Ni xi akakoo̱ 3:1 - Xo̱jo̱n eén Néná

¹ Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Sarndii̱: “Kuí nii̱ xi tsó kui xi tikoón nga yito A̱si̱énni̱xtjii̱n Néná, ko̱jo xi tikoón nga yito ńñoo: An jè be an ngayeje ni xi niꞌín ji, kó jè be an nga tikoón jaꞌén nga tindyin ji, ta̱nga jè kꞌien ji.

Ni xi akakoo̱ 3:1 ပူးပေါင်းရင်းမြစ်များ

Rkaa̱ 15:24

ngatꞌa̱ kui ndína xi̱ꞌbi̱ kꞌien katsaki, kó jaꞌáꞌyaá, kichajá katsaki, kó je kasakona.” Kó ítsꞌi̱yanii̱ nga katsꞌén sꞌué.

Rkaa̱ 15:32

Ta̱nga chjiéngá katsꞌen an kui sꞌueé, tsi̱ꞌe̱ nga tsja kamána, ngatꞌa̱ ntsꞌie, jè kꞌien katsaki, ta̱nga ngotꞌe̱ ꞌne̱ jè jaꞌáꞌyaá, kichajá katsaki, ta̱nga ngotꞌe̱ ꞌne̱ jè kasakona.”

Juaa̱ 1:16

Ngatꞌa̱ kjo̱a̱nda tsiee̱ Néná jatjoni ngayeje ni xi katsjáná. Katsjáná ngo kjo̱a̱nda sꞌe̱ katsjá nginíná ingo kjo̱a̱ndaa̱,

Juaa̱ 1:33

Kó nde bejín an ꞌyání kui, ta̱nga kui xi katsangiyana nga ndáfoa tsꞌénbotindá án, bi̱ katsóna: “Kui xi xchi̱e̱ ji nga kjo̱tjajennié A̱si̱énni̱xtjii̱n kó nga ki̱a̱ kꞌuijñájíi̱n, kuí xi̱ꞌba̱ xi A̱si̱énni̱xtjii̱n Néná xí ko̱tíndání.”

Juaa̱ 20:22

Kó ngije bo̱a̱ katsó, askjonomójón xotaa̱, kó bi̱ katsoó: –Chjábéjnú A̱si̱énni̱xtjii̱n Néná.

Juaa̱ 3:34

Ngatꞌa̱ kui xi katsangiya Néná, eén Néná xí chji̱a̱, ngatꞌa̱ Néná tsjaá ngayeje ngaꞌniuú.

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Xota̱ Éfeso̱ 2:1

Néná katsjájnú kjo̱a̱mindyion kjiꞌanga jún, xota̱ xi je jesón kamájnú ta̱ngatꞌanii̱ kjo̱a̱a̱ ni xi ndajín xi kiniꞌánjnú, ko̱jo kjo̱a̱a̱ jéjnú,

Xota̱ Éfeso̱ 2:5

kó ndatsi je akayà ngi̱jii̱n jéná, nijan katsjáná kjo̱a̱mindyion ko̱jo Kristoo̱. Ta̱ngatꞌaa̱ kjo̱a̱ndaa̱ Néná nga jún je ta̱ jatjoꞌa kjo̱a̱nda tsíjnú.

Xota̱ Kolosa̱ 2:13

Ngindiee̱ nga sa̱kójnú kui sirkunsisioo̱n, xota̱ xi je jesón kamájnú ngindyi̱ko̱n Néná, ta̱ngatꞌanii̱ jé xí kiniꞌánjnú. Ta̱nga Néná nijan katsjá nginíjnú kjo̱a̱mindyion jún, ngatꞌa̱ kiniꞌángojo̱jnú yojojnú Kristoo̱, kó bo̱a̱ tsꞌén Néná katsꞌénjetakón ngayeje jéná.

1 Timoo̱ 5:6

Ta̱nga kui xota̱chjo̱on kꞌán xi je kꞌien xi̱ꞌii̱n xi tsꞌenkꞌásꞌieén yojoo̱ kjo̱a̱tsjaa̱ nga̱sondiee̱, jè kꞌien tikón xi̱ꞌba̱.

