Ni xi akakoo̱ 3:8 - Xo̱jo̱n eén Néná

⁸ An jè be an ngayeje ni xi niꞌín ji, tsitsíjin ji, ngindyikin je íjñá an ngo nga̱ntjo̱a̱ xi tji̱e̱nti̱xa̱, xi ta̱ꞌyajín xi maa̱ ꞌbíchjá, kó ndatsi chiboa tsí ngaꞌniú tjiín ji, kiniꞌín ji xki̱ énna, kó tiniꞌínkie ji yojòo̱ nga yení.

Ni xi akakoo̱ 3:8 ပူးပေါင်းရင်းမြစ်များ

1 Xota̱ Korinto̱ 16:9

ngatꞌa̱ ki̱a̱ tjisákóndiéna nga ka̱ma sa̱ꞌinxá an, ndatsi kjín má xota̱ xi kondra̱na síndo xi sasiénjiín ni xi tjítsꞌen an.

Xota̱ Kolosa̱ 4:3

Ndókjo̱a̱tjéjnú ji̱n, tsi̱ꞌe̱ nga Ndi̱a̱ná tsja̱ndièjne̱ nga kꞌuiyájne̱ eén, kó kꞌuiníjmi̱jne̱ ni xi kisꞌijña ꞌma ngasꞌe̱, kó je tjibóko ngotꞌe̱ ngatꞌaa̱ Kristoo̱, ngatꞌa̱ ta̱ngatꞌanii̱ kui nii̱ nga ndo̱bo̱a̱yà tikòn an.

Ni xi akakoo̱ 3:7

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Filandelfiaa̱: “Kui nii̱ xi tsó kui xi tsjie ko̱jo xi ja̱koxi̱i̱, kui xi tikoón yibii̱ nda̱ re Ndabii̱, kui xi kjiꞌanga tjín xi kjíxꞌá, ta̱ꞌyajín xi ka̱maa̱ ku̱i̱ꞌíchjá, kó kjiꞌanga tjín xi ꞌbíchjá, ta̱ꞌyajín xi ka̱maa̱ skjíxꞌá:

2 Xota̱ Korinto̱ 2:12

Kjiꞌanga jachó an na̱xi̱ńdáꞌniú Troa̱ nga ini̱jmi án éntjatsi̱e̱e̱ Kristoo̱, kasakona ngi̱ndie nga sa̱ꞌin an xaá Ndi̱a̱ná kuí nangii̱.

Ni xi kamá 14:27

Kó ngije jachó na̱xi̱ńdáꞌniú Antiokiya̱, ítikó xota̱ na̱ngo̱xi̱i̱, kó íni̱jmi̱ì ngayeje ni xi katsꞌén Néná ngi̱ya tsja kui jaá, ko̱jo nga Néná boá xi katsꞌén nga xota̱ xi jundío̱jiín je sꞌi̱jii̱n Kjisoo̱ nga.

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Rkaa̱ 12:9

Ta̱nga xi ka̱tso̱yà ngindyi̱ko̱n xotaa̱ nga bejínna, ti̱ bo̱a̱ ti̱ tsꞌén xiyà an nga bejín an kui ngindyi̱ko̱n ndítsjiee̱ Néná.

Ni xi akakoo̱ 2:13

Jè be an nga ki̱a̱ tindyin ji nínga tikón ngi̱ndie nínga botixómá xindajín Satanaa̱, ta̱nga ta̱kó ꞌniú tiꞌmitji̱ngi ji jaꞌénna, kó jmíni̱xtjin nga sꞌijinjínna kase ji kjo̱a̱a̱ nga sꞌijii̱n an, ti̱nde bo̱a̱jín kase ni̱xtjin nga Antipaa̱, kui nda̱ xi chistiko̱ xi ꞌniátakón an kiniꞌánkꞌién ngi̱jinjnú, ki̱a̱ na̱xi̱ńdáꞌniú nínga tikón xindajín Satanaa̱.

Juaa̱ 17:6

Jè akòo̱ xotaa̱ ꞌyání jí, kui xota̱ xi katseꞌéní xí tjín nga̱sondiee̱, tse̱ kamá, kó an katseꞌéní, kó jè ndyi̱tsꞌènkjátjosón ée̱n.

Ni xi akakoo̱ 3:15

Jè be an ngayeje ni xi niꞌín ji, nga ti̱nde nchꞌànjín ji, ti̱nde sibéjín ji. ¡Achichíra̱ ndakjiꞌi tsi nchꞌàn jí ko̱jo tsi sibé ji katsaki!

Ni xi akakoo̱ 22:7

–¡Je tsá ndibá an! ¡Achichíra̱tsjaa̱ kui xi sa̱ꞌínseén kui én xí Néná tsáyà xi kjitꞌa kui xo̱jo̱o̱n!

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.

1 Timoo̱ 5:8

Ngatꞌa̱ kui xota̱ xi ndasénjiín xkjín, ngase má xota̱ xi síndojo̱ ngi̱ya ndiꞌaa̱, jè íjñátꞌaxín kjo̱a̱sꞌijii̱n, kó kuí, ndajín ngase ta̱bo̱a̱jiín xota̱ xi sꞌijinjiín Néná.

2 Timoo̱ 4:7

Je askjantjé an nga ichjáa̱ xota̱ xi kondra̱ kijínii̱ eén Néná. Jè jachó an nínga fetꞌaa̱ ndi̱yàná. Ngatsjéni̱xtjin nga kisꞌijinna Néná.

Ni xi akakoo̱ 3:1

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Sarndii̱: “Kuí nii̱ xi tsó kui xi tikoón nga yito A̱si̱énni̱xtjii̱n Néná, ko̱jo xi tikoón nga yito ńñoo: An jè be an ngayeje ni xi niꞌín ji, kó jè be an nga tikoón jaꞌén nga tindyin ji, ta̱nga jè kꞌien ji.

Ni xi akakoo̱ 2:2

Jè be yeje an ngayeje ni xi niꞌín ji, be án xá ꞌniú xí niꞌín, ko̱jo nga tjiín kjo̱a̱chiyákón, kó be án nga niꞌínchíkjo̱e̱jíi̱n xota̱ xi ndajiín, kó ti̱ be án nga kachjatꞌeyékín ji kui xi apostro̱ tsoó yojoo̱, kó kuijín bo̱a̱, kó jè kasakoseé nga xota̱ xi ndiso boá,

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.

Juaa̱ 15:20

Ngatjaꞌátsjienjnú én xi je kixianjnúꞌun: “Mosoo̱ nkꞌajín ngase xaá ta̱bo̱a̱jiín ndi̱a̱a̱.” Tsi je ikiyotji̱ngina, ti̱ ku̱i̱yotjíngíjnú jún nga, tsi ndyi̱niꞌánkjatjosónjnú énna, ja̱ ti̱ si̱ꞌankjatjosón énjnú nga.

Énkjínkón 30:9

Ngatꞌa̱ tsita̱ ngije tsie ni tjínna, ngiti̱ skuiéjaán jí, kósꞌe̱ bi̱ xián án: “ꞌYání bo̱a̱ xi Néná”. Ko̱jo tsi ni̱ma̱ ka̱ma an, sꞌe̱ ta̱sá sa̱ꞌinchejé án, kósꞌe̱ ngaskande ji chꞌo xiaán ngijee̱.