ngayeje nii̱, ngatꞌa̱ ta̱ngatꞌanií nga ji xi bo̱a̱ tsꞌén mejeén nga tjínní kui nii̱, ko̱jo nga kamánda.

Ni xi akakoo̱ 5:12

kó ꞌniú tsíchji̱a̱ nga bi̱ katsó: ¡Kui cho̱tsa̱nga̱ xi je kiniꞌánkꞌieén, kuí boá xi tsoboaá nga si̱ꞌankꞌasꞌiee̱n ngaꞌniú nga ko̱tíxoma, ko̱jo kjo̱a̱cho̱n, ko̱jo kjo̱a̱kjínkón, ko̱jo ngaꞌniú, ko̱jo kjo̱a̱yandikón, ko̱jo kjo̱a̱je, ko̱jo kjo̱a̱niꞌántsjà!

Ni xi akakoo̱ 5:6

Kósꞌe̱, ngamasiee̱n nínga tikón xi botixómaá, ko̱jo nga nijón kui xi síndoo̱, ko̱jo ngamasiee̱n xota̱ xi xchaá, kamábe an ngo cho̱tsa̱nga̱ xi sikónkixi̱, xikoó tsi je kiniꞌánkꞌién, kó yito ndi̱ja̱, ko̱jo yito ndyi̱ko̱n kisꞌiee̱, kó kuí boá xi nga yito A̱si̱énni̱xtjii̱n Néná xí kanangiya ngayeje tꞌanangii̱.