Ni xi akakoo̱ 2:7 - Xo̱jo̱n eén Néná

⁷ Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ too̱ yá xí tsjá kjo̱a̱mindyion xi tikón ngi̱ndie tsjachoo̱n Néná.”

Ni xi akakoo̱ 2:7 ပူးပေါင်းရင်းမြစ်များ

Jenesii̱s 2:9

Sꞌe̱ jaskan Néná katsꞌéntjó tꞌanangii̱ ngayeje to̱ko̱ya yá, achichí tsjákón kamá kui yaá, kó tsajaá to xi nda chinie. Ngamasiee̱n kui ngi̱ndiee̱ kisꞌijña ngo yá xí tsjá kjo̱a̱mindyion, ko̱jo ngo yá xí tsjá kjo̱a̱kjíntakón kjo̱a̱a̱ ni xi ndaa̱ ko̱jo ni xi ndajiín.

Énkjínkón 11:30

Kjo̱a̱mindyioo̱n boá xi tsꞌén xota̱ xi kixi̱i̱, ta̱nga xota̱ xi kjínkón boá, kui xi fíjo̱ xota̱ ngi̱ya tsja Néná.

Énkjínkón 13:12

¡Ni xi chiyaá kó fotjosónjín, kjo̱a̱ndasen tsjaá ini̱ma̱ná! ¡Ta̱nga xikónií tsi ngo yaá kjo̱a̱mindyion ma, kjiꞌanga fotjosón ni xi mejénná si̱ꞌán!

Énkjínkón 15:4

Én xí nda ndokjo̱a̱a̱, kuí boá xi xikoó yá xí tsjá kjo̱a̱mindyioo̱n, ta̱nga én xí chꞌo tsoó, tsꞌéndásénná.

Énkjínkón 3:18

¡Kjo̱a̱kjínkoón kuí boá xi xikoó tsi ngo yá xí tsjaá kjo̱a̱mindyion xota̱ xi kui foníkjá, kó achichíra̱tsjaa̱ xota̱ xi kui yaá kjiꞌiꞌniuú.

Matioo̱ 11:15

Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Matioo̱ 13:43

Kósꞌe̱ ngayeje xota̱ xi kixi̱i̱ kꞌuieé ndiꞌí xikoó tsꞌueé ki̱a̱ nínga botixómá Na̱ꞌmii̱. Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Matioo̱ 13:9

Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Markoo̱ 4:9

Sꞌe̱ bi̱ katsó ngase Kjisoo̱: –Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Markoo̱ 7:15

Ngayeje ni xi ndibání ndi̱tsén jàn xi kꞌo̱sꞌien ngi̱jin yojoo̱ xotaa̱, kuijín nii̱ xi tsꞌénndándí ngindyi̱ko̱n Néná, ta̱nga kuí ni xi fotjoo̱ ini̱ma̱a̱ xi tsꞌénndándí.

Markoo̱ 7:16

Xi tjín tji̱bo̱a̱nijon nga ku̱i̱ntꞌiè, ngatasiénníjón, kó ngatamakjiín kui eén.

Rkaa̱ 23:43

Kó Kjisoo̱, bi̱ katsoó: –Ja̱koxi̱ ni xi xiáa̱n, nga ngotꞌe̱ má ku̱i̱ndyinje̱ní ndiꞌakꞌajmii̱.

Rkaa̱ 8:8

Kó ingo tjín kuí xojmaá xi ixó tꞌanangi xi ndaa̱, kó kisꞌiee̱ to, kó íntsꞌién, kó nda to katsjá, ngaskande úchán to katsjá nga ngo xojmaá. Nga katsóyà Kjisoo̱ kui nii̱, ꞌniú tsíchji̱a̱ nga bi̱ katsó: –Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

1 Xota̱ Korinto̱ 2:10

Ta̱nga A̱si̱énni̱xtjii̱n Néná jè akóná kui nii̱, ngatꞌa̱ A̱si̱énni̱xtjii̱n ngayeje nii̱ xi kotꞌa, ngaskande ni xi ꞌniú tjiꞌmaá Néná.