Xo̱jo̱o̱n Sandiyaá 2:26

Ngatꞌa̱ xikótsꞌèn yojoo̱ tsi jmíjiín a̱siénni̱xtjin, yojo kꞌien boá, ti̱ bo̱a̱ ti̱ tsꞌén kjo̱a̱sꞌijii̱n, ni xi je kꞌien boá tsi jmíjiín ni xi niꞌaán.

1 Xo̱jo̱o̱n Peé 1:11

Kamámejeén kamábe ꞌyá xota̱ ko̱jo mí ni̱xtjin xi íjñá tsijen A̱si̱énni̱xtjii̱n Kristoo̱ xi tikónjii̱n kui já chji̱ni̱e̱ꞌe̱én, kui A̱si̱énni̱xtjii̱n xi katsóyà nga tsie kjo̱a̱ni̱ma̱ kjo̱a̱ꞌatio Kristoo̱, ko̱jo kui kjo̱a̱je xi jaskan kji̱ndi̱baá.

Xo̱jo̱o̱n Jundaa̱ 1:12

Kui jaá, kuí boá xi tsꞌénndándí ni xi niꞌánjnú kjiꞌanga matikójnú nga niꞌánkjaꞌátsjienjnú kjo̱a̱tjó xi Néná katsjájnú, ngatꞌa̱ tsja maa̱ nga kjinie ko̱jo nga ꞌbi, kó ndasénjiín ni xi ndyi̱niꞌánjnú. Kui jaá xikónií xota̱ ngito̱ko̱ xi ta̱ ni xi nda maá kuí tsí xi ndyi̱mongase. Ko̱jo xikónií ṉdi̱ xi jmí stséjiín, xi ja̱kꞌi̱e̱ ja̱ngaján fíjo̱ tjo̱o̱. Ko̱jo xikónií yá xí jmí to tsjájín nga fochó ni̱xtjii̱n, kuí boá xi je kaꞌnaxiénijínni ndeskande ja̱ma̱a̱, jè ta̱nisién ꞌniú jè jesón.

Ni xi akakoo̱ 1:11

xi bi̱ katsóna: –Ngo xo̱jo̱n tꞌítꞌe ji kui ni xi tiye ji, kó nangíyée̱ nga yito na̱ngo̱xi̱ xi chji̱a̱ni nangi Asia̱: Kui xi Éfesoo̱, Esmirnaa̱, Pérngamoo̱, Tiatiraa̱, Sarndii̱, Filandelfiaa̱ ko̱jo Laondiseaa̱.

Ni xi akakoo̱ 1:16

ngi̱ya tsja kixi̱ tsꞌényaꞌa yito ńño, kó ngi̱ya tsꞌoa jatjo ngo ki̱cha̱ xi yojó nga jó ngoboaá, kó kje̱n bo̱a̱ má kjiꞌi xikó maá nga ꞌniú tíngá ndoboaá.

Ni xi akakoo̱ 1:20

Kuí bí ni xi tjiꞌmaá nga yito ńño xi je kamáyè ji ngi̱ya ndsa̱ an, ko̱jo nga yito ni xi ꞌbítíyá ndiꞌí xí tsꞌentsíjee̱n xi to̱nsinié xi je kamáyè: nga yito ńñoo kuí boá xi ndítsjiee̱ nga yito na̱ngo̱xi̱i̱, kó nga yito ni xi ꞌbítíyá ndiꞌí xí tsꞌentsíjee̱n kuí boá xi yito na̱ngo̱xi̱i̱.

Ni xi akakoo̱ 1:4

Juaa̱ tsꞌentínde nga yito na̱ngo̱xi̱ xi chji̱a̱ni nangi Asia̱: Chjábéjnú kjo̱a̱nda ko̱jo kjo̱a̱xió xi katsangiyajnú kui xi je kuii̱, kui xi kui kamaá, ko̱jo kui xi sꞌe̱ ndibaá, ko̱jo xi katsangiyajnú nga yito a̱siénni̱xtjin xi síndo kje̱n nínga tikón Néná xí botixómaá,

Ni xi akakoo̱ 2:13

Jè be an nga ki̱a̱ tindyin ji nínga tikón ngi̱ndie nínga botixómá xindajín Satanaa̱, ta̱nga ta̱kó ꞌniú tiꞌmitji̱ngi ji jaꞌénna, kó jmíni̱xtjin nga sꞌijinjínna kase ji kjo̱a̱a̱ nga sꞌijii̱n an, ti̱nde bo̱a̱jín kase ni̱xtjin nga Antipaa̱, kui nda̱ xi chistiko̱ xi ꞌniátakón an kiniꞌánkꞌién ngi̱jinjnú, ki̱a̱ na̱xi̱ńdáꞌniú nínga tikón xindajín Satanaa̱.

