Ni xi akakoo̱ 22:2 - Xo̱jo̱n eén Néná

² Ngamasiee̱n ndi̱yàtié xi jee̱ kui na̱xi̱ńdaá, ko̱jo nga̱ndee̱ kui ndejeèꞌ, kamáxchá ngo yaá kjo̱a̱mindyioo̱n, kui xi xki̱ sá tsjá to, tiejó ndi̱yà nga ngo nó, kó xka̱a̱ kui yaá, kuí boá xi tsꞌendáyà chiꞌii̱n xota̱ na̱xi̱ńdá xí tjín nga̱sondiee̱.

Ni xi akakoo̱ 22:2 ပူးပေါင်းရင်းမြစ်များ

Jenesii̱s 2:9

Sꞌe̱ jaskan Néná katsꞌéntjó tꞌanangii̱ ngayeje to̱ko̱ya yá, achichí tsjákón kamá kui yaá, kó tsajaá to xi nda chinie. Ngamasiee̱n kui ngi̱ndiee̱ kisꞌijña ngo yá xí tsjá kjo̱a̱mindyion, ko̱jo ngo yá xí tsjá kjo̱a̱kjíntakón kjo̱a̱a̱ ni xi ndaa̱ ko̱jo ni xi ndajiín.

Xo̱jo̱n Salmoo̱ 147:3

Néná katsꞌéndaya nínga oo̱n xota̱ xi je ngiti̱ jmí kjo̱a̱chiyá kisꞌiejiín.

Énkjínkón 3:18

¡Kjo̱a̱kjínkoón kuí boá xi xikoó tsi ngo yá xí tsjaá kjo̱a̱mindyion xota̱ xi kui foníkjá, kó achichíra̱tsjaa̱ xota̱ xi kui yaá kjiꞌiꞌniuú.

Rkaa̱ 4:18

A̱si̱énni̱xtjii̱n Ndi̱a̱a̱ tikónjinna, ngatꞌa̱ jè katsjáxána, tsi̱ꞌe̱ nga an xi kꞌuini̱jmìi̱ éntjatsi̱e̱e̱ ngayeje xota̱ ni̱ma̱, katsangiyana nga sa̱ꞌindaya an xota̱ xi oo̱n ini̱ma̱a̱, ko̱jo nga xiyàa̱ nga je kꞌuitsómandé xota̱ xi ndyi̱a̱ꞌya ndo̱bo̱a̱yà ko̱jo nga tsjàa̱ nga ka̱matsijee̱n xota̱ xi ti̱ka̱, ko̱jo nga kꞌuindondé án xota̱ xi ndajín tjíniꞌánjo̱,

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

Ni xi akakoo̱ 2:7

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ too̱ yá xí tsjá kjo̱a̱mindyion xi tikón ngi̱ndie tsjachoo̱n Néná.”

Ni xi akakoo̱ 21:21

Kó nga tiejó nga̱ntjo̱a̱a̱ kuí boá xi tiejó to ixkiìꞌ, nga ngo nga ngo nga̱ntjo̱a̱a̱ ngo to ixkìꞌ kamándani. Kó ndi̱yàtieé kui na̱xi̱ńdáꞌniuú to̱nsinié soboá soboá xi kamándani, xikoó tsi ngo chi̱tsen xí ꞌna̱.

Ni xi akakoo̱ 21:24

Kó ngayeje xota̱ na̱xi̱ńdaá kꞌuitsómá nga sa̱ꞌíntsijee̱n ndiꞌí xí fotjoni kui na̱xi̱ńdáꞌniú jàn, kó ngayeje ree̱ tꞌanangii̱ kjo̱e̱ꞌéjoo̱ kjo̱a̱jee̱ kui na̱xi̱ńdaá.

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.

Ni xi akakoo̱ 22:19

kó tsi tjín xi kjo̱a̱ꞌáxín chií én xí Néná tsáyà xi kjitꞌa kui xo̱jo̱o̱n, Néná kjo̱a̱ꞌáxiín ngi̱ndie xi tsoboaá kui, ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin ko̱jo na̱xi̱ńdáꞌniú tsjie xi kjitꞌa kui xo̱jo̱o̱n.