Ni xi akakoo̱ 4:1 - Xo̱jo̱n eén Néná

¹ Ngije kamá kui nii̱, askotsijen an kó kamábe an ngo nga̱ntjo̱a̱ xi tji̱e̱nti̱xa̱ ki̱a̱ ndiꞌakꞌajmii̱, kó kui nda̱ xi tjón tsintꞌie an, kui xi xikó maá ngo tjio, bi̱ katsóna: –Ndibénijíngí ji kꞌi̱e̱e̱, kó an kokòo̱ ni xi jaskan ka̱ma.

Ni xi akakoo̱ 4:1 ပူးပေါင်းရင်းမြစ်များ

Éksondo̱ 1:1

Kjiꞌanga jachó Jakoo̱b na̱xi̱ńdá Ejipto̱, jachójo̱ ngayeje kui ndií xi̱ꞌbi̱: Rubee̱n, Simeoo̱n, Lebii̱, Jundáa̱, Isakaa̱r, Sabuloo̱n, Benjaa̱, Ndaa̱n, Neftalii̱, Ngaa̱nd ko̱jo Asee̱r. Ngayejee̱ nga jachójo̱ xota̱ ndiꞌaa̱, kó ichítié ko̱jo kan kamá ngayejee̱. Kosiee̱ ja̱bo̱a̱ jè ki̱a̱ tikón nangi Ejipto̱.

Éksondo̱ 19:24

Kó Néná bi̱ katsoó: —Ti̱tjaje̱n ji kui na̱xi̱i̱, kó ndibénijíngí nginí ji, kó ndibéje̱ ji Aaroo̱n nga. Ta̱nga ta̱ꞌyajín xi ka̱ma kji̱ndi̱bá ngase kꞌi̱e̱e̱, nde chináꞌmii̱ ka̱májín kji̱ndi̱bá, tsi bo̱a̱ sa̱ꞌín, ko̱yà ki.

Éksondo̱ 24:12

Jaskan Néná bi̱ katsoó Moisee̱: «Ndibénijíngí ji na̱xi̱i̱, kó ki̱a̱ chiyéní, ngatꞌa̱ ki̱a̱ sa̱ꞌinkꞌasꞌiee̱n ndi̱jo̱ tie nínga kjitꞌa kjo̱a̱kitii̱ ko̱jo kjo̱a̱botíxoma xi katsꞌenꞌindó an tsi̱ꞌe̱ nga ko̱ko̱yée̱ xota̱ Israee̱l».

Énkjínkón 25:7

Ngatꞌa̱ nda ngase kjiꞌi nga bi̱ kꞌuiín: kꞌi̱e̱ ndibékindyin ji kꞌi̱e̱e̱. Kó nga jmí kjo̱a̱soboá boeꞌéjiín ngindyikón xota̱ xi yandikoón. Tsi ngo ni kamáyè ji,

Matioo̱ 3:16

Kó ngije kastindá Kjisoo̱, jataxie ngi̱jin ndáfoaa̱, kó katjoxꞌá ndiꞌakꞌajmi jàn, kó kamábe nga jatjajen A̱si̱énni̱xtjii̱n Néná nga ja̱kjiꞌi tójo má kjiꞌi, kó kjindibánié Kjisoo̱.

Markoo̱ 1:10

Kó nga tsꞌénfotaxiejin ngi̱jin ndáfoaa̱, Kjisoo̱ kamábe nga katjoxꞌá ndiꞌakꞌajmi jàn, kó nga A̱si̱énni̱xtjii̱n Néná ja̱kjiꞌi tójo má kjiꞌi nga kjindibánié.

Rkaa̱ 3:21

Kó ni̱xtjin nga ngayeje xota̱ na̱xi̱ńdaá jachókatíndá yojoo̱, ti̱ jachó Kjisoo̱ nga, kó ti̱ kastindá, kó nga tsꞌénchji̱a̱a̱ Néná, katjoxꞌá ndiꞌakꞌajmi jàn,

Juaa̱ 16:13

ta̱nga nga kji̱ndi̱bá A̱si̱énni̱xtjii̱n Néná xí ja̱koxi̱i̱, kuí xí ko̱kójnú ni xi ja̱koxi̱, ngatꞌa̱ jmí tsi kui xi ku̱i̱chji̱a̱ soboá, ni xi ku̱i̱ntꞌiè xí ku̱i̱chji̱a̱, kó kuí xí ka̱tso̱yà ni xi sꞌe̱ ka̱ma.