Ni xi akakoo̱ 2:19

An, jè be an ngayeje ni xi tiniꞌín ji, be án kjo̱a̱tjóo̱, kjo̱a̱sꞌijìi̱n, xáa̱, ko̱jo kjo̱a̱chiyákóo̱n, kó be án nga ngotꞌe̱ tsie ngase ni xi tiniꞌín ji ta̱bo̱a̱jiín nga ikꞌítjatsꞌée̱n.

Ni xi akakoo̱ 2:2

Jè be yeje an ngayeje ni xi niꞌín ji, be án xá ꞌniú xí niꞌín, ko̱jo nga tjiín kjo̱a̱chiyákón, kó be án nga niꞌínchíkjo̱e̱jíi̱n xota̱ xi ndajiín, kó ti̱ be án nga kachjatꞌeyékín ji kui xi apostro̱ tsoó yojoo̱, kó kuijín bo̱a̱, kó jè kasakoseé nga xota̱ xi ndiso boá,

Ni xi akakoo̱ 2:9

Be án kjo̱a̱ni̱ma̱ xi tibitjatí ji, ko̱jo kjo̱a̱ni̱ma̱ xi tindyinjin ji, ndatsi nga ja̱koxi̱ cho̱n ji, kó ti̱ be án kótsꞌèn chꞌo chji̱a̱ kjo̱a̱a̱ ji kui xi xota̱ jundío̱ tsoó yojoo̱, ta̱nga xota̱ jundío̱jín bo̱a̱, ta̱sá kuí boá xi xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱.

Ni xi akakoo̱ 3:15

Jè be an ngayeje ni xi niꞌín ji, nga ti̱nde nchꞌànjín ji, ti̱nde sibéjín ji. ¡Achichíra̱ ndakjiꞌi tsi nchꞌàn jí ko̱jo tsi sibé ji katsaki!

Ni xi akakoo̱ 3:2

Ti̱ꞌinkjeꞌée̱ yojòo̱, kó te̱ꞌée̱ ngaꞌniú ni xi je mején tjichájaá, ngatꞌa̱ jè kamábe an nga ndajínkjiꞌi ni xi niꞌín ji ngindyi̱ko̱n Néná,

Ni xi akakoo̱ 3:8

An jè be an ngayeje ni xi niꞌín ji, tsitsíjin ji, ngindyikin je íjñá an ngo nga̱ntjo̱a̱ xi tji̱e̱nti̱xa̱, xi ta̱ꞌyajín xi maa̱ ꞌbíchjá, kó ndatsi chiboa tsí ngaꞌniú tjiín ji, kiniꞌín ji xki̱ énna, kó tiniꞌínkie ji yojòo̱ nga yení.

Ni xi akakoo̱ 4:5

kó nínga tikón kui xi botixómaá jatjoni nda̱, ko̱jo cho̱ꞌo̱n, ko̱jo jaꞌatꞌe, kó kje̱n kui xi botixómaá tjítí yito ndiꞌíxò, kó kuí boá xi nga yito A̱si̱énni̱xtjii̱n Néná.

Ni xi akakoo̱ 5:6

Kósꞌe̱, ngamasiee̱n nínga tikón xi botixómaá, ko̱jo nga nijón kui xi síndoo̱, ko̱jo ngamasiee̱n xota̱ xi xchaá, kamábe an ngo cho̱tsa̱nga̱ xi sikónkixi̱, xikoó tsi je kiniꞌánkꞌién, kó yito ndi̱ja̱, ko̱jo yito ndyi̱ko̱n kisꞌiee̱, kó kuí boá xi nga yito A̱si̱énni̱xtjii̱n Néná xí kanangiya ngayeje tꞌanangii̱.