2 Xota̱ Korinto̱ 12:4

kui nda̱a̱ tsangínjo̱ ngi̱ndie tsjachoo̱n Néná, nínga tsintꞌié én xí ꞌniú tjiꞌmá xi kji̱e̱ ngo xota̱ nga̱sondiee̱ xi boeꞌéndieè nga ku̱i̱chji̱a̱.

1 Xo̱jo̱o̱n Juaa̱ 2:13

Jún xi xi xchájnú, tjítsꞌenꞌindójnúꞌun kui xo̱jo̱o̱n jún, ngatꞌa̱ jè kamáyàjnú kui xi ja̱bo̱a̱ je tikón ndeskande koó nga ítjatsꞌennii̱ nii̱. Jún xi xo̱ngòjnú, tjítsꞌenꞌindójnúꞌun kui xo̱jo̱o̱n jún, ngatꞌa̱ jè kiniꞌánjnúu̱ nga kiniꞌánchajajnú xindajiín. Tjítsꞌenꞌindójnúꞌun kui xo̱jo̱o̱n jún xi ndí ndína jún, ngatꞌa̱ jè kamáyàjnú Na̱ꞌmii̱.

Ni xi akakoo̱ 13:9

Tsi tjín xí tjín tji̱bo̱a̱nijon, ngatasiénníjón kui eén:

Ni xi akakoo̱ 14:13

Kó tsintꞌie an ngo nda̱ xi kjindibáni ndiꞌakꞌajmii̱ xi bi̱ katsóna: –Títꞌe ji xo̱jo̱n kui nii̱: “Achichíra̱tsjaa̱ kui xota̱ xi ko̱yà nga je katsꞌéngojo̱ yojoo̱ Ndi̱a̱ná ngayeje kui ni̱xtjin xi fií.” “Jo̱o̱n, tsó A̱si̱énni̱xtjii̱n, sa̱ꞌínkjaꞌyájo̱ kjo̱a̱ni̱ma̱ ko̱jo kjo̱a̱niꞌii̱n, ngatꞌa̱ Néná tsja̱á ngo chjí kjo̱a̱a̱ ni nda xi je katsꞌén.”

Ni xi akakoo̱ 15:2

Kamábe an ngo ni xi ja̱kjiꞌi ngo ndáchíkón xi chi̱tsen xi tsꞌájinni ndiꞌí kjiꞌi, kó kui xota̱ xi katsꞌeén cho̱ chꞌokjiꞌii̱, ko̱jo a̱sie̱én, ko̱jo chi̱bo̱a̱a̱ jaꞌeén, ko̱jo xki̱i̱, ki̱a̱ ndyi̱a̱kixi̱ tꞌa kui ndáchíkón xi chi̱tse̱én nga ndyi̱yaꞌa arpa̱ xi Néná katsjaá.

Ni xi akakoo̱ 2:11

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, jmí ni ka̱májiín nga kji̱ndi̱bá kjo̱a̱bo̱ya xi ma joó.”

Ni xi akakoo̱ 2:17

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ ni xi ꞌmí manaa̱ xi tikónꞌmaá, kó ti̱ tsjàa̱ ngo ndí ndi̱jo̱ tiboa, kui xi kjitꞌaa̱ ngo jaꞌén tja̱tsi̱e̱ xi nde kji̱e̱ ngo xi be, ta̱kuítsí xota̱ xi kjíbé kuí ndí ndi̱jo̱o̱.”

Ni xi akakoo̱ 21:7

Kui xi sa̱ꞌiín, sa̱ko̱ó ngayeje kui nii̱, kó án xí ka̱ma an Nee̱, kó kuí xi ndína ka̱ma.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.

Ni xi akakoo̱ 22:2

Ngamasiee̱n ndi̱yàtié xi jee̱ kui na̱xi̱ńdaá, ko̱jo nga̱ndee̱ kui ndejeèꞌ, kamáxchá ngo yaá kjo̱a̱mindyioo̱n, kui xi xki̱ sá tsjá to, tiejó ndi̱yà nga ngo nó, kó xka̱a̱ kui yaá, kuí boá xi tsꞌendáyà chiꞌii̱n xota̱ na̱xi̱ńdá xí tjín nga̱sondiee̱.