Ni xi kamá 10:11

Kamábe nga katjoxꞌá ndiꞌakꞌajmi jàn, kó tsꞌéndibájèn tꞌanangii̱ ngo ni xi ja̱kjiꞌi ńjñotjibé je kjiꞌi, xi xikoó tsi tjín xí ndyi̱tsofóꞌniú nga nijón nijon,

Ni xi kamá 7:56

kó bi̱ katsó Ixtibaa̱: –¡Tsitsíjenjnú! Tsꞌénbé an nga tji̱e̱nti̱xa̱ ndiꞌakꞌajmi jàn, kó tsꞌénbe an nga ndií nda̱ xi̱ꞌii̱n tsja fojnií Néná tikón.

Ni xi akakoo̱ 1:10

Ngo ndi̱yà nga ni̱xtjin nga niꞌándikón Ndi̱a̱ná, A̱si̱énni̱xtjii̱n Néná kisꞌijñajo̱na, kó nga̱xto̱n án tsintꞌie an ngo nda̱ xi ꞌniú tsíchji̱a̱ xikó maá ngo tjio,

Ni xi akakoo̱ 1:12

Katsꞌenkꞌafóya an tsi̱ꞌe̱ nga skuie an ꞌyá kuií bo̱a̱ nda̱ xi tsꞌénchji̱a̱jona, kó bo̱a̱ tsꞌén kamábe an yito ni xi ꞌbítíyá ndiꞌí xí tsꞌentsíjee̱n xi to̱nsinié kamándani,

Ni xi akakoo̱ 1:19

Ti̱ꞌinꞌindé ji ni xi je kamáyè ji: Ni xi tikón ngotꞌe̱, ko̱jo ni xi kꞌuié jaskan.

Ni xi akakoo̱ 11:12

Kó nga jó chistikoo̱ tsintꞌié ngo nda̱ xi ꞌniú kandaꞌyáni xi kjindibáni ndiꞌakꞌajmi jàn, xi bi̱ katsoó: –¡Ndibánijíngíjnú kꞌi̱e̱e̱! Kó ngo ṉdi̱ kisꞌijñasón nga kijínijíngí ndiꞌakꞌajmii̱, kó kondraa̱ kamábe.

Ni xi akakoo̱ 11:19

Kó katjoxꞌá na̱ngo̱xi̱i̱ Néná xí tikón ndiꞌakꞌajmii̱, kó ki̱a̱ na̱ngo̱xi̱i̱ kamáyà kui koxa̱ xi índajo̱ni Néná ko̱jo xota̱ xi tsi̱ꞌe̱, kó jaꞌatꞌe, kandaꞌyá nda̱, kandaꞌyá cho̱ꞌo̱n, kjindibá ngo kjo̱a̱ndikón xí ꞌniú, kó ixó ndókoá.

Ni xi akakoo̱ 16:17

Kó ndítsjie xi ma yitoo̱ iskjitjón ngi̱jinꞌa̱sie̱èn ni xi ndyi̱a̱ chi̱tse̱én, kó ndeskande nínga tikón na̱ngo̱xi̱ ndikoón Néná xí botixómaá jatjoni ngo nda̱ xi ꞌniú tsíchji̱a̱, xi bi̱ katsó: –¡Jè kamá!

Ni xi akakoo̱ 19:11

Kó kamábe an nga tji̱e̱nti̱xa̱ ndiꞌakꞌajmii̱, kó ngo ndi̱je̱ tiboa tikón ki̱a̱a̱, kó kui nda̱ xi tikónsoón kuí xí ꞌmí xi ꞌNiátakón ko̱jo xi Ja̱koxi̱i̱, ngatꞌa̱ nga kixi̱ atíxoma nga askjantjé.

Ni xi akakoo̱ 22:6

Kó kui ndítsjiee̱, bi̱ katsóna: –Kui eén, én xí ꞌniátakón, ko̱jo én xí ja̱koxi̱ boá, kó Ndi̱a̱ná kui Néná, kui xi a̱si̱énni̱xtjii̱n já chji̱ni̱e̱ꞌe̱én, kuí boá xi katsangiya ndítsjiee̱ tsi̱ꞌe̱ nga ko̱ko̱ó mosoo̱ ni xi je tsá ka̱ma.